خلاااااص آنا يآست مافي آمل تنفرج تعبت تدمرت ! ليه كل ذااا آدخلي هنا وبإذن الله تنفرج

اليوم آبشركم ماعندي مشكله ههههههه 🙁

بس حبيت آذكركم النآس للناس مو وقت الشدة بس حتى وقت اليسر والرخاء ,,

آحنا نطرح لبعض مشاكلنا ,, هموما اي شيء يضايقنا ..

آغلب مواضيعنا حزن هم غم مصيبة

آبغى آي إنسان يسمع لي وأطلع اللي في قلبي وآرتآآآآح 😈 ,,

ولكن شيء مفرح وآفرح آخواتي معي للآسف مرره نااادر ..

المهم آنا توني آفتح الجهاز وعلى طول لا شعوري لقيت نفسي آكتب لك هالشيء ,!

الحمد لله يابنااات ربي كرررريم سخي عظيييييم لكن نحن غافلين عن هالشيء

داايم نذكر الجانب المظلم في حياتنا وننسـى الشيء الحلووو 😆 🙄 ..

نظرتنا الاغلبيه طبعاً سلبية نشوف الشيء السلبي في حياااتنا ونتغاضى عن الآشياء الايجابية ..

فلان جرحني فلانه طعنتني آبوي سوى اختي امي صديقتي نحزن نبكي نقلب يومنا هم وغم 😛

خسااارة يروح يوم من عمري في ضيقة وآكدر خآطري ,,

تصدقون يابنات آنا ملاحظه شيء قاااعد يصير لي شخصياً وعن تجربة

من ترك شيء لله عوضه الله خير منه ,,

من توكل على الله هو حسبه

عدم اليآس وتكون نظرتي متعلقه نحو الآمل صدقيني رآح يجيك وفي آقل من ثواني ,,

راح آقولكم كم شيء صار لي شخصياً

قبل شهرين تقريباً او شهر ونص نزلت درجات الإختبارات النهائية 😡 ..

وشفت الدرجات كلها تمام إلا مادة حملتهاااا:P

تدرون يابنات مابكيييت ولا شيء صح آستغربت وانصدمت بس سبحان الله شيء واحد كان على لساني يوم شفت الدرجة

ورب البيت آذكر ذيك اللحظه قلت الحمد لله قدر الله ماشاء فعل ..

الترم الجاي بإذن الله اجيب فيها فوق 90 وتقدير إمتياز ,,

قفلت النت وسكت ماقلت لآهلي إني حملت مااادة

رجعت لتفكيري ورى آذكر طول الترم مواظبة ولا آغيب درجاتي حلوة

النشاط الواجبات سلمتها ..

معقولة الدكتوره ظلمتني ؟!

طيب ليه 😆 🙂

حسبت آعمال السنة وربي يبنات وصلت 48 باقي على النجاح 12 درجه فقط لاغير

طيب الإختبار النهائي اجيب اكثر من 12 اجيب فوق 30 ليييييه حملت المادة

تعوذت من أبليس وقلت الحمد لله الحمد لله ياااارب شيء مقدر

وربي يابنات آذكر كنت احمد ربي من قلبــــــــــــــــــــــي 😛

اليوم الثاني رحت الجامعة وكان آخر إمتحان دخلت آختبرت بعد الإمتحان طلعت من القاعة حصلت صديقاتي وقلت لهم آنا حملت المادة يابنات

وبإذن الله الترم الجاااي اجيب فوق الـ 90

هههههههههههه عندي آمل الترم الجاااي

البنااات انصدممووا قالوا لي انتي مستواكي عالي وقريب مننا مستحيييييييييل تحميلن الماده روحي نراجع الدكتوره قلت لا

انا وربي آستسلمت مررره قلت شيء كتبه ربي 🙂

بعد عناااد من صديقاتي رحت مجرجره الخطى << متعوب عليهاا ههههه

مكتب الدكتورة ومالقيناهااا ,,

جلست انا ووحده كانت حامل وتعباااانه وكنت اقولها الاسئله الي جتنا وآشر لهااا

وحده من صحبااتي راحت تتسكع في الجامعه ههههههه

شوي آسمع صديقتي تنااااديني من بعععيد أمـــــــــــــــــــــل امل اقول وش فيها منى انهبلت اليوم هههههههههه

جت قربت شوي مناا وبصوت عالي امل عدلت درجتكي عدلتهاااا قلت لها كذااابه بلا ثقاله دم

قالت وربي الدكتوره قابلتني وقالت آنا آسفه ياأمل << عبالها امل صديقتي تلخبط بيناا

قالت لها اسفه غلطت في رصد الدرجااات والدكتوره كانت مررره مرتبكه ومحتااسه وكانت طالعه من الشؤون يوم سمعتها منى قالت كذا انها غلطت بالدرجه

جت تجري تقولي

والله يوم قالت لي وعرفت انها صاااادقه بكيييييييييييييييييييت وسجدت شكراً لله عز شآنه بكيت من الفرح ويوم شفت إني حامله الماده ولا دمعة نزلت ..

وربي عوضني تدرون ليه لاني وكلت آمري ومصابي له

لآني ماتضجرت وجزعت ولعنت حظي ..

والحمد لله ربي ماخيب ظني وضااع تعبي ..

من يتوكل على الله فهو حسبه ..

…

وقبل فتره صارت لي آزمه ماااليه كبيرة وماحب آطلب آحد ابد

وكنت آقول في نفسي ربي بيرزقني وتنفرررج

حاطه ذا الشيء في باالي

وربي مامر يومين الا جاتني فلوووس من ربي رزق ساقه الله إلي

التوكل على الله فوووق كل شيء

وخلاص صار هالشيء من آولوياتي في الحياة

..

آتمنى ما آكون طولت عليكم 👿

كل الحب

آمولا ..