عالم البنات النسائي كل ما يخص المرأة العربية من ازياء وجمال والحياة الزوجية والمطبخ
]بسم الله الرحمن الرحيم
انا المفروض حاليا مخطوبة ومن 3 شهور وبستعد للزواج الشهر القادم ان شاء الله
قبل الخطوبة كنت عايشية بحرية مع صحباتى بخرج بتفسح مش عليا رقابة الا من بابا بس والحمد لله كنت مسؤولة مسئولية كاملة عن نفسى وحريتى كان فى حدود تربيتى واخلاقى وكنت منتظرة انى ارتبط بانسان انا الى اختارة مش اجبر علية لكن كانت بتمر عليا اوقات انى تعبانة ومخنوقة ومش لاقية حد اتكلم معاه وكنت بتمنى انى الاقى الشخص الى انا عيزاة بسرعة عشان ارتاح والاقى الحياة وردية بدون المشاكل الى بقابلها فى حياتى قبل ما اتخطب وبالرغم ان كان فى ناس كتير قدامى لكن ربنا وفقنى لشخص قبل ما حبيب كان نعم الصديق وان شاء الله ده الزوج الصالح الى كنت بدعى بية لنفسى وكانت ماما بتدعيلى بية
لكن الى فؤجئت بية ان الحياة مش وردية على طول زى ما كنت فى حياتى قبل الخطوبة فى مشاكل وفى ايام حلوة
واعتقد كمان ان الزواج هيبقى بنفس الشكل مش كل ايامنا هتبقى حلوة ومش كلها وحشة
عشان كده بقول لكل بنت متعتبريش ان الخطوبة او الزواج نجاة من حياتك قبلهم لا الطبيعى ان الحياة يوم كده ويوم كده
وبقول لكل بنوتة متستعجليش على الزواج او الارتباط لانه
بسم الله الرحمن الرحيم (وعسى ان تكرهوا شيئا وهو خير لكم وعسى ان تحبوا شيئا وهو شرا لكم والله يعلم وانتم لا تعلمون )صدق الله العظيم يا بنات الحياة مش وردية على طول وحاولوا تستمتعوا بيها واستلى وقت فراغك صح ومتغضبيش ربنا
وربنا معاكم ويحميكم يا رب
عن Nasserbe
شاهد أيضاً
انواع الاحراجات!!!! لا يفوتكم هع هع ….
أنـواع الإحراجات اللي تصير لأي أحد منا.<< ——————————————————————————– أنـواع الإحراجات اللي تصير لأي أحد منا…. …