عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكن صبايا ؟؟
🙂 😎 😆
^^
^
^
بعيد عن الملطوش والمنقول انقل لكم خلاصة تجربتي السابقة للعناية ببشرة الوجه
واللي دامت اكثر من 12 سنة
<< من يومها اسم عليها تحب العناية 😛
من الحين راح اقولكم ان المنتجات اللي استخدمتها طبية وهي للبشرة المختلطة الى الدهنية
وراح اوضح لكم اسم و نتائج كل منتج ( مرضية او مخيبة) واسعارهم
اي منتج عجبني ومفعوله كان رائع جدا راح ارمز له بالرمز 😆 hy:
ملاحظة :
اللي ناسبني يمكن ما يناسب غيري واللي ماناسبني يمكن يناسب غيري
فرجاء لاتجي وحده وتستخدم شيء ماعجبها وتدعي علي
انا كتبت الموضوع للاستفادة ومابغى منكم غير الدعوة الطيبة
ومسموح بعد تنقلونه على كيفكم باي منتدى لان القصد بالاول والاخير الاستفادة
نبدأ بسم الله وبدون ترتيب
سعرها 25 ريال … وتختلف من صيدلية لاخرى
بصراحة عادية مالقيت منها اي نتيجة ظل وجهي زي ماهو يمكن تنفع للي عندهم حب شباب ورؤوس دهنية … تحديدا لاعدمت وجهي ولا حسنته …
👿 2- صابونة ايه ثري ثلاثية المفعول … A3
سعرها 12 ريال
كلمة رائعة قليلة في حقها لها مفعول ثلاثي ( مبيضة ومنقية و … مدري خخخ)
المهم تخلي بشرتك تلق لق لق لق وفعلا تفتح البشرة للي يحبون
بس للاسف ماعاد شفتها بالصيدليات
3- صابونة ورغوة سيباميد … seba med
الصابون 12 و الرغوة 22 ريال
ماعليها كانت مريحة في الاستخدام وحلوة لكن مب واااو اهم شيء انها ماعدمت وجهي
وتنظف الوجه من الزيوت والزهم لكن ماتنشفه
و
4- صابونة البابايا 3*1
سعرها 10 ريال … وتختلف من صيدلية لاخرى
حلوة وتبيض وتقشر الوجه وتصفيه وتشيل الزهم بس عيبها الوحيد تنشف الوجه جدا
ولازم مرطب وتعرفون البشرة المختلطة مو اي مرطب يناسبها لذلك بدلتها بعد ماخلصتها وماجربت غيرها من 4*1 و 5*1
5- غسول ومقشر نيتروجينا … neutrogena
اسعارهم في حدود 35 ريال
الغسول في منه انواع ولا اتذكر اي نوع شريت لاني شريته يوم طلعت الشركة وتجي دعايته بالتلفزيون طبي وينصح به الاطباء … 😡 وياليت ماشريته
عدم وجهي صار كله حبوب صغار وجففه بدرجة فظيعة وعلى طول جنبته من ثاني استخدام
;)اما المقشر كان روعة وحلو ودورته ماعاد لقيته وتعرفون المقشريجدد البشرة ويشيل الخلايا الميتة 
و
➡ 6 – جل ووش جلايتون … glytone wash gel
سعره 89 ريال
رهييييب رهييييييب والله رهيييييييب بس وينه اشتقت له ماعاد له وجود
ينظف المسام بقووووة وينقي ويقشر بشرتك بلطف يخليها بيبي فيس من جد يخليها صافية وناعمة
روعة بكل ماتعنيه الكلمة من معنى
ممكن تقولون غالي وهذا يعتبر عيب لكن يستمر معك لمدة 3 الى 4 شهور علبته جدا كبيرة
7- جل سيس ديرما … sesderma salyisalic gel
سعره 130 ريال
استبدلت فيه جل جلايتون ويعتبرون نفس المفعول ونفس الخصائص
ولكن لايقارن بالسابق لاحظته قشر بشرتي ونعمها ولكن طلع لي كم حبه براس لكنها جافة
<< وهذا مب مرغوب … كملت العلبة كاملة ولاشفت زود النتيجة زي ماهي
سعره اغلى لان علبته اكبر
8- رغوة ومقشر كلين اند كلير…. Clean & clear
اسعارها في حدود 24 ريال
ماناسبتني صراحة طلعت لي حبوب كثيرة كنت في غنى عنها بصراحة حتى الكل لاحظ
بشرتي انعدمت وصارت مزيته بشكل فظيع
رميتها بعد اسبوع من الاستخدام << قال قال بشرة صبايا 😈 
و
9- صابونة الكبريت
سعرها 7 ريال
للامانة ما استخدمها غير مرتين فما اقدر اقول وش نتائجها
ولكن مبين انها حلوة للي يعانون من حب شباب ورؤوس سوداء 
10- صابونة بيزلين للتفتيح والكلف والنمش … Beesline
سعرها 20 ريال
استخدمتها مضطرة والسبب مالقيت غيرها بالصيدلية اثق فيها … لكن للي يحبون التفتيح صراحة مالاحظتها تفتح ابد 
😀11- صابونة بيزلين للبشرة الدهنية … Beesline
سعرها 18 ريال
رائعة جدا جدا جدا وش تخلي الوجه ؟؟ يلق لقة بس مع المداومة مرتين باليوم
تنقي الوجه وتصفيه وتفتحه وتخلي فيه لمعة غريبة الكل يلاحظ هالشئ
يمكن النتيجة تبين بعد اسبوعين … وبعد ماتنشفه تخليه مرطب حتى يدينك ماتنشف
وهي اخر شيء استخدمته وللحين مداومة عليها
وان شاء الله اني قدرت افيدكم ومابغى منكم غير الدعاء اللي يبرد القلب ويثلج الصدر
دمتم بخير وبصحة 😆 🙄
