عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم يافراشات .. صباحكم رضى من الرحمن وراحة بال يارب ..
موضوعي باختصار .. زي أي وحده متزوجة اكتشفت ان زوجها يكلم بنت ..
أول مرة اكتشفت هالموضوع كنت توي عروسة لي بالضبط اسبوعين متزوجة ..
وخبيت بقلبي وما قلت له ,, لاني ما اعرف تفاصيل العلاقة .. ولا عمقها ..
ومو من العقل اني اهدم بيي واسوي مشكلة من شئ انا ماني عارفه تفاصيله ..
بس لكم ان تتخيلوا قد ايه هالشئ مؤلم ومتعب .. ومدمرررر ..
بس بلحظة ضعف صارحته .. وزي اي رجل انكر بالبداية الين جبت له الدليل انه فيه بنت ..
وزعلت بقوة وكنت كثير منهاره .. لانه كبت اسبوع كاااامل انفجر ..
بصراحة الرجال ماقصر ورؤاضاني احسن رضى وطلب السماح مني ..
مع انه وضح لي انها وحده تضايقه ,وجالسه تتجسس عليه .. واحد مرسلها .
مادخل الموضوع راس ,, بس قلت بيني وبين نفسي يابنت مشيها كويس انه على الاقل فكر بخاطري ..
وجلس يراضي فيني ثلاث ساعات ..
مشي الموضوع ظاهريا بس داخليا اكيد لا .. بيظل في ألم داخلي عمره ماراح يروح ..
وبتظلين بين كل مرة ومرة,, وبين كل همسة وكلمة … وضحكة وابتسامة ..
بتظلين تتألمين وتنزفين ,, وبيتغير مودك بقووووة …
الحين لي شهر متزوجة ..
ودعت حبيبي وزوجي بعد مافطرته ,,ونظفت البيت وجهزت اشياء الغداء وكالعادة بعد كذا انط ع اللاب واكلم اختي ..
اكلمها بالماسن لاني بمنطقة بعيدة …
فتحت اللاب بس الماسن مارضي ينفتح معي .. نسيت كلمة السر ولا وش السالفة …
قلت لاختي اقولك تعالي ع السكاي بي ..
ونقرت ع السكاي بي الا يفتح الحساب الخاص بزوجي ..
شفت 3 اسماء بالسكاي بي ..
اول واحد بنوته ,, وثاني واحد هم بنوته ,, وثالث واحد أنا يالبى أنا بس 
اممم ما اهتميت كثير ان في بنات ..
لانه خلاص هيأت نفسي لهذا الشئ ..
بس لما قريت المحادثات تألمت .. لا مو تألمت الا انصدمت .. بس جد جد الصدمة الحقيقة اللي دايم اسمع فيها ..
ودايم ارددها ..
هالمرة كانت غيررررر .. حسيت قلبي يرجف رجفاااات قوية ..
بكيفه يكلمها من هنا لبكرااااااااا… في رب يحاسبه ..
في يوم بنتقابل وآخذ حقي منه ..
أما انه يقلل من قيمتي قدامها …
يعزها علي؟
يفضلها علي؟
وعلى فكرة المحادثة كانت بعد ملكتنا بكم يوم ..حوالي 8 ايام الين قبل زواجنا بحوالي 10 ايام ..
يعني طول فترة الملكة وهو معاها ..
ماعلي بالطقاق ماعاد يهمني انه يعرفها .. بس يهمني انه ما ينزل من قيمتي…
مثلا ..
سألته عني : وش اسمها ..
قال : فلانه ..
قالت فلانه وفلان ( اسمي واسمه )
الله ييسرها
قال ما يركب ..
فلانه وفلان يركب ( اسمها واسمه 😎
يالله لذي الدرجة مستهون فيني؟؟؟؟؟ وعلنا يقولها ما يركب ,, طيب كان أحد ضربك على يدك
وأجبرك تتزوجني ؟؟؟
ماعلينا شوفوا الثانية
تقول : اله يخلي لك أهلك وفلانه ( اللي هي أنا )
يقول / الله يخلي لي فلانه ( طبعا هي )
ولا كلف نفسه يقول آمين …
الثالثة …
يقولها .. ماتدرين انتي اشقد عندي غالية وعزيزة على نفسي انتي حياتي وربي احبك
تقول : ويخليك لي ويخليك لاهلك ولفلانة .
يرد المحترم / وربي انتي غير
اقسم بالله العظيم اني احبك اكثر منهم كلهم
مكانك قلبي
انتي الاولى
ولا غيرك احد .
اوووكي يا حلوه خلي روحك رياضية وابلعيها ومشيها …
نجي للطااااامة الكبرى اللي هي اقوى شئ
يقولها يمكن بعدين اتزوج واتطلق واكون لك …
طيب من الاول تزوجها .. ما احد ضاربك على يدك ..
بصراحة ماعاد قدرت اتحمل ….
انعميت واسودت الدنيا بوجهي
حاولت اهدي نفسي قمت اخذت شور ..
جهزت شنطتي .. ولميت أغراضي ..
ولبست وتعطرت ..
وحطيت شنطي عند الباب … لاجاء باقوله قبل يدخل ينزل الشنط ونروح المطار ويحجز لي وبانتظر في المطار لو لبكرا …
بس اللي ابي اعرفه اقدر الاقي حجز ,,, ولا بيلعب علي ويقولي مافي رجعنا ..
وارجع غصب عني بيته …
فكرت حتى لو صار كذا اقوله يطلع برا البيت … بس مستكبرتها وما ابيها تطلع مني …
أبي شور صحيح .. ما أبي أهينه … أو أذله … صح غلط بس غلطة على نفسه ..
وكمان ما أبي أل نفسي أو أهينه …
لاني ما ابغى الطلاق … بس أبغى يحس بعظم غلطته .. مو كل مرة بأسامح … وودي اروح بيت أهلي أريح ..
كثيرررر متضايقه منه ..
كمان فكرت ما أقوله من ايش زعلانه …
بس كذا بلاهه …
لاني لوقلت له بيعلى صوتي عليه وباصرخ وابكي
انا ما ابي ابكي ولا ابي ارفع صوتي عليه ..
شلون افهمه السالفه ..
واش اقوله انفتح السكاي بي معاي؟؟
أكثر شئ متحسفه عليه … ماعاد أصدقه
ولاعاد أفرح بغزله واهتمكامه وكلامه
خلاني أفقد الاشياء الحلوه اللي بيننا …. ,, حرمني من تفاصيل جميلة ..
قد ايه حلوه الثقة بين المتزوجين …
حسبي الله ونعم الوكيل
