خلطة لتقليل افراز الدهون بشرة حلوة وخالية من اللمعان بالصور

السلام عليكم
هذه الخلطة انا معتمدتها من مدة طويلة وماشاء الله فايدتها حلوة وتعطي شكل نظيف للبشرة واقصد بشكل نظيف انه البشرة ماتكون فيها دهون ولا لمعه ومالها اي تأُير على تصفية البشرة لانه البشرة الصافية يبي لها شغل مضبوط وعناية بشكل غير
ان شاء الله لي مواضيع بذا الخصوص

المهم مكونات الخلطة
– 1 –
سكر خشن – كويكر – حليب بودرة – ماء ورد

نخلطهم بماي ورد بارد جدااا يكون قوامه سميك شوي لكن ينفرد على البشرة

خليه على بشرتك لمدة ربع نصف ساعة الين يجمد
اي ماسك تحطينه على بشرتك وبدا يجف ويشد البشرة لا تتكلمين ابدا ولاتضحكين علشان لاتتمدد البشرة ويصير فيها ترهل وتجاعيد على المدى البعيد

بعدها بللي وجهك بالماء الين مايطرى الماسك واستخدمي فرشة البشرة او ليفه وبحركات دائرية ناعمه الين ماتزيلي الماسك تماما

بعدها استخدمي اي مقشر وانا افضل سيتي مورتيس المشمش او اي مقشر بالنعناع

وافركي فيها بشرتك مدة بحركات دائرية

اخيرا
قوالب ثلج الليمون ابدا مااستغني
كمية من ماء الورد معاها عصير ليمون وصبيها بقالب ثلج الين ماتجمد

امرر قطع ثلج الليمون بماء الورد على بشرتي خاصة منطقة الخدود والانف

وبعدها نتيجة حلوة بشرة مافيها ابدا لمعان الدهون ان شاء الله القى تشجيع
عندي تجارب كثير وفوايد باذن الله بفيدكم 😆 🙄

لو سمحتوا اتمنى انه الموضوع مايتنقل لاي منتدى اخر