عالم البنات النسائي كل ما يخص المرأة العربية من ازياء وجمال والحياة الزوجية والمطبخ
خلاصة تجاربى مع خلطات الشعر روعة
السلام عليكم حبيباتى
هقول لكم على خلطة تحفة للشعر مجرباها اكتر من عشر سنين
هتدعو لى ان شاء الله
المقادير
كيس حنة الشعر ٣ خمسات من الصيدلية وزنة حسب طول شعرك
حبة البركة و اطحنيها قوى
كمية صبار و قشريه ريحتة وحشة بس استحمليه
شوية زيتون نى مش مخلل حبذا لو اسود لو مفيش يبقى اخضر وانزعى البذرة
كام فص توم متقشرين متكتريش عشان الريحة
دلوقتى افرمى قلب الصبار مع الزيتون مع التوم بدون مية و لخبطيهم على الحنة المخلوطة بحبة البركة بحيث تعجنى الحنة بيهم و اتركى الخلطة ساعات او حتى بيتيها كده و الصبح اتحنى و اتركيها على قدر ما تتحملى عن نفسى كنت احط مشمع على السرير و البس حاجة مستغنية عنها و الف شعرى كويس و انام بها و الصبح اغسل شعرى
مرتين فى السنة يخلو شعرك تحفة بس تكترى الصبار
يارب تجربوها و تعجبكم عن نفسى من يوم ما اتجوزت معملتهاش و شعرى باظ بس يعنى مين هيحنينى؟ جوزى؟؟
بتحفظ توازن الشعر و صحتة
كنت اعملها مرتين فى السنة
تخليه ما شاء الله صحى مش محتاج لحاجة تانية
شامبو سانسيلك ضد القشرة للغسيل و ممكن مرة حمام زيت زيتون فى الشهر
