عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته <<رد السلام واجب ياحلوات
كيف الفراشات ؟؟ ان شاءالله كلكم بصحه وعافيه 😎
محسوبتكم انسانه اعشق شي اسمه خلطات كل مره اطلع بخلطه لدرجة ان بعض قريباتي صاروا يسألوني عن بعض الخلطات 
<< منااااك بس
ومن كثر مااروح للعطار واشتري من هالأغراض والعب بميزانية البيت عصب الوالد الله يحفظه وقال لي نشتري محل عطار احسن لنا بدال هالخساير 😥
وفي يوم دخل علي وشافني اكل بالهسريلاك (يقالي انه زين للبشره ومدهره اكل فيه) هز راسه وطلع >>فاقد الامل فيها ➡
وكل يوم الله يخليه لي يدخل يصحيني الفجر ويلقى بنته تقوطر من راسها الى رجولها زيوت هههه
وحتى الوالده الله يحفظها مره دخلت علي وكنت اسوي وقتها خلطه التشققات حقت الخل ولسان البحر قالت كانك ذابحه احد داخلها من الريحه 😉
واختكم بالله صار عندها تبلد من الروايح الشينه قد مااحط مااحسها شينه بالعكس 
>>الله يعيين اللي معها
اوووف ياكثر قرقي 😎
الزيدهـ:
مره من المراير وانا اتصفح قسم البشره دخلت على مجلة الافعى الحنونه وطبعا لأني اثق بخلطاتها بعد الله قلت خليني اجرب خلطة التشققات اللي هي : زيت السمسم
زيت الزيتون
زيت اللوز الحلو
زيت اللوز المر
وطبعا بمقداير متساويه من كل زيت
انا استعملتها اول كم يوم كذا بعدين زدت من راسي خل
وانام فيها واذا قمت اتروش و اذا خلصت احط زبدة الشيا مع زيت زيتون هي تجي كذا مخلوطه وجاهزه تلقونها في محل بالدور الأول في الصيرفي مول >>هذي بعد زدتها من راسي ➡
واحيانا احط زبدة الكاكو من فازلين مع الكولاجين من استيليفز
والنتيجه:
قولوا ماشاءالله تبارك الله
والله العظيم من اسبوعين يمكن خفت التشققات بدررررجه كبييييييره والحمدلله هذا كله بفضل ربي ثم الافعى الحنونه
من جد خفت خصوصا اللي فوق ركبي << كلها مخططه 😉
واتوقع لو استمريت عليها باذن الله راح تخف بدرجه كبيره وان شاءالله تروح وافتك منها 😆
المهم :
اللي بتجربها وفادتها تدعي لي والله مافادتها لاتدعي علي ابيها بعد تدعي لي 😈
يابنات الله يسعد كل وحده فيكم ادعوا لي 
