خلطه رهيبه لتطويل الشعر والنتيجه شفتها بعيني

والله يابنات ماكتبت لكم هالخلطه الا من بعد ماشفت بعيني نتيجتها ..القصه من الآخر ان حماتي جات تولد عند اهلها في جده وكانت تستخدم زيت على شعرها وكانت دايم تلف شعرها خبري بشعرها يوم زواجي في شهر سبعه كان لتحت اكتافها بشوي وكان ناشف ومتقصف 😆 الموووووووهيم قعدت عند اهلها شهرين وقبل ماتسافر بأسبوع سوينا لها عشاء وبهذاك اليوم سشورت شعرها 👿 الا وهو لآخر ظهرها انا انهبلت 😛 وقعدت اسمي عليها قالت بالله لا تتكلمين ابي اشوف في احد غيرك بيلاحظ طبعا بس طلعت للمجلس عند الحريم الا والكل يطالع بشعرها وش النعومه وش اللمعه وش الطول اللي واصل ماشاء الله لآخر ظهرها مع انها والله وقت ماشسورت شعرها ماتعبت عليه يدوب شوي بس طلع يهبل ..طبعا انا قمت حشرتها بزاويه وقلت لها هات السر بسرعه قالت لي والله هالخلطه قالت لي عليها وحده عراقيه جارتي بالدمام وكنت اتكاسل اسويها بس يوم جيت لأهلي قلت خليني اتسلى شوي بنفسي والحمدلله النتيجه ارضتني وش هالخلطه العجيبه ؟؟جبت ورقتي وقلمي وسنترت قدامها الا وهي تقول تراها بسيطه مايبيلها كل السالفه انك تخلطين كوب حلبه مطحونه طحن ناعم +كوب زيت خروع +كوب زيت زيتون أو اي زيت ثاني اهم شي الخروع والحلبه في الموضوع والزيت الثاني بس يخفف من ثقل الخروع وتحطينهم بعلبه وتتركينهم ثلاث ايام وكل يوم ترجين العلبه وترجعينها مكانها وتبدأين تستخدمينها من ثالث يوم مرتين في الاسبوع وراح تشوفين النتيجه وانا لي الحين اسبوعين والله احس شعري مبين عليه النعومه واللمعان ماراح اكذب عليكم واقول ان شعري وصل ركبي لا تو بديت ..وسلامتكم اتمنى ان اللي سبق وسمعت عن هالخلطه او جربتها تعطينا افادتها بعد … 😎