عالم البنات النسائي كل ما يخص المرأة العربية من ازياء وجمال والحياة الزوجية والمطبخ
خلطه وهي عباره عن نص كوب بودرة جونسون للاطفال وكوب ماي ورد وثلاث ملاعق زيت زيتون ونص ملعقة سكر ونص ملعقة ملح وشوية ماي
بصراحه جناااااان بيني وبينكم هي تنفع للسواد عموما بس اللي يبين على طول السواد اللي صاير من الاحتكااك يعني اللي بين الفخوذ او الرقبه او بين الصدر ….
الحمدلله لما استعملت هالخلطه والله العظيم يابنات كأني كنت اكذب اختفى السواد مااقول خف اقول اختفى وصارت المنطقه زي باقي الجسم والحمدلله رب العالمين انا كنت استخدمها بعد كل حمام ولاكنت استخدم صابونه معينه معاها اللي يجي احيانا لايف بوي والا اي صابونه عادي
طريقتها عاديه جدا بعد الحمام نشفي جسمك وبعدين حطيها على المكان اللي تبين بس يفضل تكثرين شوي اذا المنطقه غامقه مره وتخلينها دقيقه وهي بتنشف وبعدين تصير زي البودره يعني لاتخافين على ملابسك حتى لو لزقت فيها هي بودره وريحتها حلوه بعد …وبعدها خليها لاتغسلينها البسي ملابسك..
واليوم الثاني اذا اخذتي حمام فركي جسمك عدل وحطيها مره ثانيه وبالتوفيق
بنات على فكره انا زدت عليها كم قطرة ليمون عشان اضمن النتيجه بعد تعرفون الليمون مره يفيد حق السواد بس مو كثير عشان ماتطلع تلزق كم نقطه بس فتره قياسيه يمكن اقل من اسبوع جربو منتو خسرانين…
وفي احد من اقاربي جربها والسواد اختفى مرره
وانا الان توني سوويتها ورح ابدأ
بتجربتها بس انا بدلت بودرة جونسون ببودرة نونو لان ماعندي جونسون
دعوووواتكم لي بالزووج الصالح عاجلا غير آجل والتوفيق في حيااااتي
