عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اشحالكن خواتـــــي العزيـــــــزات؟
اليوم يبتلكم خلطه عجيــــــبه ومجربــه
جربتها وفادتني
ما تلاحظون أنه المغربيات أجسامهن موحده
يعني كل الجسم لون واحد
المهم سرت مره أسوي حمام مغربي
وجاااااان تقول لي المغربيه
بعطيج وصفه عجيبه بس لا تخبرين حد
>>>> يحليلها ما تدري اني وكالة الــ (((( Cnn ))))
خخخخخخخخخ
المهم جان تقول لي :
نحن المغربيات دايما نستخدم هالخلطه …. معروفه عندنا
وكــــــــل مغربيه تسويها
لأنها تبيض البشره وتسد المسام
وتوحد لون البشره
المهم
أم هزاع ما جذبت خبر
سيري وأشتري المقادير كـــــلها
وأخلطي الخلطه السحريه وجربيها
نيهههاااااااااي
عاد نحن ما نجذب خبر
المهم
المقــــــــــــادير هي:- حليب نيدو بودره (( كوب واحد ))
– رز مطحون. بتحصلونه في الجمعيات جاهز في أكياس. (( كوب واحد ))
– صندل بودره وبتحصلونه عند العطارين. (( شويه يعني مقدار 3 ملاعق كبيره ))
– مـــــــــاي ورد (( كوب واحد )) يعني على حسب العجينه لين ما تتماسك
– شوية زعفران من الأصلي مب قوم بو عبود (( شويه بعد )) يتذوب في ماي الورد وينحط على العجينه
وحطيه على جسمج قبل لا تسبحين لين ما ينشف عليج
وبعدين أغسليه بس بالمــــــــــــــاي الخالي
ويستوي تحفظينه في الثلاجه لكمن يوم
وعقب بعد ما تردين من الحمام المغربي افريكيه على جسمج
واغسليه بس بالماي
بيسكر لــــج المسام وبينعــــــم جسمج
صدقوني جربوا هالخلطه وما راح تندمون
وعلى كثر ما تحطونه بتستفيدون أكثر
جربتها والحمد لله انا ما شايه عليها من سنه ونص تقريبا
وراح تلاحظين من المره الاولى الاختلاف
واسمحوا لي طولت عليكم
