خلوّنا نبتدي بحملة ( خلوها تعدّي ) .. سآآعدووني بنشرهااا ..

السلام عليكم فراشاتي العزيزات ..
بينما كنت اقضي اجازتي الصيفيه في ربوع بلادي الخضراء < جد كنت بمنطقه خضراء ماكنتش بستهبل
كنت واقفه في الشارع الا وتمر سياره مسرعه وداخلها بيتر< 🙁
جاي يمشيني
مالكم بالطويله .. شعري هفه الهوا .. وجا في بالي سؤال جوهنمي ..
ليه وصل فينا الحال .. انه نرفض خاطب والسبب انه اسمر .. ؟
ليه وصل فينا الحال .. انه نلغي فكره خطبه بنت
والسبب انها سمرا .. ؟
من جد هذا الموضوع صدمني
قبل كنت اقول الدنيا مازالت بخير ..
بس من بعد مافكرت بالموضوع .. انصدمت من تفكير بعض الناس ..
‏
انا ما اقول اخذيه حتى لو ماعاجبك .. لا
بس ليه صرنا نهتم بلون البشره .. بغض النظر عن اخلاقه ..
مره من الامرار < 😆 على قولة ابوي الله يحفظه ويخليه ويطول بعمره يآرب ..
ولد جيرانا .. راح خطب بنت < المشكله انها تقرب لي من بعيد
المهم .. خطبها و وافقت .. وشافها شوفه شرعيه .. وحصل رضى من الطرفين .. بعد يومين اتصلو .. قالو احنا مو موافقين
يه ليه ؟ .. بصراحه ولدكم اسود ..
مع المعلوميه .. ان الولد حنطي .. وان خوال وام البنت سمر مرره ..
< لو جايني احسن له 😆 🙂
ليه مافيه اسلوب ؟؟
ليه تجرحون الرجال وفي شي هو ماله دخل فيه ..
يعني لو يدخن ممكن .. لو مستوى دراسي ممكن ..
هذي اشياء هو مسوؤل عنها بشكل مباشر ..
بس بخلقه ربي وربك ..
اهم شي ان الرجال تزوج الحين ببنت اجمل منها ولا عندهم احد حنطي كله بيض < وهذي هم تقرب لي
وتستمر القصص بنفس الحال .. وبااختلاف الشخصيات ..
ليه وصلنا لهالتفكير ..
صرنا اشبه بالامريكان .. هذا اسود وهذا ابيض
قبل كنت احمد ربي اني وسط مجتمع .. مايفكر نفس تفكيرهم
لكن للاسف وصل تفكيرهم هنا ..
و اذا استمر تفكيرنا كذا مو غريب ابد اني اشوف من شروط وظيفه معينه ان يكون المتقدم ابيض البشره ..
او حي بيض وحي للسمر ..
عندي سؤال اتمنى تجاوبونه .. ليه وصل تفكيرنا لكذا ؟
قبل كل شي ودي ان نتساعد ونطلق حمله بعنوان ( خلوها تعدّي )
انا ما ادري وش تفكيركم .. انتو
يمكن لأني نشأت وسط عايله فيها جميع الوان البشره .. صار هذا تفكيري ..
معليه خلونا نتذكر كلام سيد البشر ..
< إذا أتاكم من ترضون دينه وخلقه
فزوجوه, إلا تفعلوا تكن فتنة في الأرض وفساد عريض >
<تنكح المرأة لأربع: لمالها ولحسبها ولجمالها ولدينها فاظفر بذات الدين تربت يداك >
الرسول عليه السلام .. ماجاب طاري البشره .. ابد لا للرجال ولا للبنت .. واحنا اول شي نجيبه طاري البشره ..
[وشفت في احد المنتديات رد لبنت الله يهديها .. وفي آحد المنتديات المعروفه ..
< ارفضيه ترى العرق دساس وبكره يجونك عيال سود > << جزء من كلآمها ..
هذا ان دل دل على ان نشرح النصوص الدينيه على حسب هوانا .. صرنا نحفظ اللي نبي ونفسره بطريقه تعجبنا ..

اذا اعجبتكم الحمله ساهمو في نشرها .. 😳