خلو الموضوع سر بينا….هل سبق وحسيتي انك مو منجذبة لزوجك خصوصا شكليا؟؟؟؟؟

السلام عليكم حبيباتي
بصراحة هالموضوع تعذبت كثير وترددت كثير لما بغيت اطرح
لاني اخاف بيوم من الايام يشوفه زوجي وينجرح
بس وش اسوي مالقيت الا انتو بعد الله اشكيلكم وياليت كل وحدة تعترف بهالشي والحل اللي سوته عشان تتخلص من هالشي
انا بقولكم السالفة
زوجي الحمد لله انسان ملتزم وطيب وجسمه رياضي واطول مني بشووووي
يعني كنت اتمنى اتزوج واحد اطول واعرض مني ويشيلني وووووو <<<< مادري بس هادي كانت امنيتي من الصغر
المهم
بصراحة زوجي شخصيته وتدينه وطيبته تغطي على اي عيب فيه لانه فيه حاجات كثيييرة شبهي ونتفاهم الحمد لله باغلب الامور
المشكلة الحين اني سافرت عند اهلي وقعدت شهر وهو يطالبني دايما اني انحف انا طبعا لسة عروس
ووزني كان وقت الزواج 59 يعني الكل يعتبرني نحيفة لاني طويلة شوي
وعشان خاطره صرت 53 كيلو ولو اني كنت راح انهبل عن السمنة ولو شوي وكل الناس واهلي باركولي عالوزن اللي زاد
بس هو يقول لا ابغاكي عظم وجلد بس هههه
المهم قبل ما اسافرو اتفقنا قلت شوف انا عشان خاطرك بنحف وانت بالمقابل ابغاك تسمن وتضبط لحيتك <<< متعقدة منها لانها خفيفة ومتنثرة وحالتها حالة مو لايقة عليه ابد
المهم قلت له قبل ما تجيني المطار ودي تكون رحت لحلاق ينعمها شوي ويرتبها مو يشيلها
قال ابشري
طبعا انتو عارفين بالسفر الواحد يشوف ناس ويتمنى حاجات وانا متوقعة ارجع والاقي زوجي زي ما اتفقت انا وياه
لما رجعت هو انبسط وتفاجأ بنحافتي وطار بيا طيرااااان من الانبساط
وانا انصدمت انه لحيته زي ماحي وشعره زي ماهو رغم اني قايلتله ودي يطول شوي شعرك
ووزنه زي ماخليته لا وانحف بعد
قام يتعذر والله دوام وانشغال وما افضى حتى للاكل
طيب انا وش ذنبي احرم نفسي من الذ اكل بالعالم اكل امي الله يحفظها عشانك وازعل امي واهلي لانهم يبوني اسمن كله عشان خاطرك وانت زي مانت
صراحة
صراحة صراحة
بيني وبينكم
ماصرت احس باي انجذاب لزوجي نهاااااااااااااااااااااااااائيا
ومابغى اجرحه
دايما المح له واقول ودي تلبس زي ذاك الثوب ودي شماغك يكون زي ذاك ودي عقال ودي لحية زي فلان لو مانت عارف وش اقصد يعني
يعني اطلب حاجات مقدور عليها وحلوة مو انه يحرم نفسه من الاكل ووووو بالعكس ودي انه يسمن ويشبع
وش اسوي يالغاليات والله اني حريصة عليه وعلى الانجداب له بس ماصرت احس بهالشي ابدا
وارجوكم لاتقولون راح تحبينه وتنجذبي له بعد العشرة الزوجية ووووو
بالعكس ودي انجذب له من الحين يمكن قبل السفر وقبل الاتفاق كنت متعلقة فيه واحب قربه
بس الحين كل ماحاول يقرب مني ابتعد او لما نكون مع بعض اغمض عيوني عشان ما اشوف شكله واتخيل انه احلى من كذا
انا ما يهمني الحلا بالعكس زوجي ما شاء الله عليه وسيم وفيه براءة اطفال بعيونه وشكله
بس انا اقصد الاهتمام الشخصي بالشكل كالعطور اللبس اللحلاقة ووووو
شرايكم
وادرييييييييييييييييييي طولت بس كل اللي بقلبي قلته ولا ودي اجرحه
انا حاليا سة ماعشت معاه نهائيا ولا بعد استقرينا قاعدين ندور بيت
بس تخيلو اول كان مثلا يقولي احبك ارد عليه انا موت عليك وووو
الحين يقولي احبك اغمض عيوني اقوله انا بعد ❗ وبس
منتظرة مشورتكم لاني ماعرف وش اسوي ولا ابي اقوله لاني المح له ومافهم
احبه بس اخاف هالشي يأثر علي الايام الجاية
تحياتي وسامحني يازوجي الحبيب عالجرأة هادي بس والله كله عشانك <<<<كانه راح يقرا الموضوع هههه الله يستر
لاحد يعلمه ههههه تسلمو
يعني انا اتظبط واتعطر والبس واسوي وووو وهو ولاشي
واحلى شي فيه انه يقبل النقد والتعليق ويتاقلم ويتجاوب بس ماعرف كيف اقوله من غير ماجرحه 😆 🙄 لانه مرررة حساس<<<< ياليل ماودي اقفل الموضوع
بس بريحكم
انتظركم لا تخلوني خصوصا اللي عندها نفس التجربة
الله يسعدكن

لو سمحتو انا قريت الردود ورجعت للموضوع عشان انبهكم لنقطة معينة
انا ماني قاعدة اتكلم عن سلبيات زوجي او اني ابي حل لاهتمامه بنفسه انا اقول هل سبق وحسيتو بعدم الانجذاب لازواجكم لاي سبب كان وكيف اسوي عشان تصير نفسي تبيه وتبي قربه فهمتوووني؟؟؟؟؟؟؟؟؟