عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
اهلي اليوم المفروض يسافرون حق الصيف ،وصار لي كم يوم عند اهلي عشان اوادعهم
بس قدر الله وماشاء فعل
سبحان الله البارح دخل عبدالله على الساعه 1,5 صباحاً ، وفعلاً جلسنا نلعب معاه انا وولدي وجلست ادلع فيه ويا حركات بتسافرون ومين قدكم
وتونا بنفتح النت عشان نتكلم مع اخوي اللي بالهند ،، الا يتصل ابوي على زوجي
والله انا وزوجي من كثر القلق وقفنا وساكتيييين ،، ابوي بالعاده ما توصل الساعه 12 الا وهو خلااااااص تعباااان ومايقدر يواصل اكثر
بس غريبه ايش اللي صاير !!!
جلست اراقب زوجي وهو يتكلم مع ابوي
هلا عمي …. ايش ؟؟؟؟
متى صار هالكلام ؟؟ ……….. لا والله ما اعرف احد بمستشفى عبيد ، طيب وديه مستشفى ثاني ،، خلاص خلاص انا لاحقك .
وقفل السماعه ويقولي عبدالله مسوي حادث (وماناظر اخوي نهائي) بسرعه اخذ المفاتيح والجوال وراح
اخوي عبدالله الحين يكمل 18 سنه بس لسى ما طلعنا له رخصه قياده ، وسوا حادث وهو نازل من الكبري وصدم رجال كان قاطع الخط
وشكل اخوي طيره من قدام السياره لورا
المهم ،، ابوي اول ما وصل للموقع على طوووول قال لأخوي بسرررررررعه اذلف من قدامي وجاب صاحب السياره الأصلي (عامل عند الوالد) وخلاه يشيل الموضوع على انه هو السائق اللي صدم
هالحركه مش لأول مره تصير
برضه قبلها نفس الشي ، صدم بالسياره ولا قال لأحد احنا درينا من الناس
والعجيب انها سياره نفس الشخص (سبحان الله)
المهم ، اللي شال الموضوع الحين بالحجز و المصدوم بالمستشفى ، عنده شوية جروح برجوله ، بس شافوه يستفرغ وعقب سوو له اشعه لمخه وطلع عنده ارتجاج بالمخ
يعني الله يستر من العواقب
واخوي ….
تبون تعرفون اخوي ايش سوا من البارح ؟
طبعاً بعد ماراح زوجي واتهاوشت معاه شوي ، دخل غرفته وعقب طلع وجلس يتفرج تلفزيون لصلاة الفجر وعقب راح يصلي بالمسجد ورجع نام
الشرهه مب عليه ، الشرهه على خوف الأب على ولده واللي حرمه من العقاب
للحين مش عارفين ايش الجديد
ابوي وزوجي جو على الساعه 5 الصبح تقريباً
والله ابوي كان مهموووووم الله يكون بعونه
دفعوا في عبيد حوالي 20,000 ريال سعودي
وبعدها راحوا للفلاح والله العالم ودفعوا 15,000 تحت الحساب ، وقالوا له ترى يمكن توصل لمية ألف ويمكن ناخذ 5 الاف ونرجع الباقي ..
المغزى
العقاب مهما كان مر لابد من تحمل الشخص نتيجة أفعاله والعمل على اصلاحها
حمايتنا لهم تزيدهم نكسة وكسل وعدم تحمل مسؤوليه
أجل اشلون بيكتسبون خبرات في الحياة الا لما يجربون بأنفسهم
والقصه لم تنهِ بعد ،، الله يستر عليهم
