خواتي ابي منكن النصيحه

خواتي ابي منك النصيحه والله تعبت صحيح مايعرف جرجي الا الا مثلى وماهو مجروج مسموح

انا لى الحين 7 سنين مطلقه طلبت طلاقي من زوج مايخاف الله بشي (لا صلاه ومخدرات وام غيوره وخواتي عقارب ووووووو) والحمدلله حصلت على طلاقي بعد مشاكل ومحاكم

عندي ولد وبنت مشاءالله وعسى الله يطرح فيهم البركه

مشكلتي ياخواتي اول ماجيت اهلى كانوا تمام معي وتعاملهم زين وكنت شايله فكره الزواج من راسي

لانه كنت اقول عندي اطفالي واهلى وش لى بزواج وتمر الايام والسنه الاولى وتختفى الصديقات المتزوجات بعضهن والبعض لحد الحين متوصلين معى ويارب لك الحمد بس النصدمت من بعضهم من سمعت اني تطلقت قطعت علاقته معي ماغير في المناسبات والزوجات تسلم وتمشي ماكن جلسنا وضحكنا وكلينا سوى وحده منهن قالت لى قريبه لى واعترفت لى قريبتي وبعد ماشتكيت له من بعض تصرفاتهن (اخاف تاخذ زوجي منى ) بعد طلاقي عرفت الصديقه والغيرالصديقه

ومره السنه الثالثه والرابعه وهنا تغيرت على امي مرررررررررره وصارت تعاملني معامله الغير مرغوب به

واذا اختلفنا عيرتني بطلاقي واني لحد الحين ماتزوجت وهنا بديت افكر مو كيف اتزوج لا ابي اطلع من مدينتي كله وين مارحت مطلقه مطلقه حتى اخوي صار يتعامل معى بعض الاحيان بقسوه تصدقون احيان من نضراتهم اعرف وش يبون منى ليه نايمه كل النوم ليه ما تطبخين فطور غدا عشاء والوجبات الفرعيه وليه وليه وليه اشياء ماقدر اقوله من كثر ماصارلى ولا مالى حق بشى وخواتي صارن حزب لحالهن اسرار وسولف واذ جلست انكتمت انفسهن وطبعا امي معهن ودايم بغرفتي جالسه يا على النت او اقرا او اسوي شي ينفعني

الحين امي اذا شافت وجهي تنهدت اكلمه احيان ترد واحيان لا اذا سالته ليه ماتردين على قالت انا او انتي ما خذتني عدوه لك اقول له من قال ويالله مين يسكر باب امي افتح والله اسمع كلام مادري منين تجيبه واصبر واحتسب واقول ربي ادري وش بقلبي والمشكله اوشوف اطفالى يبكون اقول لهم ليه يقلون ليه جدتي تقولك ……………………… ياحياتي مساكين لا اهل يرحمهم ولا ابوا يرحمهم
ولو ايماني بالله وخوفي على عيالى كان انتحرت كم مره اتمنى الموت لنفسي

المهم يابنات وحده من اعز صديقاتي قالت لى ليه ماتزوجتى لحد الحين مع انك مو بين انك عند اطفالى وجميله قلت النصيب ماجاء الكل الى جوا متزوجين وانا مابي متزوج موناقصه مشاكل مع الضره قالت لى انى غلطانه اطلبي بيت لحالك مالك دخل في احد قالتله لا ابي مثلى مطلق او ارمل مامعه زوجه

قالت خلاص اشوفلك ام ماجد قلت وش ام ماجد قالت هذا خطابه بس ثقه ماتزوج اى احد قلت طيب
والله لو العذاب انا فيه مادورت خطابات جت الخطابه وشافتني قالت ماشاء الله عليك احسبك ماتزوجتى وانت عندك اطفال وصار كل يوم جايبه لى رجل كلهم متزوجين ثنتين ثلات قلت يام ماجد انا مابي متزوج قالت لى والله يابنتي من يدرون ان عندك اطفال يقلون مانبي اللى عنده اطفال حنا نبي وحده نستانس مو نربي اطفال غيرنا قلت مايخالف اصبر يجي اللى يرضى فيهم والحين صارت تجيب لى شيبان تقول اقوله معقوله اخذ شايب تقول راضي بعيالك قلت وجع وانا وايش اكون له ممريضه اطلع من هم وادخل هم ثاني

قالت اللى اكبر منك بكم سنه ومناسب لك متزوج وانتى ماتبين المتزوج اشرطى عليه اللى تبيه ومالك دخل بحد
ولا اذا رفضت اللى تجيبهم لى تزعل وتقول اف وهي ماعنده غير الشايب والمتزوج ثنتين وثلات او واحد عاطل باطل يبي يعيش من عندي عرفت انه ماعنده سالفه ماغير تبيى الفلوس واحيان تدق وتقول ماتذكرين لى بنت مزيونه موظفه بوه واحد وتقولى على موصفات زينه و اقول انا ليه تقول مايبي مطلقه وعنده عيال ولا وتبيني ادور له وجع

جاء قبل كم اسبوع دقت على صديقتي وقالت لى والله اني افكر فيك الليل والنهار وابيك تتزوجين
قلت وش عندك قالت فيه موقع للزواج وكثير ناس تزوجو منه انا سجلتك فيه انت ادخلى يمكن تلقين فيه نصيبك والله يابنات فيه رجال باهبل اللى عجزت الخطابه تجيبه بس مشكلته المصداقيه والجديه

المهم من ضمن الى يرسل لى واحد اكبر منى بسنه وشد انتباهي وصار بينا رسائل على انه معجب بياناتي وانه شبه مطلق و زوجته عند اهله وانه يدور اللى
تحتويه وتفهم عليه وووووووو وناوى يطلق

قلت ابكلم عمتى لانه هي الوحيده تفهم على وتكتم اسراري قالى لى انتظرى حنا لازم نعرف بعض اكتر اعطني المسن وتشوفيني وابي افهمك اكثر لانه مابى زواج تقليدى هنا انا استغربت مادري ايش اسوى