عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السسلام عليكم
حبيباتي اكتب لكم وقلبي يتقطع يتمزق ينزف يحترق كل شي
مشكلتي ان قبل فتره صارت مشاكل مره مع اهل زوجي والله مايخافون الله زهقوني
واكثر شي قاهرهم ان زوجي تزوجني عن حب
المهم كنت معهم بنفس البيت واخت زوجي مرة اخوي وهي سسبب المشاكل كلها تغار مره
وكنت افكر كيف اتخلص منهم وتخلصت وصار زوجي المصون يسمع كلامهم مره
بس اللي سويته كارثه
طبعا بعد ماتأزمت الحاله ضربني زوجي وسجني بالبيت عند اهله وحرموني من ولدي بنفس البيت يومين كاملات وقفلو البيبان علي واخذو جوالي وجت فرصه واخذت ولدي وهربت لجيراني ووصلني ولدهم وزوجته للمطار ووصلت اهلي
بس المصيبه مو هنا مشكلتي الحين
انا جيت الاثنين ومن القهر امه زوجته تخيلو الثلاثاء ملكو له والخميس لبس
المهم اخته ارسلت رساله بها قذفتنني واتهمتني اني طالعه مع رجال
ومن وصلت اهلي رحت للمستشفى اخذت تقرير بالضرب
واليوم رحت للشرطه واشتكيت على زوجي وعلى اخته لان الشيخ قال الرساله فيها قذف لازم البنت تاخذ جزاءها وقالوا اليوم يتصلون ويطلبونهم للحضور هو واخته وقالو راجعونا السبت بس وش يصبرني
احس اني مقهوره حدد زواجه بعد 10 ايام
تخيلو كنا نحب بعض انتظرته من خطبني الى ان ملك علي سنتين ونص ومن ملك لبسنا انسجن ووقفت معه حيل كنت اترك دراستي عشان اسليه ومايطفش وبعد سنتين يالله دبر المهر وجنني لين حدد الزواج المهم انتظاري له كان خمس سنوات كانت اجمل سنين عمري كنا حيل نحب بعض
ولما تزوجنا عشنا مع بعض احلى سنه بحياتي بعدها انجنوا اهله علي والحين خطب وملك بنفس اليوم لبس بعدها بيومين وعطاها المهر وحدد زواجه بعد 10ايام قهر انتظرته خمس سنين وماجلست معه الا سنه ونص نصها مشاكل من اهله طفشوني لين فرقونا تجي تاخذه وحده بارد مبرد بنفس غرفتي احس بقهر مو طبيعي
اخذ وحده اصغر مني بسنه بس
نفسي يقبضون عليه قبل العرس ويخرب عرسه اوووووف يالقهر احس اني بجن
ابي دعواتكم
لي بالفرج والحصول على الطلاق من حب عمري
القهر اخته مرت اخوي مره فرحانه وتبي تروح تحضر عرسه بعد ماخربن بيتي هي واخواتها وامها
بالله حسو فيني ساعدوني كيف انسى النار تغلي بداخلي انحرم من اشياء كثيره عشانه واليوم يتتزوج بكل سهوله
حسبي الله ونعم الوكيل ولاحول ولاقوه الا بالله اكيد بيجي يوم تخرب بيوتهن مثل ماسون فيني
ابي ادعيه تفرج الهم ابي الكل يحس فيني ادعي ربي ليل نهار اني اصبر بس موقادره تعبتت مره
ذبلت ماعدت احب شي كل شي كنت احلم فيه ماعاد له داعي نفسي يخرب هالعرس ونرجع انا وياه وولدنا ادري بتقولون قلعته بس والله اهله هم السبب طفشووووه مني وطفشوني منه
ابي الردود
كلكم قولو حسبي الله ونعم الوكيل فيهم ولاحول ولاقوه الابالله
ابي اشياء تشجعني انسى
اسفه ع اللخبطه بس جد انا ملخبطه
بالله يابنات ابي نتواصل مع بعض بالدعوات عشان الله يفرجها علي
بكتب لكم كل شي جديد لين يوم الاربعاء الجاي يوم زواجه
29 /6 انا ادعي ليل نهار ان الله يفرجها علي ابي اتطلق عشان اسوي حفله اقهرهم مثل ماقهروني
انا استغفر بالالاف وادعي بكل سجده وبكل وقت وكل يوم اقرا سسورة البقره
واقول حسبي الله ونعم الوكيل ولاحول ولاقوه الا بالله
اللي تبي تشاركني همي وتدعيلي تقولي عشان نتساعد وندعي ونعلم بعض الادعيه المستجابه باذن الله
انتظر مشاركاتكم ياحلواااااات__________________
((حسبنا الله سيؤتينا من فضله إنا إلى الله راغبون))
عن hamizovic
شاهد أيضاً
قصص نسوان خليجيان مساكين ودهم يدلعون ريايلهم…
هههههههههههه والله من جد كلامك ما نسلم من التعليقاتـ اليوم خطيبي جا وكنت كاشخه بساعه …