عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته..
انا ماأعرف ليش قاعدة باكتب وليش قاعدة باقول اللي اقوله.. بس انا ابغا اتكلم واقول واطلع اللي
بقلبي..
بنات انا صرت مرررررررررة كتومة واكتم اللي في على نفسي ولما انفجر انفجر مرة 1..
بس على نفسي ابكيييييييي لين اقول آمييين..انا الحمدلله راضية بكل شيء ربنا كاتو لي
والحمدلله مبسوطة بربي..ومو زعلانة من اي شيء بس انا اوقات اتضايق واحس اني مو طايقة نفسي
تعرفوا اني قاعدة ابكي وانا اكتبلكم ولو قلتلكم السبب يمكن تضحكوا علي وتقولوا تافهة بس بجد
ابكي من التعععععب والارهاق..
انا عشاني اكبر وحدة ماما تعتمد علي في انو اخواتي يناموا معايا بغرفتي وانا عمري 24 وهما 3 سنين
و6 سنين..
تعرفوا اش المشكلة دحين وليش ابكي.!!!
لاني انا مررررررهقة من الدوام اليوم وودي انام ومانمت العصر وماما مو راضيتلي!!!
تقولي ماتنامي واخواتك صاحين عندي خذيهم معاك!!!..
والله اني تعبااااااانة وعيوني بس تغبش وتعبببت اقااااوم!!! رحت دوامي من 7 الصباح ورجعت 5 المغرب
عشان بكرة عندنا اختبار للطالبات فقاعدين نجهز ولازم بكرة اروح ابدر من كدا يعني من 6 ونص وانا والله
مو بمدرسة انا بكلية استاذة بس دي الايام مرررة ضغط عشان الاختبار..
فوالله العظييييم مررررة نفسي اناااام ومو قاااادرة ورحت قلت لماما ماهي رااااااااااااضية..
ياااااعالم اش اعمل..ابغا ارتاح ولازم اصحى بدري لانو بكرة الاختبار وورايا ششغغغغغل كتيييييييررر..
تخيلوا خميس ودوووام..يعني كلهم ماشاءالله اهلي يناموا ويرتاحوا وانا لاااااااااا!!! واول مرة ندوام
خميس عشان السنة تحضيرية هذولا!!!
قلتلها بانام ومتى ماتبغوا تجيبولي اخواتي حاخلي الباب مفتوح.تقولي ماتنامي وتخليهم معايا
والله اني باحاوال افتح عيوني واقاوم ..تقولي نامي بدون مكيف في غرفة اخوك ولا بالصالة على
الكنب!!! 😡
ماما مو شريرة بس اوقات يضيق صدري من تصرفااااات كدااااا..اش ذنبي اني الكبيرة!!!
طب هما مو بناتي هما اخواااااااااااااااتي..
والله اكتب وانا دموعي قاعدة تصب..مو لسبب غير اني مرهههههههههههههقة وودي انااااااااااااام
وارتااااااااااح ومو قاااااادرة عشان لا اخلي اخواتي ..
واذا قلتوا نوميهم معاك ما ينااااااااااااموا قبل 12 او 1 تعودوا كدا!!!!
ياااااااااااااااويلي كم ساعة حاقعد اقاوم كماااااااااااان…….
انا ماقلت واتكلمت الا لاني مكتومة وماعندي احد افضفضله ومالي نفس ادق على احد واقعد ابيكي…
فطلعته كله هنا…
حتى لو مابتردوا علي عادي بس اهم شيء طلعت اللي بقلبي..
ادعوووووولي…مدري متى اصير حرة نفسي مو مرتبطة باخوات والله الناس يحسبوهم بنااااااااااااااااتي..
آآآآآآآآآآآآآآآآآآآآآآآآآآآآآآآآآآآآآآه بس آآآآآآآآآآآآآآه..
الحمدلله على كل حاااااااااااال..باموووووووت من التععععععععععععععب …ابغا ارتااااااح وانااااااااااااام.. 😛
اقدر اقولكم انو اليوم دا عدا..
الله يجزاكم خير..اول شيء أحب اقول للي فهموني غلط..
ترى انا استاااذة وليست طااالبة!!!
تاني حاجة جزاكم الله خير على وقفتكم وردودكم..الله يسعدكم..
تالت حاجة اللي تقول علقي على باب غرفتك ياحلوة المشكلة كانت انه لازم يكونوا
اخواتي معايا بالغرفة مو برة الغرفة يعني امي ماتبغاهم معاها ياقلبو ولا كان زماني سويت كدا..هههههه 😳
ورابع حاجة أبشركم عدا اليوم وسحبت اختي معايا الساعة 10 ونص وقعدت تبكي شوية
ف الغرفة بس غيرتلها واديتها حليبها عشان تنام بكيت شوية بعدين رجعت نامت..
لا والبشرى السارة صحيت الصباح واتروشت ولبست وجيت اقول لامي مع السلامة الا
تقولي فين رايحة دحين ماتخرجي دا الوقت طبعا الكل مستنيني 6 ونص في
الشغل وماما تقولي كدا..المهم حاولت حاولت واصريت ومااما وافقت الا
اني اروح 7 !!
طبعا قعدت متصبرة اراقب الساعة لين جات وخرجت بس طبعا قعدت ابكي نمت ابكي
وقمت ابكي شغلة الصراحة!
لا والبشرى الاحلى صحيت اختي الصغيرة وماما رمتها علي وقالت روحي لاختك اجلسي
معاها وجاتني تقولي : “غيرليها واديها حليب انا طوووول الليل مانمممممنمت!!!!” ((–
يعني هي مانامت! ياويلي ياويلي..مدري اش اسوي بس ومدري متى اصير حرة
نفسي!!
الحمدلله بس عدا اليوم على خير 😉
