عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
موضوعي “للنقاش الجاد”مع ضرورة الألتزم بالأخلاقيات عند النقاش وتبادل وجهات النظر..
من العنوان عدد كبير استوعب مقصدي وهو الدوائر الحكوميه النسايئه اللي نراجعها واللي تعاني من مشكله جدا حساسه وبحاجه للنقاش والعلاج..
الموضوع قديم وهو جرح دفين فينا انا وانتي ولكن متى يهيج هالجرح ؟؟؟
الجواب..
عندما نحتاج لمعامله حكوميه ونقوم بمراجعة هذه الدوائر وانا اليوم من واقع مرير عشته لمدة اسبوع اخيرا انتهى اليوم
طبعا هالموضوع مو بس عشان جرحني انا بس لانه كلنا نعاني منه في كل مكان
(المطار قسم التفتيش-الأحوال المدنيه-الكليات-الحدود البريه….الخ)
هو مشكله معاملة الموظفات في هذه الدوائر ..احتقار..نظرات غرور..يالله ترد عليك بعد ماتكلمينها 3,,4 مرات ومن طرف خشمها ..ليش عاد؟؟؟
الدائره الحكوميه فيها فوق ال12موظفه وماتشتغل الا 1 او 2 طيب والباقي؟؟
تبون تعرفون الباقي وش يسوون والله اقسم بالله العظيم انهم ..
1-اللي تتمكيج
2-تكلم جوال
3-مجتمعين معاها 2 او 3 ويفطرون
4-حاطه رجل على رجل وتلعب بالكومبيوتر
بالله ليش جاي الدوام ؟؟تراني مواطنه سعوديه حالي من حالك يااختي..اصحي لنفسك ومعاملتك ترانا خلق الله حالنا من حالك
وتذكري وراك حساب وعقاب يعني كل يوم تكررين نفس المعامله شوفي بتحملين على ظهرك كم ذنب؟؟
ابتسامه منك ومعامله حسنه بتلاقين دعوات لك بالتوفيق بس لم العكس وش تتوقعين يصير؟؟
(حاسبو انفسكم قبل ان تحاسبو)
والا اللي يجيب الهم تقول لك ارجعي بكرا واذا سالتيه ليش تقول بس كذا انا قلت بكرا وخلاص….ولاتعطيك مجال للنقاش
والا نظراتهم ومعاملتهم تقولين لها لو سمحتي..مره مرتين ثلاث ماباقي الا تبوسين رجلها وهي يالله تقول لك نعم؟؟؟
والله من واقع سمعته واليوم وحده قالت لي وشفتها بعيوني مبين انها انسانه بسيطه وعلى باب الله وكان معاها جماعه وقالو لها ارجعي وقالت لخواياتها انا برجع
الا اللي جنبي تقول والله حرام هذي 4 مره مسكينه تجي وتروح وكل مره مشوارها ب80 ريال وهي انسانه على باب الله (هالانسانه كم انسانه مثلها ؟؟؟)
معاملة النساء بدوائرنا الحكوميه يجب ان تتغير ويتميزون باخلاقيتنا كسعوديات اللي تربينا على دين الاخلاق وسماحة الوجه والابتسامه والطيب ولين الجانب…الخ
اتمنى اخواتي تناقشوني هالموضوع مع الالتزم باخلاقياتنا وانتقاء الالفاظ اللي تعبر عن شخصيتنا
مجهودي الشخصي لمنتدى الفراشه النسائي
دلع طفوله
