دوره في فن التعامل مع الزوج

الى اخواتي الفراشات….اللواتي اجتمع معهن في هذا المنتدى الرائع
الموضوع واضح من عنوانه ولاكن
قبل ان ابدء بالموضوع
احب اكتب لكم مقدمه بسيطه… عشان اكون واضحه وصريحه معكم في الموضوع وبنفس الوقت ممكن يغير من نظرتك بشي وتفكيرك بشي وامدك بالامل والقوه

بس قبل كل شي
ما احلل نقل الموضوع الى أي منتدى حتى بذكر المصدر((والله فوقنا))

مقدمتي ما اقدر اقول بانها طويله او قصيره…مفيده او تكون مختصره…لاكن الي يهمني النتيجه الي بتجي منها…خاصه اني وحده ما احب المواضيع الطويله بدون فائده

طبعا بالمقدمه بذكر اسم ربي وبصلي على رسولي((ياليت تذكرين ربك وتصلين على الرسول الان))…
خذي نفس عميييييييييييييييق….اختي حبيبتي
لو تاملتي للحياه لتجديها جميله بعيوبها وحسناتها لتجديها متكامله وغير متكامله
حلوه وبنفس الوقت مره….صح
بفاجئك واقول ان هذا شي يرجع لنظرتك الداخليه للموضوع
يعني نظرتك للحياه

والحياه بطبيعتها مراحل تمرين بها يا انك تفهمينها وتتطورين للمرحله التاليه او انك تجلسين في مرحله معينه
خلينا نمثل الحياه بالمدرسه كنتي طفله وصرتي بالابتدائيه بعدها المرحله المتوسطه وبعدها المرحله الثانويه الا ان تخرجتي ومازال العلم موجود لا نهايه له…الخ

هذي هي الحياه مراحل تمرين فيها ولازم تمرين فيها ومالها نهايه أي كل يوم يجيك علم جديد
وكل ماتكبرين كل ماتكبر اعمالك وحياتك معاك
بضرب لكم مثالين خفيفين عشان تفهمون قصدي…
خلنا ناخذ اللؤلؤه….والذهب

اللؤلؤه عباره عن حبه رمل دخلت بداخل محار وتكونت فوقها الماده اللزجه التي ينتجها المحار لتكون لنا لؤلؤه غاليه الثمن
يعني بدت بمرحله بسيطه وانتهت بمرحله كبيره

الذهب كان عباره عن مواد خامه مامنها فايده ولا ثمن لاكن يوم تمتزج بعضها ببعض تنتج لنا الذهب الخالص
يعني كان ايش وصار ايش…بعد مايمر بمراحل معينه يتطور
وزيهم برضو النفط,….الخ من الامثال

من كلامي السابق نستنتج امور عده
ان الاشياء تبدء بسيطه وتنتهي الى شي جميل
وان الامور تتطور وتمر بمراحل عده لكي تصل لمكان او مرحله معينه
وان كل شي بهذي الحياه مايجي الا اذا مر بمراحل معينه …والي اقصده هو الضغوط والتعاملات والامور الي ممكن تساعدني لتجاوز هالمرحله
يعني الذهب والنفط لما يمرون تحت الضغط والحراره والرطوبه وووو راح يتكونون لي في النهايه بس بدون هالامور ماراح ينتج لي شي

فالحياه عباره عن مراحل تمرين فيها….وتواجهين الي بداخلها عشان توصلين لمرحله جديده رائعه
ومن اهم مراحل الحياه في نظري((الحياه الزوجيه))
طيب

خلينا نرجع للوراء…يوم كنتي طفله تذكرييين نفسك والا لا…خلينا ناخذ دقيقتين بيننا وبين نفسنا لنتذكر طفولتنا
هاه…وش تذكرتي….اكيييييد اشياء كثييييره
طيب تتذكرين وانتي صغيره وش كنتي تفكرين وتحلمين….اكيييد اشياء كثيره
بس العجيب بالموضوع انك كنتي تحلمين وتتمنين اشياء كثيييره تسوينها لما تكبرين والعجيب اكثر انك خططتيها لتنجزيها بدون ماتهتمين للعواقب
ليه مانتعلم من الطفل الي بداخلنا…يوم كنا صغرا كنا نحط امال…نهتم للاننا نحققها…نحاول نحققها لو كانت صعبه ومانهتم بالمخاطر والصعاب…لين ننجزها
ماكنا نقول لا وماكنا نقول مانعرف صح….
اكيد كل وحده فينا قالت وهي صغيره لما اكبر ابي اصير كذا او ابي اسوي كذا
طيب ايش الي منع من تحقيق حلم الطفله الي بداخلك…
فاول شي ممكن ناخذه معانا في هالدوره الحلوه قوه طفولتنا الي بداخلنا
خلي كل وحده فينا تاخذ قوه الطفوله والاصرار من الحين خلينا نسترجعها يالله يالله

طيب تذكرين يوم كنتي طفله اذا بغيتي حلاوه او بغيتي شي تسوينه وتجلسيمن تحاولين لين يجيك
طيب ليه مانستفيد من هالنقطه هذي بعد…الصبر والاصرار والمحاوله

يعني تحطين ببالك حلم وماتهتمين اذا طول الموضوع او لا بس تهتمين للانجازك للموضوع
اتعلمي من الطفله الي كانت بداخلك اتعلمي من اطفاااالك الي حولينك
احب افاجئك ان هالشي موجود بداخل كل انسان في هذا الكون
((الامل…الصبر…الاصرار…التحقيق))
من يوم ماتنولدين وهذي الاشياء بداخلك….عجيييييييييب والله
بس الي يفرق الطاقه الي بداخلنا والمشاعر الي بداخلنا….والا ترا كلنا واحد وكلنا نقدر نسوي نفس الاشياء اللهم اختلاف الطاقه والتفكير هي الي خلت منها نجح ومننا سقط

يعني مافي فرق بينك وبين أي وحده غيرك كل وحده فينا هي تثبت وجدوها وقوتها وحلمها وعزيمتها بطريقتها الخاااااااااصه

هذي الي كنت حابه اوصله لك ونستنج الكلام بطريقه نقاط
• ان الحياه عباره عن مراحل تمرينها عشان توصلين للشي الي تبغينه
• ما تتغيرين وتتعلمين وتحسين الا تحت ضغوط تمرين فيها تساعدك على التغيير والفهم
• ان كل شخص يشبه الثاني مافي اختلاف الا بالطاقه الي بداخلنا والتفكير
• كل شخص بداخله امل وصبر واصرار وتحقيق منذ الطفوله ودليل اصرار الطفل على مبتغاه وثقته وامله بالي حوله وشعوره بالامان لدى اهله