ذكرت لخطيبي تجهيزات العرس , فاختفى

أنا مخطوبة من 9 شهور و لسا باقي على العرس نصف سنة تقريبا

البارحة كنا نتكلم أنا و خطيبي , و صرنا نتناقش في موضوع تجهيز الشقة و العرس , فقال لي ” والدتي هي اللي تتكلف بكل شيء من العفش و تحضيرات الزواج” فقلتلو رح أقولك شو بدي في العفش و الأثاث يمكن تنسو شيء عن غير قصد ” فقال لي ” أنا ما راح أدخل في اختيار والدتي لأثاث الشقة و العرس ” و بعدين قال لي انو عندو عمل و من بعدها ما كلمني لهلأ

أنا مستغربة من تصرفو كتيير

مع العلم أنو في الخطوبة ماجاب لا شبكة و لا شي , و بعدين قال لي أنو ماكان عارف أنو لازم يجيبها و والدتو ما قالتلوا عليها ! و بعد ما قلتلوا جاب الشبكة و ماكانت شيء جيد بس قلت أهي شبكة و السلام , و خايفة يصير نفس الشي في العرس , رغم أن ظروفو المادية مو صعبة لها الدرجة و من أسبوع غير سيارتو و اشترى وحدة أغلى

و في مرة قال لي أنو كان بدو يشتريلي هدية بس خاف ما يجيب شي على ذوقي و قال لي انو رح يبعثلي المبلغ نقدا و أنا بشتري اللي بدي ياه , و ذكرلي المبلغ كام , و في الصبح كلمني و قال لي انو والدتو قالتلو هاذ مبلغ كبير و هو عندو مصاريف زواج و قال لي انو رح يبعثلي نصف المبلغ

هو انسان منيح كتير و بيحبني بس بحسو بخيل شوي , أنا مو محتاجة شي الحمدلله و أنا عايشة مرتاحة ماديا عند أهلي بس خايفة بعد الزواج ما يصرف على البيت بشكل جيد و خايفة كما لما أقولو بدي شي يهرب و ما شوفو إلا بعد أسبوع !