عالم البنات النسائي كل ما يخص المرأة العربية من ازياء وجمال والحياة الزوجية والمطبخ
للامانه ولحفظ حقوق كاتبت الموضوع الموضوع منقول بس اثر فينى بشكل
اختى كانت مسجله بالمنتدى واصرت اقرا القصه المغرب فحبيت تقرونها
السلام عليكم ورحمته وبركاته
حبيت اطرح هالموضوع هنا عسى ان يلاقى استحسانكم
مدخل
هى حاطه الرابط عشان تشغلونه وانتم تقرون
هالموضوع اتمنى ان يكون يوعى قلوب كثيره اتخذت من السرعهـ متعهـ مخيفهـ
بدايهـ
ببدا الاحداث فى يوم من الايام قررو ابى وامى انهم يعتمرو
واخذونا انا خواتى 2
وطبعا اخوانى واحد كان عمره سنه وشوى وواحد كان عمره 4
كنا رايحين لمكهـ نعتمر
كان فيه سيارتين كانو مسرعين ممكن يمشون150 او اكثر
وبعض الاحياااااان يهدون
كان ابوى متضايق منهم لانهم متهورين
وبعدين صار ابوى يسولف معنا وانا كان اخوى يلعب معى الصغير
وفجاااااااه بدون سابق انذار
آآآآه وبوووووم
هذى اخر لاسمعتهـ واخر لاشفته يد ابوى كانت تمسكـ المرتبه الى يم امى
وبعدييييييييين
ثلاث شهور كنت بغيبوبهـ بس صدقونى كانها نومهـ وقمت منها ـ ماحسيت بشئ
كل الى اتذكره انهم اهلى الى كانو معى بالسياره يجووون لمى مثل الخياااااال يضاحكون
كانهم يطيرون وينقزون حولى
وكل ماجيت امسكهم ابى العب معهم يضحكون ويختفون
وبيوم من الايام قمت من الغيبوبهـ اول ماقمت حسيت شى غريب سرير ولحالى
ممكن انا افقت الفجر وقمت من السرير
واطيح و انادى امى وابوى
ومسكونى السسترات ورجعونى
ذاكـ الوقت حسيت قلبى يدق بقوه
المهم جاء اخوى الى اكبر منى وجاء جدانى انا كنت صغيره ممكن 14سنه
طمنونى انهم بخير وسكت وش بسوى خلاص طمنونى
وطلعت بعدها بكم اسبوع كنت اعانى كسور برجولى ويدينى بس
ورحت لبيت جدانى جدتى
دخلت الا عماتى وخالاتى كلهم موجودين
بس عيونى ماتنظرلهم تدور زول امها واخوانها
ذاكـ الوقت عرفت بقلبى انهم فيهم شى وقعدت اصيح وهم يهدونى
لحد هناااا وخلاص
انا من ذيكـ الاياااام تمنيت احد يسالنى وش صااار بالحادث عشان اشيل شى من قلبى
اشيل شى كاسرنى
بس كلن يتحاشى السوال على بالهم انهم ينسوونى الى صاااار
واذا فتحت الموضوع يسكرونه طيب انا بقلبى شى ودى تشيلون عنى شوى البكاء انا تعبت منه
والهم اثقلنى
تمنيت انى معهم
الى اعرفه ان سبب نجاتى بعد الله انا كنت بالنص وطبعا الاجساد الى حولى الى هم خواتى حمونى بعد الله
ومكان ذاك اليوم يوم موتى
والخطاء كان 100%على الى صدمنا المتهور
ومع ذالكـ تنازلو اعمامى وخوالى عن القضيهـ
والديهـ
امه جاااات لنا قبل فتره تبي تشوفنى وتطمن على وتعذر انا رفضت مابى اشوفها
ماااااابى اسلم عليهـــا احس الموت ريحته فيهــا
احس اهلى يحومون حولهــا حاولت تسلم على وانا رفضتـــ وقلت اطلعى برهـ اطلعى برهـ
اكرهاااااااا واكره ولدهااااااا مـــابى اشـــوفــهـــا وش تبى عندى وش تبى منى
كنتـ مـــاعـــرف الحقد مااااعرف الكرهـ
ومانى مسامحته لين يوم الدين
حتى وهو الحين ملتزم وعنده عيااااال
لاتقولون انا قلبى اسود ماسامح والمسامح كريم
انا قلبى ترا موب اسود انا قلبى احسه بين اشواكـ تعتصره من الوجع
ياااااناس تخيلو بس مجرد تجيل انكم مكانى لحظهـ
امى ابوى خواتى اخوانى كلهم بلمح بصر راحو
معاااد شفتهم معااااد ناديتهم خلاص انتهو ورقه طاحت من صفحة حياتى ماقدر ارجعها اختفت
ماتو واندفنو وانا مادرى عن شى
قعدت بايااااام مايعلم بها الاالله ذاكـ الوقت تحطمت تحطمت ترجيت اروح بس البيت كنت ابى بس اشوفهـ
ابى ريحه منهم ابى لو لبسهـ لاخوى الصغير ابى ثوب لامى انهرت وانهرت الين رحت لهـ قبل
ماينباع البيت
رحت مع جدتى عشاااان يروح من نفسى شى بس لاتلومونهم يوم ودونى والله من حاااالتى
ودخلتهـ ياويل حاااااالى بردت عظامى واقشعرت اطرافى ركضت الين دخلت الصالهـ حيل مظلمه
رحت للمطبخ ابكى اقلب بالدروج افتح الثلاجه اتخيل امى فيهـ تسوى وتنادى على الاكل شيلى يافلانه الصحون
شيلى اخوكـ وانا متكاسلهـ بين ايهـ ولا
رحت للدور العلوى غرفنا
طبعاً اختى وجدتى حاولو يمنعونى ادخل غرفت امى وابوى بتقفيلها عنى
وبكيت الين دخلت شفت غرفه كانت تنبض بالحياهـ وكان باركانها صدى سوالفهم
وريحت عطرها فايحه واليوم ياويل حاااالى حتى عطر امى رااااح
وغرفهـ تشكى الفرقا مظلمه محزنه طبعا كل شى كااااان فاضى مافيهـ ملابس ابدا بس ابى شى ابى اشوف ممكن
لصغر سنى اتمنى انى اشوفهم اتمنى احد يجينى يقول شوفيهم ترا كنا نمزح والله من البكاء معادت شفت الى قدامى
صدى صوتى ملا الغرفه رميت نفسى للسرير ابكى وابكى وحالى مكسوره حسيت نفسى طير منكسر جناحه ومجروج
قعدت اشاهق واشاهق واشاهق قالو يالله شيلوها مشينا انا هنااا ترجيت والله معااااد ابكى والله معااااد ابكى
بس ابى اشوف غرفت عبوده
ياااازين اسمه ليته حى
جريت رجلى وقلت ابى اكون لحالى روحو
اول ماااادخلت الغرفه جلست بجنب الباب ابكى اتخيلهم يناقزون قدامى يلعبون
ابى اسمعهم يصايحون كانو يزعجونى بذاك الوقت واليوم لو اسمعه صوتهم يسلينى
رحت لسريرهم اضم فراشهم يازين ريحته كان مغبر ونظفته ورتبته
وبعدها رحت لدولابهم وصرت
اشاهق من قو البكاء وسكت بعدها
شغلت المكيف بغرفة اخوانى انظر فيها تحزن فااااضيهـ بعد من الملابس كلهـا شالوها
حطمونى حتى الصور كلها احترقت حرموووووونى اشيااااء حرموووونى ذكرى غااااليه بقلبى ياااناااس
والله لو تسوون الى تسووونهـ ماااانى ناسيتهم ماااانى ناسيتهم
وبعدها
وبعدين رحت لغرفتنا انا وخواتى ليتنى مااااارحت اشتقت لكم اشتقت لهواشكم وينكم عنى اليوم
رحتو وخليتونى وحده منهم مكانت مشتهيه تروح بس لحبى لها اصريت وراحت
مادريت انى للموت اوديها ليتنى دريت والله لاذبحها وماخليها تروح ابد ابد
وقلت ابى انظفها وخلونى وانا ابكى
نزلت مع الدرج حسيت بانهيااااار حسيت وراى شى اسود كل مانزلت احس بظلمت الفرقى تغطى البيت
عاد بذيكـ اللحظه بس كنت بحاله ماتمنى اى احد يمر فيها
مسكت الدرج ماااابى اروووح ياويلكم لو تبيعونه اشاهق واشاهق
يحاولون ينزلونى وانا متمسكه ابكى وابكى واصيح يمكن ذاك اليوم جيراننا سمعونى لان صدى الصوت وااضح
الين اغمى على من الحزن من شى فى كبدى يحترق
ويبونى اسااامح واصفح وانسى كل هذا
انا قلبى اسود ايهـ اسود لان اسودت الدنيا بعينى ماتبونه يصير كذا
قلبى تحطم ونفسى انكسرت يوم رحت عن البيت انكسرت مثل الزجاج
تمنيت انه يموت بحاااادث لا تمنيت يمووووت محترق بحاااادث
ابيهـ يشوف الموت الى اهداه لنا بسرعتهـ
وبـــعد كذا
رحت لبيت غير بيتنا
رحت لبيت مافيه امى مافيه ابوى مافيه احد تعرف هذا كيف تعرف وانت راجع يهللون اهلكـ لكـ بالسلامه
امكـ ابوكـ يحتضنونكـ
وانــــا ياهذا وينهم حرمتنى فرحة الطفوله حرمتنى حياااااه كامله قمت من الغيبوبه تمنيت اشوفهم
بس مره وحده يشوفونى طيبه
وبعدها
رحت لبيت احس انى فيهـ غريبه
صحيح ان جدانى حطونى بعيونهم وكل اعمامى واخوالى وماناقصنى شئ
بس وش الفايده!
ابى صدر حنون ويد حنونه
ابى امى وابوى بفمى اقولها
واتمنى كل واحد يسرع يموووت بعد اتمنى يموووت
ليش تحرمونى حياتى و اغلى نااااااسى وش استفدت يوم اسرعت تتفاخر
شفتنا نموووو ت ونطاااير قدام عيونكـ
هذا الى خلاكـ تتوب طيب التعليمات وان السرعه قااااتلهـ ماخلتكـ تتوب
اتمنى بس اتمنى تقولى كيف كااانت احوالى انا و اهلى بالحادث ابى اشوفكـ تعذب وانت تشرح
ياترى شفت ابوى راسه مد مى وعيونه فاتحه لانه ماااااااات ودع الحنون الحياه ودع الغالى الحياه
شفت امى تصيييييح لين مااااااااتت ابى اسالكـ بس شفت الصدر الحنون تموووووت
ياترى كااااانت تدورنا يوم عرفت انها موادعه ياترى قلبها كان ينبض بحبنا لاخر لحظه حب الام لصغارها
وخوفها عليهم
هل حست انها عجزانه عنا ولا من هول المنظر وماتحمل هالقلب المنظر ورااااح راااح عنى
محتاجه الحين ايه الحين له ينبض ينبض بحبها لي ابيها تشوفنى اكبر واكبر قدام عيونها
ابيها جيبولى ذا القلب ابيه ابى شى من تحت ايدينها اى شى اى شى بس اى شى حطمتنى حطمت حياتى
ولا ولااشفت اخوى الصغير ميت على الزفلت ياترى ماااات على طول ولا بكى ينادى الين راااح
وخواتى متانثارت ياااترى هاه
تكفنو وغسلو بنفس اليوم بنفس اليوم وراحوللمقبره الى اعرفه انكـ حضرت الدفن يا ترى
من اول لاندفن يااااويل حاااالى والله اكتب وااانا ابكى
ابى اعرف امى ولا ابوى ولا اخوانى ولا خواتى كانو يتسابقون ورا بعض للبرزخ
وانا اهفو بذى الحياه ليتنى كنت معكم يمدينى مرتاااحه
اسال واسال
ابى اعرف انت من اى البشر
انت من اى البشر مخلوق والله ابوى كاااان مرتعب والله كان مرتعب
ويدعيلكم بالهدايه وانت حرمته حياته بطيشكـ
يااازين يد ابوى ولونها اخر شى شفتهـ يازينها ليتها الحين تمسح على راسى
ودى تقرا موضوعى ودى تحس
كيف تحس كل انسان ينحرم من عزيز لهـ بالحياه تتابع
واكيد اى واحد فيكم حس بس انا مره وحده
غيرت مدرستى مابى نظرت شفقه اكرهاااااا اكرهااااا
رحت لمدرسه ماحد يعرفنى اسمع زميلاتى يسولفن عن امهاتهن يسولفن اليوم طابخه امى كذا ولامسويه هالكيكه
ولايشرن لهن لبس ولاهداياء والله انى اتحطم واتكسر جوى نفسى
ماحسدهم وربى ماااحسدهم بس احن لميمتى
ولا ابوانهم ياخذونهم لتمشيه ويتكلمون عن اخوانهن
اشتقتلكـ ابوى اشتقت اطلع معكم انت وخواتى واخوانى
ابيكم عندى الحييييييين ابى اروووووح معكم اشتقتلكم والله اشتقتلكم
اشتقت لقصصكـ وعطفكـ علينا
ارجع للبيت عند اجدادى متحطمهـ ماحد يدرى عنى احاااول اخفى لان جدتى الى مااات ولدها بعد
واول عيالها وحالتها من عقبه تحزن ماحبت انها تتالم حبيت اشيله لحالى
انا مؤمنه بقضاء الله وقدره
بس غصه بنفسى
اتمنى من الشباب انهم مايتهوررون بالطرق
انا ماااانقصنى شى ولله الحمد بس هم الى ابيهم بس
بس رجاءً يتيمهـ لاحد يقول هالكلمهـ اكرهـ هالكلمه اكرهاااااااااا
اذا انت بايع نفسكـ وحزن اهلكـ
ترا فيه نااااس تبى اهلها لاتحرمها الفرحهـ معهم وتقلبها حزن والم
انا الآن ارتحت لانى افضيت مافى نفسى ولو قليلاً منهُ
ختاماً
شيئاً بالنفس احببتُ القيهُ
اهلكنى حملهُ وصار يبكينى
