عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا ياحلوات
مااعرف كيف ابدا وش اقول
نفسي اكتب وتكلم واقول اللي في خاطري
بس عن جد تعبت قسم بالله العظيم
اشتقت لبيتي وكل شي فيه اشتقت لبنتي الصغيره لي 5 شهور ماشفتها
صارت تمشي وطلعت سنونها احلى ايامها ومراحل التطور ماشفتها
اشتقت لجلستي انا وبناتي في سفره وحده وكمان حضن زوجي وكل شي
سالفتي مع بنتي الكبيره لي 8 شهور معاها في المستشفى تتعالج وصرت معزوله عن العالم من مده طويله قبل كنت معزوله بس كنت في بيتي اروح واجي للمستشفى احمدو ربكم على الصحه والعافيه كل يوم اتغير وتعرف على حالت جديده وتعالق في الاطفال المريضين اللي عندهم سرطان او نقص مناعه امراض الدم بعد يومين اسئل عن احد يقولون مات او نزل العنايه المركزه عن جد انهبل اجلس في غرفتي في المستشفى اجلس ابكي اتخيل بنتي لو راحت عني وش يكون موقفي كيف دنيتي من غيرها مرت علي ايام ماتنسى كاني اشوف فيلم مرعب جرس طواري تسمعونه وركض الممرضات وصراخ الام اقسم بالله ماكذب عليك اكثر الايام كذا صرت اقفل اذني بالمخده ولا اطلع من الغرفه لما كنت في بيتي كنت افكر كل الناس مو تعبانين ومرتاحين بس مع الوقت عرفت انا الدنيا ماتسوى مااحد يحس بشي الا اذا جربه وانشاء الله مايجربه طفشت نسيت شخصيتي نسيت كل شي صرت اكره ارد على احد في الجوال ويسالني ويقول باقي ماطلعتوا متى تطلعون هو بيدي اني اطلع نفسي اطلع اليوم قبل بكره واعيش حياتي بس تصدقون عرفت اللي يعزني ويغليني انا هنا مع اني في قسم عزل محد يجي ولااحد يزور وانا ماطلبت ان احد يزورني بس كنت ابغى احد يتصل علي يسليني يضحكني قليل جدا يمكن 3 من صديقاتي والباقي سحبت عليهم سيفون حتى اقرب الناس لي بنات خالتي وبنات عمي يمكن مكالمه وحده طول المده اللي انا جلستها بس تسكيته اننا كلمناك مالت عليهم وعلى وجههم خايفين اعطيهم عين او مدري عنهم الحمد الله على العقل مع اي مااحب من طبعي ازعل احد او اضايق احد بس عرفت اللي يحبني في وقت ضيقتي وحاجته لهم مااقول الا حسبي الله ونعم الوكيل والله يشفي بنتي يارب ((في شهر 5 بنتي تخلص 4 سنوات ))يارب نكون في بيتنا ونجتمع كلنا مع بعض ونعيش مثل العالم والناس اعرف اني طولت عليكم ويمكن محد قراء كلامي بس متضايقه وطفشانه امممممممم وش اقول بعد هههههه خلوني اطلع اللي في قلبي في صفحه بيضاء نقيه احسن من قلوب الناس السوداء اللي مليانه حقد وحسد وكره على الغير.
ايوه اقولكم عن سالفة بنتي يوم بداء يطيح شعرها مع الكيماوي قمت الصباح مسكت شعرها وصار ينزل بسهوله صرت اشد الشعر ويطلع في يدي بالراحه جلست ابكي وهي تطلع فيني وتقول ماما طاح شعري ليه طيحتي شعري وتصارخ وتبكي مسكينه رحمتها…
المهم ابوووي كان جايب لها لعبه مشط وبكلات ياقلبي عليه مايعرف يبغاها تتسلى وماكان عندها شعر المهم هذا اول اسبوع من يوم طاح شعرها نست ان مالها شعر في الوقت اللي فكت فيه العبه مسك المشط ورفعته لراسها وتبغى تمشط مافيه شعر قامت تصارخ ورمت الالعب من السرير وتقول ليش طيحتوا شعري .ومره عروسه فله كانت العروسه شعرها طويل جلست بنتي تقول ماما اعطيني مقص اعطيتها وجلست تقص شعر العروس تقول علشان تصير مثلي .
ايوه اوقات بنتي مع العلاجات ماتاكل مرره تجلس بشهر شهرين قسم بالله ماتاكل ولاتشرب حليب مرره طلبت لها من مطعم المستشفى اكل قلت لها كلي ياقلبي قالت لا ماابغى المهم انا دمعت عيوني وجلست ابكي واشوف بنتي في هذي الحاله بتموت مع انهم يعطونها حليب من الانبوب ومغذي بس ماارتح الا اذا اكلت مثل العالم المهم شافتني وقالت لي ماما ليش انتي تبكين قلت لها لانك ماتاكلين وانا احبك وخايفه عليك قالت خلص لاتبكين راح اكل وتغصب نفسها وهي ماودها بس علشان خاطري اكلت لقمتين وبعدين استفرغت كل اللي في بطنها وهي تبكي وتقولي انا اسفه ماما وصخت عليك رحمتها ياقلبي عليها الله يشفيها ويخليها لي يارب اوووف تاخر الوقت الساعه 4 الفجر وبكره لدكاتره من بدري جايين وداقين بابي ازعاج حتى الواحد في نومه مو مرتاح احمدوا ربكم على العافيه والنعمه اللي انتم فيها وحصنوا اولادكم ترى الناس ماتشوف خير قسم بالله كل من شاف بنتي يقول قبل مرتبه وبيضاء ودبدوبه وشعرها مثل الارنب من نعومته الحين البياض راح مع الكيماوي يصير الواحد اسمر والشعر مافيه والصحه والدبابه يتحاول نحف والشهيه تنقطع الله يعين بس ويصبر كل ام
