عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أستغفر الله ولا حول ولا قوة إلا بالله
اللهم صلٌ وسلم على نبيبنا محمد وعلى أله وصحبه أجمعين
سبحان الله وبحمده عدد ماكان وعدد مايكون وعدد الحركات والسكون
ربي إني أسئلك رضاك علي وعلى والديٌ وعلى جميع المسلمات والمسلمين
ربي أغفر للمؤمنين والمؤمنات والمسلمين والمسلمات الأحياء منهم والأموات
ربي إني أسئلك بكل أسم هو لك أن تقضي لي حاجتي وتفرج كربتي وتذهب الهم والغم عن قلبي أنا وجميع المسلمين
/
السلام عليكم ورحمة الله وبركاته
كيفكم يابنات؟
إن شاء الله تكونو بخير يارب
بنات , أنا ضايق صدري مرره
والله أحس كأن الكره الأرضيه كلها فوق صدري , والله لو تشوفو شكلي تقولو عمري 70 سنه من الهم اللي شايلته
أنا نزلت موضوع من قبل عشان الجامعه وكده
كل مايقرب موعد الدراسه أحس نفسي راح أمووت
بنات أنا درست بالجامعه سنه ومره مو مرتاحه فيها والله ماأقدر أكمل فيها
أنا نفسيا مو مستحمله ماأقدر أستحمل والله
بنات والله أنا ماأدلع لا تحسبو أني ماأبغى أكمل فيها عشان صحباتي متهاوشه معاهم ولا مدري أيش
يعني مو زي حركات بعض البنات
أنا أنظلمت بدي الجامعه من الأستاذات وماأقدر أكمل فيها
والله يابنات أن كل ماأتذكر أني راح أرجع لها أتمنى أموت ولا أرجع لها
والله أكتب لكم وصارت دموعي تنزل على الكيبورد تذكرت الظلم اللي أنظلمته
يمكن أنتو راح تقولو السالفه ماتستاهل بس والله أنو شي مو هين عليا
أنا أحب الدراسه وأبغى أكمل دراستي لكن بدي الجامعه ماأقدر أكمل والله ماأقدر
أنا كل ماأسمع أن الدراسه راح تتأجل يزيد الأمل بقلبي أقول يمكن لسه معي فرصه عشان أنقل
أنا من بدايه العطله وأنا أدعي أن ربي يسخر لي من عباده اللي يقدر ينقلني للجامعه الثانيه
وأنا أحسن الظن بربي ومتأكده أن ربي ماراح يخيب أملي
أنا متأكده إن ربي ماراح يتركني
وأكيد راح يعوضني عن صبري
دايما أقول أكيد ربي يختبرني ويختبر صبري وأكيد راح يفرج همي بعد ماصبرت
أنا نزلت دا الموضوع أفضفض عن اللي في نفسي
لأني ماأبغى أشغل بال أهلي عليا ماأبغاهم يحسو أني متضايقه
يارب يفرج همي وهموم كل المسلمات و المسلمين عاجلا غير أجل
يارب أنا صبرت عوضني عن صبري خير
يارب يتحقق لي كل اللي أتمناه أنا وجميع المسلمات و المسلمين
* أسفه إدا كلامي ملخبط أو مو مفهوم أنا قاعده أكتب لكم وأنا أبكي
