رجاء من قلب لاتردونه كله امل فيكم بعد الله

اسعد الله مسائكم/ صباحكم بكل خير

انا عندي استشاره بسيطه وسالت المتزوجات اكثر ابغي رايهم لتجربتهم بالحياة ولخبرتهم اكثر مني

انا عندي موضوع مقلقني الله يبعد الهم عن كل مسلم ومسلمه يارب 😆 🙂

انا عمري 25 الله يرزقنا العمر الطويل على الطاعه لي ولكل مسلم ومسلمه

تقدم لي واحد فقط امه مبدئيا ً ولا رديت لهم عمره 27 سنه شاب وسيم وكريم ويخاف الله وكل الصفات الحسنه فيه وبار في والديه وورجل مسؤل ويعتمد عليه والكل شهد له

لكن بعد ماتقدموا لي توفى اخوه الله يرحمه واجلو موضوع الخطوبه لين شهرين ويتقدمون رسمي الرجال والى الان هم على رايهم يبوني

لكن انا استخرت ساعات اوافق وابيه وساعات اخاف منه ويجيني شعور الفشل والخوف

الرجل يحبني حب شديد ومختارني بالاسم ويشهد الله انه لا يكلمني ولا اكلمه ولا سمع صوتي فقط حب عذري من بعيد لاننا نعرف بعضنا والاهل يعرفون الاهل وهم في منطقه واحنا في منطقه لسنا بعيدين عن بعضنا

لكن مااحب اني اطيل السبب اللي مخوفني انه بعد وفاة اخوه الله يرحمه صاير عصبي مره كثير يتهاوش مع اهله تغيرت طباعه شوي انا اخته تتكلم معي بهذا الكلام وتقول انه مجرد مايعصب ثواني يرجع ويروق صاير مايتحمل كلمه لسانه صاير شين شوي قاسي

ولكن لحظات ويرجع الانسان الحنون ..:D

انا خوفي ياخواتي انه يستمر هالشي لو تزوجنا رغم انها ليست صفه موجوده في هذا الرجل بالاصل ولكنها فقط من الظروف ولكن الخوف تملكني رغم اني فرحت بخطوبتي له بالبدايه وحسيت اني ملكه من الفرحه وطرررررررت بين السماء والارض

الان بعد كلام اخته انه تغير نفسيا ً اخاف لاتزوجته يعصب علي ولا يحترمني او يجرحني ماادري هل هذا عيب او مجرد وقت ويروح انا مالي احد استشيره

وربي استخرت كثير واصلي اخر الليل بس سبحان الله ماعندي راي ثابت ابيه وساعات اخاف

فقط الخوف يتملكني انا مااحب المشاكل ولا احب الانسان اللي يغلط علي او عصبي لاني تعودت في بيت مافيه هالاجواء المشحونه

وساعات اقول مسكين يمكن لان اخوه اقرب انسان له واخوه اكيد بيحزن واصلا الوفاة مالها شهر ونص يعني الموضوع لسه

انصحوني الرجال كل الصفات الحلوه فيه ارفضه او اللي يمر فيه مجرد حاله نفسيه مؤقته ؟؟؟

للعلم اني احبه انا ايضا وكنت احلم انه بس يجي ويتقدم لي ..