رجعت لكم بقصة ولادتي باحلى وليد…

بسم الله وعلى بركة الله نبدا فتحوا عنونـــــــــــــكم تمــــــام ابغاها قد كذه ههههههههه راح الثقل وبدا استخفاف الدم وبديت في مرحله حمل الفيله واااااااااااه على الثقل وكنت اتابع مع الدكتوره سحر ملودي في فقيه وكانت مرررررره طيوبه وحنونه ربي يسعده طولت بالها علي ومااستعجلت فكانت مراجعتي يوم الاربعاء اللي فات طبعا لمن دخلت عند الدكتوره سحر قاست الرحم كم فاتح عندي وطلع فاتح 2 سانتي قالت لي فيكي تجلسي لحد الاسبوع الجي بس اخاف البيبي يتضخم ويصير وزنو كبير ونولدك قيصري وفيكي تجيني اي يوم واعطيك طلق صناعي طبعا على طوووووووووووووووول بدون نقاش طلبت الخيار الثاني واتفقت معاها على يوم الخميس الساعه 7 الصباح اروح اخذ طلق صناعي وفعلا حطيت بنتي ياعمري عند اهل زوجي ولا اعطيت احد خبر انو انا رايحه اولد عساس انو عندي مراجعه عاديه ويومها مانمت من التفكير لحد الساعه 4 ونص الفجر وزوجي ياعمري عيونه كذا معايه بعدها لا شعوريا من التعب نمت وصحيت عالساعه 6ونص قمت اتجهزت وعالمستشفى وقتها كنت طول الطريق ساااااااااااااكته مافكيت فمي ولا بحرف وصلنا المستشفى وطلعت قسم التنويم زوجي يقولي ياحليلك وانتي رايحه للقسم الولاده شكلك زي الدجاجه ميته من الخوف وانا فيني ضحكه بغصه عموما دخلت وجهزوني وعطوني اول تحميله عالساعه 8 الصباح وابتداء مفعولها بعد ربع ساعه وكان الالم محتمل نوعا ما وجلست في غرفة التخطيط الساعه 10 ونص وقتها فتها الرحم كان فاتح 4 ونص وكان الالم يزيد وطلعوني غرفة الولاده وبداء الطلق مررررررره يقوى وطلبت الممرضه مسكن وفعلا ياحليلها اعطتني مسكن بس اش مسكن يلعب في عقلك لعب تروووووووووووحي فيها ماتحسي بشي بعدها وربي كنت يوم افوق من المسكن احس نفسي في مراحل لعبة سونك وعالساعه 11 جت الدكتوره سحر ياعمري عليها وفتحت موية الراس وطول هذا الوقت والمسكن عامل شغله فيني ماحسيت بشي اللهم لك الحمد وعالساعه 12 ونص فك المسكن وحسيت بالم الطلق الصناعي ربي ياجرني بس وكنت شوي افوق وشوي ادوخ من الكمامه وفجاءه نطيت من محلي انادي الدكتوره اقولها البيبي حيطلع الحقيني يادكتوره وعلى طول جت الكتوره سحر ومعاها وحده مااعرف اسمها وفجاءه وربي يابنات دخت دخلت مرحلة ماعاد ادري عن شي يعني ولدوني+وخيطوني وانا في خبر كان؟؟؟؟ فعلا صدقت اللي كنت اشوفه لمن يقولوا في مستشفى فقيه ولاده بدون الم زوجي دخل وقت الخياطه وشاف البيبي واطمن عليه وطلع وعالساعه 4 العصر صحيت وانا مش مستوعبه كيف ولدت وكيف طلع البيبي بدون ماادفع او اساعد الدكتوره وعلى طول قلت لزوجي يجيب الولد عساس اطمن على راسه خفت يكونوا سحبوا بالجفت واللحمد لله شفت الولد وماكان فيه اي حاجه وتطمنت عليه وبالنسبه للخياطه انا عملت تجميلي وفعلا مررررررررررررررريحه لابعد الحدود وماتعور زي مااكنت بسمع انو المها ضعف الخياط العادي وصراحه حتى لما اطلع للغرز واشيك عليها احس براحه لان شكلها مررررررررره ملمومه ومرتبه ماشاء الله وانصح البنات يعملوها طبعا اللي بكريه مااتوقع تحتاجها وهذي قصة ولادتي وربي يقومكم جميعا بالسلامه واي سؤال بالنسبه للمستشفى انا حاظره…….. 👿