عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
بنات اليوم موعد ولادتي .. ورحت المستشفى وقلت لهم .. ان وزن البيبي كبير وابى عمليه
لما كشفت بالسونار طلع كبير 4 وشي .. وقالت بشوف حجمه عن طريج انها تفحص على البطن
وقالت امبلا كبير بس بنعطيج موعد طلق صناعي وبنجرب يمكن تربين طبيعي ولو استوا شي
نوعدج سيده نحولج عمليات !! صراحه انا خفت وقلت لها طلعيني اليوم بصلي استخاره
يااما طلق او عمليه .. تمت تشرح وتنصح اني انا طويله وومكن اربي طبيعي عادي وووالخ
ولما قلت لها وزن البيبي الاولي كيلوين ونص سكتت .. وقالت مب مشكله خلنا نحاول وصراحه
انا متردده وخصوصا ان حجم راس البيبي كبير واااااااايد !!!:(..
والرحم مسكر … بس هي حاولت تسوي تحفيز بس ماكملت .. مادري ليش؟؟المشكله كيف نزل دم والرحم مسكر؟عادي؟؟ تراها قالت يمكن مفتوح ربع سانتي بس ويمكن لا بعد!! بس ليش نزل دم؟
بنات من الصبح ينزل لي دم للحين بين لون الاحمر واحين بني
هل يجوز اصلي ؟؟ ها سؤلي انا صراحه اتوظا واصلي .. واحين احسس ساعات بويع يختفي
ويروح ومافيني اجازف
بنات لو انتو مكاني وزنه 4 وشي .. وراسه كبير بتسوون طلق صناعي ؟؟؟؟
والا سيده بتقولون وبتطلبون عمليه ؟؟؟
واللي سوت عمليه تكتب لي سيئاتها وايجابياتها وشو حست وشو اللي تتجنبه من الاكلات؟؟
لانها كتبت لي على دخول ورى باجر المستشفى بيسوون لي فحص دم والخ
والعمليه الاحد
صراحه مابى اتعب تعبين !! والاحظ كل واحد ييب ياهل وزنه فوق 3 ونص يتعب وايد لدرجه الموت !!!
بنات لو انتو مكاني شو بتختارون اجازف واربي طبيعي؟والا بطلق صناعي؟ ؟ تراني خلاص مختاره العمليه بس اخاف ييني طلق طبيعي !!
مع اني ماخليت شي ماشربته؟ وكل شي تبخرت به ولا سوالي شي عشان يفتح الرحم من اول التاسع
ياليت تخبروني بتفاصيل عن العمليهـ.. دخيلكم ..
وانا والله محتااااااااره انا صليت استحاره والخيره فيما اختاره الله بس اكيد اني
حابه اعرف واستفسر
