عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
بنات مثل ماانتوا شايفين بعنوان الموضوع انا رديت بردود طويلة وقلت مو كل البنات راح يدخلون الموضوع خصوصا انت صفحاتة كثيرة قلت اكتب ردودي هنا افضل عشان والله بس تستفيدون من تجاربي شاكرة لك
اللي مااستغني عنة ابدا شامبوا شاين مويست اللي بالكراتين بخمس وعشرين ريال والبلسم حقة
وبعد حمام الزيت حقة صراحة عجيب ماشاء الله لون المنتج بنفسجي
انا اول مرة شريتة من مندوبة الكويت لعبت علي باعتني المجموعة كلها باربع مية بس صج ضبط شعري بعد الله
وفي يوم من الايام رحت عطار في سوق حجاب ماني ذاكرة اسم العطار بس يجي علي زاوية المهم لقيت كل المجموعة وسعر الشامبو بخمس وعشرين ريال
لعبت علي الخايسة
عاد كنت فاقدة الامل اني القاه
سبحان الله
بس مرة ممتاز
ولة سيروم بعد
المهم
تلقونة عند محلات التجميل واللي يبيعون تجهيزات المشاغل
اذا تبون ملعومات اكثر حطوا في قوقل شاين مويست ويطلع لكم صورتة
وانا بعد من ضمن المدمنين علي الصيدلية
الحين في المولات فتحت كشكات لعبد الباسط خبير الاعشاب وانا قبل كنت استخدم كريم من الصيدلية بالجوجوبا مايوجد الاعند السقاف ماني ذاكرة اسمة بس لون العلبة بيج سعرة ستين ريال شنو خقق هالكريم عذااااااااااااااااااااااااااب هو اساسا كريم لايغسل بس انا اغسل شعري واحطة مثل حمام الزيت وادلك شعري واخلية ساعة واغسلة استخدمتة بداية زواجي لاني كنت استشور شعري يوميا وتقطع بس حمام الكيراتين والجوجوبا انقذوني
المهم شريتة مرتين والظاهر ان الحريم طايحين فية انا اكتشفتة بالصدفة بس ادمنت علية وبعدها صرت القاه نادرا المهم لقيت البديل عنة وهو زيت الجوجوبا الاصلي من عند عبدالباسط المهم انا اشترية من سلام مول في الدور اللي تحت تلقون كشك عبدالباسط اخذت منة زيت الجوجوبا علبة صغيرة كنها حظي بس بعشرة ريال العوض ولاالقطيعة المهم اخذت اربع علب وخلطتهم مع زيت ذيل الحصان من عند العطار سعرة خمس وثلاثين المهم صرت احطة اذا راح زوجي الدوام الصبح لان مجرد مايروح ارجع احط راسي وانام يعني تقريبا اربع ساعات واغسلة ماشاء الله تبارك الله طول شعري جد لاني جتني حالة غباء وقصيتة حيل قصير تقريبا بوي والحمدلله انمغط الشعر وطال
واخذت لي علبة زيت جوجوبا صرت اذا قعدت من النوم انظف وجهي بالاسكنول بالليمون احسة ينظف اكثر منة الخيار والعادي الليمون احسن بعدين اشطفة بعدين ادلك وجهي بالزيت بطبقة خفيفة وشفايفي بس والله يابنات راح تدعون لي مرة رطب وجهي وصفاة وبعد بيدي احط شوي من الزيت مع جلسرين اظافري اللي ماعمرها طالت صارت طويلة وقوية………..
بس كل بفضل الله ونعمة علينا
شنووووووو بعد
قبل زواجي استخدمت هير قرو مينكسولين خاااااااااااااااااااااااااايس غلا على غير فايدة بخمس وسبعين ريال يقولن انة المادة الوحيدة اللي تنبت الشعر المهم يوم كنت اجهز لزواجي اشتريت ولاعشر علب واحطة مرتين فاليوم مااااااااااااااجنبك احد
فية بخاخ جاري الاستخدام اسمة فور كابل لوشن قريت عنة فالمنتدي حلو كلة مواد طبيعية سعرة مية ريال
شريتة بس مرات ابخ منة علي فروة الراس مو دايم بس احسة ينشف شعري
يعني ينفع للي شعرها دهني
حبوب كبد سمك القد اللي علبتة حمرا وبيضاء وسوداء هذي مااستغني عنها
ولها طريقة تستخدمينها لمدة ثلاث شهور حبتين علي الفطور حبتين علي الغدا حبتين علي العشاء
بعدين تتركينها شهر وترجعين تاخذينها عادي حبة ثلاث مرات بس مو مع الاستمرار
متي ماحبيتي اكليها بس لازم مع فيتامينات هير هليث مرة رايقة تضبط الشعر بس انا جابتها لي اختي من الكويت مدري ان كانت موجودة هنا سعرها بالمية بس هذي طريقة اختي دلتها علي صديقتها بس ماشاء الله شعر اختي عليها تمااااااااااااااام
بنات باقولكم نصيحة لوجة الله
امي ماشاء الله تبارك الله ركبتها خطيرة مع انها عجيز وركبهاتعورها ضعيفة ماخلت حبوب مسكنة مااكلتها توجعها ومرة قالت لي ياميومة تعالي مرخي ركبتي المهم قلت يمة ركبتج مثل الدادات لون واحد مع جسمج قالت انتي وش تبين فيها ركبتي عايبة تعورني مامن حلا
قلت لاصج شتسوين
قالت والله حتى اني ماافركها لاتفركين الفرك يسود
والله يابنات انها صادقة وامي ماتتروش الابصابون الغار اللي عند العطارين اللي كنة بلكة خضرا
وصرت اقلدها هذا طبعا قبل زواجي لاني فقدت الامل ان جسمي يصير لون واحد وبفضل الله ثم بفضل تمريخة امي ذاك اليوم بيضت ركبتي وفخيذاتي وكواعي بسبب اكتشاف الاتي
صار صابوني اللى اتفرك فية صابون الفار بالكويتي صابون رقي مع ليفة العجايز القديمة السعف والله يابنات ماكو مثلها
افرك كل جسمي ماعدا الركب بين الافخاذ والاكواع
واذا طلعت ادهن جسمي كلة بجلوسيد يد الاحمر العلبة الكبيرة واكثر على ركبتي واكواعي والمناطق الحساسة
جربها فترة ماراح تخسرون شي
وبتدعون لي
علي فكرة الشاور جل لاتسخدمينة كل يوم يسمر الجسم اختي كان لونها حلو بس دايم تستخدم شاور جل واقولها انتي مسمرة وبالفعل طلع من الشاور جل
هو حلو لكن مو كل يوم يسمرك
انا استخدم شاور جل ديتول الاخضر مرة بالاسبوع
بنات اللي تعاني من رائحة الباط الكريهة عليها بالاسكينول بالليمون تفركة بقطنة لين تشوفين القطنة صارت بنية من الوسخ غيرها وافركي مرة ثانية بس مرتين
باطي صار ابيض لمااستخدمت بوهلي واخطلة مع بيزلين مزيل عرق مبيض للبشرة الحساسة بدون عطر
بكميات قليلة دلكي باطك فية
وبتشوفين البياض بس ترا بوهلي مايناسب الكل ممكن يثير بشرتك يعني جربي علي مكان صغير من باطك
وترا الحين ماتلقين الاصلي كلة تلقيد انا اجيبة من الكويت عن طريق عطار هو الوحيد اللي يبيع الاصلي…..
ولرجليني استخدم كريم افالون يوريا
شنو ترطيب عجيب
من جد تصير رجليك مثل الدادا
فية كريم صناعة سعودية اسمة استروكسين فية منة ازرق ومنة اخضر انا استخدمت الاخضر والله والذي لااله الاهو ان هالكريم معجزة سعرة سبع وعشرين ريال بس اخر مرة قبل ست شهور رحت دورتة قال ماتلقينة كثير ولقيتة بالصيدلية اللي في غرناطة قدام كارفور بس لقيت الازرق
والطريقة كالاتي
انظف بشرتي بالليل بالاسكينول بالليمون اشطفها احط طبقة رقيقة من االاستروكسين لانة زي الجل وماتكثرين منة لما تقومين
عاد هذي مادري يمكن مو كل البنات يلقون هالخلطة فية صيدلية السقاف بالدخل عند اسواق ريمان صيدلية السقاف الكبيرة الفرع الرئيسي شريت من عنده خلطة نفس الصيدلي يسويها يبيعها بخمس وثمانيني علبة قزاز حقت اكل البيبي يقول حطيها بالثلاجة المهم اذا قعدت من النوم اغسل الاستروكسين واحط الخلطة بس ماااااااااااااااااااااااااااتعرض للشمس ابدا
لان الاستروكسين مقشر خفيف بس والله تمام
ماسالتوني كيف اكتشفتة……؟؟؟؟
انا اقولكم كيف
مرة قبل زواجي كان في رجلي حرق من الفرن ويفشل هذا كبرة نشبت باخوي قلت روح الصيدلية جيب كريم اي شي يشيل اثار الجروح والحروق
وجاب لي هذا الاستروكسين قريت الورقة مكتوب مزيل للبقع وحب الشباب نفخت علي اخوي قلت انا مابي حق حب شباب رجعة قال لي تبطين ماني مرجعة استخدمية ولا ارمية واستخدمتة يابنات على الاثر وقلت خليني الطخ وجهي وبالفعل النتيجة كانت مشرفة ومرضية باذن الله
وجهي صار كانة بيبي فيس
وانا سافرت للكويت اجهز ملابس من هناك وحركات وبنت خالتي شافتني بس ماقالت شي واختي هناك متزوجة وانا علمت اختي عن الخلطة لانها سالتني شنو مخترعة بوجهي وعلمتها واختي الدلخة يوم سالتها بنت خالتي ثقيلة الدم اللى دايم اسالها عن عطورها ماتعلمني اسمها اختي خرت السالفة عندها ونشبت فيني بنت خالتي الاتبي هالخلطة
بس تبطي عظم هي واختي
ماجبت لهم
خخخخخخخخخخخخخخخخخخخخخخخ نذلة بس يستاهلون
بنت خالتي ماتعلمني بشي واختي ماتنقع بفمها الفولة
وبس
بس انا حامل الحين مايمديين استخدم شي بارجع لبرنامجي بعد ماولد بالسلامة
