عالم البنات النسائي كل ما يخص المرأة العربية من ازياء وجمال والحياة الزوجية والمطبخ
رواية * بديـــــــــــــــــــــــــل القمر *
ما احلل اي وحده تنقلها او اي مقطع منها
الا وتكتب عليها ( للكاتبه( بروق الاصايل )من موقع الفراشه)
حس تامر بالملل فقال : مافيه غير عمي ابو احمد وعياله يسلوني راح ولبس ثوبه وشغل السياره إلا وعينه طاحت على بنت جيرانه لمار كانت تلعب بسيكلها (دراجتها) في الشارع نزل ومسكها مع يدها وقال لها : ادخلي البيت رفضت لمار وبشده حاول فيها لكنها كانت مصره وهم جالسين يتجادلون جاء اخو لمار الكبير حميد ركضت لمار مسرعه عنده وجلست تصيح
حميد : خير وش فيك ؟؟
لمار : تامر يبي يذبحني يقول لي إلعبي في وسط الشارع المليان بالسيارات
ناظر حميد بوجه تامر نظرات تخووووف واخذ اخته للبيت
خاف تامر لأن تامر ما صار له شهر طالع من السجن ركب سيارته حاول ينسى وبين ما هو مشغول ما درى إلا وهو قدام بيت عمه ابو احمد نزل دق الجرس وفتح له ناصر ولد عمه دخل وسلم عليه وجلس وبين ماهم يسولفون …
ناصر : تامر وش فيك ما انت على بعضك ؟؟
تامر : ما فيه شي بس تعرف قربت الاختبارات
( ناصر بينه وبين نفسه : لا يا ولد عمي ما انت على بعضك انا واعرفك زين )
ناصر : والله من الدفاره اللي جايتك
تامر : هههههههههههه لا بس تعرف آخر سنه و…
قاطعهم احمد : السلام عليكم
تامر+ ناصر : وعليكم السلام
احمد : هلا بالغالي اخبارك ؟
تامر : بخير دامك بخير
دخلت عليهم دانه (10 سنوات) ومعاها القهوه …
العيال باستغراب : غريـــــــــــــــبه سبحان مغير الاحوال
ناظرت لهم بعصبيه : يعني مين يجيبها غيري ؟!
ناصر : كان ناديتيني اجيبها
دانه بقهر : مافيه حتى شكرا ً اوفففففففف
تامر : مشكور يا بنت العم بس لو تكملي معروفك وتصبيها لنا !
دانه : والله ما اصبها لكم ما تستاهلون
احمد : افا ليش ؟؟
دانه والدمعه على خدها : زعلتوووووني
كتم ناصر ضحكته : لا عاد إلا دندون لا تزعلوها
( بدت مصلحته يبيها تجيب له الفصفص من غرفتها )
ناصر : اقول دندوووون وشلون الفصفص ؟؟
…………………………………………
حميد : يبه تامر يبي يذبح لمار الحيوان ما قسى قلبه إلا على هالطفله
ابو حميد على نياته : اكيد يلعب معاها ولا …
قاطعته لمار : لا هو يبي يذبحني اوريه إن ما كنت انا لمار !!
حميد : كفو طالعه على اخوك تاخذين الحق بيدينك
في ها الاثناء دخلت ربى : وش فيكم ؟؟
لمار : قولي إلا وش ما فينا ؟!
ربى : خير عسى ما شر ؟
حميد : تامر ومن غيره
ربى : لا تتكلموا بالالغاز قولوا لي وش فيه ؟؟
حميد : يبي يذبح لموره والله إنه مجرم
ربى : لا تامر ما يسويها ولد ناس ومتربي زين
لمار : كل ها الدفاع عشان تالا ترى ما هي داريه عنك
ربى : ولو تالا مربيه واكيد تامر مثلها ومثل ما تعرفون …
قاطعتها ام حميد : يووووه وش فيه صوتكم واصل لآخر الحي
………………………………..
دانه : الفصفص مع جوي
احمد : وش جابه لجوي ؟؟
دانه : فتجتوا تحقيق ما صارت
ناصر : ردي على احمد وش جايبه لجوي ؟
دانه : قلت لجوي ودني للملاهي واعطيك الفصفص
تامر : خلاص شباب مو لازم فصفص فيه جالكسي
التفت ناصر للجالكسي واكله مجامله : هههه ايه والله فيه احسن من الفصفص بكثير
طلعت دانه لامها : ماما شوفي ناصر واحمد فتوحها تحقيق قدام تامر
ام احمد : وش مجلسك ؟ ما قلت لك ودي القهوه وتعالي !
دانه : خلاص ماما انسي …… عـ عـ عـ عادي اروح لفاطمه بنت الجيران ؟؟
ام احمد : لا فاطمه رايحه للسوبر ماركت تجيب مقاضي البيت تعرفي امها تعبانه
……………………………..
تالا : يا ميمتي وين تامر ؟؟
ام تامر : وش تبين فيه ؟
تالا : ابيه يوديني السوق
ام تامر : تعبتيه يا بنيتي
تالا : مالنا غيره قلت له يجيب سواق بس هو مو راضي
انفتح الباب كان تامر : السلام عليكم
تالا : جيت بوقتك وديني السوق
تامر : معليش لا تنسي التدريب ابروح النادي
تالا : يووه طيب متى تخلص ؟
تامر : الساعه 7:30 اكون عند الباب
تالا : الله لا يحرمني منك اهع خخخخخ
ام تامر : وش هالضحكه يا الخبله ؟؟
تامر : هذي ضحكة فار مو تالا
تالا : هيــــه انت عمى ما تشوف انا قمر مو فار
تامر : امممم اجل ما فيه روحه يا الدبه
تالا : خلاص يا اللي ما هو دب آآآآآآآسفه
………………………………
رئيس النادي : وين راح الكابتن تامر ؟ تأخر اذا ما جاء حنخسر المباراه بكره
تامر : السلام عليكم
الرئيس : وعليكم السلام ، وينك تأخرت ؟؟
تامر : معليش زحمه ( العن ابو النصب خخخخخخخخخ)
الساعه 7:20
تامر : مع السلامه شباب شدو حيلكم بكره المباراه
فيصل : يعني نبي نشاورك
جميع اللاعبين : هههههههههه
فيصل : اقول شباب تامر مشغوووول خلوهـ يضف وجهه
تامر : فصووول ( يشده مع شعره)
فيصل : نـ نـ نـ نــــــــــعم
تامر : نعامه ترفس بطنك
فيصل : لا كيف آآآآآآآآآآآآآكل ؟
تامر : فيصـــــــــــل ( يزيد في شد شعره)
فيصل : نعم يووووه
تامر : وجعوووه يا تيس ( يمون على خويه )
جميع اللاعبين : هههههههههه
قاطع ضحكهم الرئيس : شباب شدوا حيلكم
فيصل يهمس في اذن تامر : اشوى ما سمع فرقة مجاعتكوا دوت كوم
تامر : مجاعه تملا بطنك
فيصل بغباء : بس المجاعه ما تنوكل !!
تامر : لا تدقق يا ثـــــــــــــــــــور
……………………………
تالا : يمه الساعه 7 ونص وين البقره راحت ؟؟
دخل تامر : أي بقره تقصدين ؟؟ ( يجر اذنها )
تالا : انا بس فكني والله اصيح
تامر : احسن خخخخخخخخخخ
ام تامر : اذا رجعت من السوق ابيك بغرفتي يا تامر سامع ؟؟
تامر : سمعا ً وطاعه يا ام تامر اللي هي انتي
تالا : < تغطت > تامر انا طالعه
تامر : يمه تالا سرت
ركض وراها وشغل السيارهـ…..
بعد ما رجعوا من السوق
نزل تامر زي المجنون ودخل على امه في غرفتها
تامر : ميمتي وش بغيتي ؟؟
امه : وليدي وش رايك بـ( حميد ) ؟!
تذكر تامر اللي صار اليوم وحس بالخوف
ام تامر : وش فيك يا وليدي ؟
تامر : زين حميد ما فيه شيء
ام تامر : ولمار وابوها ؟؟
تامر : يمه ادخلي بالموضوع على طـــــــــــــــــــول
ام تامر : خلاص طيب ايش رايك بـ( ربــــــــــــــــــــــــى) ؟؟
تامر : صديقة تالا ؟
ام تامر : ايه هي ، وش رايك فيها ؟؟
تامر : اخاف تصير زي حميد معليش ما ابيها
سمعت تالا الكلام وخلاها فضولها تدخل : تامر ربى غير عن حميد ربى كائن ثاني
تامر : يعني بقره ؟؟ خخخخخ
تالا بنفاذ صبر : ربى غير حرام عليك خذها علشاني
تامر : افكــــــــــــــــــــــــــــــــــــــــــر
………………………………………
ابو حميد : لا بس عيالك طاقينها سب في تامر
ام حميد : لا إلا تامر غالي ولد الغاليه
ترن ترررررن
ام حميد : ألو مين معاي ؟
ام تامر : هلا بام حميد وش لونك ؟؟
ام حميد : انا حمراء هههههه خير ان شاء الله ليش الاتصال المفاجئ
ام تامر : بنجيكم بكره بس معليش حميد ما يكون فيه
ام حميد : حاضر تامرين امر كم الساعه ان شاء الله ؟
ام تامر : العصر تعرفين تامر عنده مباراه
ام حميد : هاه تامر بيجي !! ( في نفسها تقول غريبه )
ام تامر : ايه راح يجي يسلم عليك
ام حميد : حياكم الله
…………………………….
تالا : يمه ليش سويتي كذا ؟ تامر قال لك بيفكر
ام تامر : مو انتي تبينه ياخذها !!
تالا : بس تامر عنده مباراه ما راح يكون مركز في لعبه
في اليوم الثاني
تامر نزل مع الدرج : صباحي فطاري مامي
ام تامر : هههههههههه انت وش قاعد تقول
تالا : الاخو رايق ما ادري وش وراه
تامر تغير وجهه : لا ما افكر باللي تفكرين فيه و…
ام تامر تقاطعه : تامر بنروح اليوم لأم حميد
تامر : هاه ليش ؟
ام تامر : بلا ليش بلا خرابيط تصلي العصر ونروح لهم
راح تامر لغرفته وهو معصب ودخل النت لموقعه اللي مسجل فيه باسم ( كاتم ذكرياتي بدموع الالم ) سجل دخوله و……
انتظر توقاعتكم
