عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أعذروني على التأخير كان سبب تأخر قصة ولادتي بسبب عطل في قسم الحمل والولاده
وماكنت أقدر ادخل للقسم بسبب تعطل الخدمه
أبتدي قصة ولادتي بالدعاء للحوامل
يارب ييسر عليهم ولادتهم ويسهلها ياكريم
ياخالق النفس من النفس ويامخرج النفس من النفس ومخلص النفس من النفس خلصهم يارب بيسر يا أرحم الراحميين
ماااااااااااااااااقبل الولاده
أبتدت معي الطلق يوم الأحد في 15-7 -2007الظهر وكنت بالكليه وقاعده بالمحاضره وحاسه بالطلق يروح ويجي
واحساس بضغط كأن ماية الرأس بتنفتح بصراحه خفت وتخيلت تنفتح علي بالكليه اتصلت على زوجي ورجعت للبيت وطوفت المحاضرات وكان عندي موعد عند الدكتوره بالليل قلت أرتاح اليين يجي الموعد
ونمت ساعه وبعدها أبتدت الطلق تصحيني من النوم وكل ماراحت نمت وأذا مسكتني الطلقه قمت
تحملت على نفسي وقمت سويت الغداء لزوجي ولولدي وجهزت شنطة الولاده لي ولطفل وحطيتهم جنب الباب خوف من يزود الطلق ومقدر أجهز شىء ولما رحت للموعد فحصتني الدكتوره قالت لي مفتوح 2 ونص والطفل مررررررررررررررررره نازل داخل بالحوض وقالت أن شاء الله بكره الصبح تولديين أذا ماولدتي لازم تجيين نشوف تخطيط قلب الطفل عشان نطمئن عليه ومافي خطر عليه لأني طوفت شهري وقالت لي أشربي خروع
ولما رجعت سويت عشاء ونومت ولدي وزوجي سهر على التلفزيوون وأنا بعالم ثااااااااااااني أحس بلوعه وألم ودوخه رحت انسدحت على فراشي بس والله من الألم أحس أني مثل السمكه بالمقلاه هههههههههههه أتقلب يميين يسار واذا دخل زوجي يطل علي اغمض عيوني واحط نفسي نايمه مابيه يحاتيني ويخاف وطول الليل على هالحال وسبحان الله من جت الساعه 6 وتختفي الالم اليين الساعه 9 ونمت أحلى نومه هالثلاث ساعات ولما حسيت أني قربت ولادتي قمت أنظف البيت وأجهز شنطة حمود عشان أوديه لخالتي أذا دخلت للولاده وغسلت كل الملابس عشان مايكون شىء وراي وأه أه بس طول ماأنا أشتغل أروح أستفرغ تكرموون وأحس بيغمى علي
ما أرتحت اليين شفت بيتي صار مثل الورده وكل شىء نظيف وكان ينزل علي دم وبعدها طلعنا للمستشفى عشان التخطيط وكان الظهر وانا قلت لزوجي مابي اتنوم عندهم اذا كل شىء تمام برجع للبيت اليين احس نفسي خالصه ولما سوو لي التخطيط قالولي الجنيين نبضه ضعيف بسم الله علييه ومايتحرك والله تخرعت وحسييت كانهم كابيين علي ماي حار وقالولي اكلي حلو او قهوه اشربي وبنسوي التخطيط مره ثانييه نزل زوجي تحت بالمستشفى وشراء لي كرامييل ماكياتوا من ستار باكس وشربته وعادوا التخطيط مافييه فايده الطفل مايتحرك
يمممممممممممممممه شعور مقدر اوصفه فيني بكييه ومو قادره ابكي وحاسه بغصه وزوجي يقولي الي كاتبه ربي يصير ارفضوا اني اطلع من المستشفى قالو تنويم وبعد ماطلعوني لغرفتي راح زوجي يودي حمودي لخالتي ورجع لي والحمد لله لما جاء المغرب الجنيين تحرك والله حسيت بفرحه الحمد لله يارب ونزلوني لغرفة الولاده الساعه 5 وفحصتني الدكتوره قالت لي 3 ونص للحين مافيه ولاده وصعدوني لغرفتي وانا الطلق مشتغل معي يروح ويجي وصار منتظم كل ربع ساعه يجيني واتصلت امي علي ولما سمعت صوتي قالت والله انك تتولديين يالله انا جايه وتوقعتها تجي بكره ولما جتني السستر قالت بنزلك تحت عشان الفحص ونزلت وحطولي تخطيط لطفل لمدة نص ساعه وفحصتني الدكتوره قالت للحين الرحم مافتح اكثر لازم طلق صناعي ولما حطتلي تحميله قعدت انتظر التخطيط يخلص واسمع صرخه تخرعت وصرت ارجف الا مره دخلوها للغرفه الي جنبي حالة ولاده
ماشاء الله ماخلصت التخطيط الا صوت الطفل يبكي والله ان حسيت بتوتر كأني أتولد معها هههههههههه
وشوي الا أسمع صوت الغالييه تكلم دكتورتي تقول وين >>قوت القلوب<< ولا هاذا صوت ابوي بعد يسال
والله يابنات حسييت بفرحه ماصدقت انهم من سكرت التلفوون بيركبوون السياره ويمشوون على طول
المهم نرجع لموضوعنا هههههههه الي ماراح يخلص
<<<<<<< بعطيكم بريك تاكلوون بنادول وترجعون تكملوون
عدنااااااااااااااااااااااااااااا
لما صعدت للغرفه كانت معي امي ورونق 2006 فديتهم
وانا كنت قاعده اقراء سورة مريم ويس والزلزله
وفجاءه صار ينزل مني دم غزير وسائل لزج
وكل ماله والالم يزييد وكان هذا الفجر الساعه 4 ورحت امشي بممرات المستشفى وكل مامسكتني الطلقه امي كانت تحسب لي المده ورونق ادلك ظهري
اليين صار الطلق تجيني كل 3 دقايق والله قعدت ابكي كل ماجتني الطلقه
حسيت خلاص قربت اولد
ونزلت تحت وقالولي خلاص ولاده مفتوح 4 سانتي وماية الراس انفتحت
وقت الولاده
حطولي التخطيط وجهزوني للولاده ولبست لبس ولاده
وعطوني كمام وبعدها الللللللللللللللله دخت ورحت لعالم ثاني
بس يافرحه ماتمت شلوه مني ولما شفت الساعه الا هي الساعه 6
وقالولي مانقدر نعطيك كمام لان نبض الطفل ضعف والطفل ارتفع طلع راسه من الحوض
يؤؤؤؤؤؤ والله حسيت بصدمه رحت فتحت الجوال على سورة مريم وقعدت اقراها وابكي من الالم والحزن الي حسيت فيه وكنت متوقعه ولادتي هاذي تكوون اسهل من ولادتي بحمود وبولد طبيعي
بس الحمد لله على كل حال
والفحص الداخلي اذبحوني فيه قسم بالله وربي يشهد يمكن وصلت خمسيين مره من دكتورات وسسترات
واستغفر الله الدكاتره صاروا يدخلوون علي وصرت فرجه للكل وكل الحريم الي معي بالولاده اولدوا ماشاء الله وجوا دفعه بعدهم وولدوا وانا على حالي ماتغير
تخيلوا ثلاث دكتورات عندي واربع سسترات واقفيين على راسي والدكتورات يتكلموون مع بعض تجي الاولى ادخل واذا خلصت جت الثانييه ادخل وانا دموعي تارسه عيوني اقولها خلاص وحده افحصتني خلاص والدكتوره تقول معلييه حبيبي لازم الدكتورات يشوفون انتي حالتك تعبانه واحنا خايفيين عليك الي يشوفهم يقول يتناقشون بمشروع وعلى هالحال اليين الساعه 10
الدكتوره تقولي شنو الي تقرينه قلت لها هاذا قرآن ابتسمت وراحت وقالت ان شاء الله ولاده طبيعي انتي لايخاف
وكنت ماأصرخ ابد ابد اذا جتني الطلقه كنت امسك طرف السرير واضغط بكل قوتي
او اذكر ربي والسسترات كانوا مستانسيين علي كل مامرت وحده سوت لي بيدها قود مدام
بس بعدها حالتي صارت صعبه انا تعبت وضغط الرحم ارتفع والطفل قلت نبضاته
وقلت لدكتوره ابي ابرة ظهر ماعاد اقدر استحمل وجاء دكتور التخدير ومعه ممرض وجلست على السرير وممرضه امسكتني والدكتور والممرض يدخلوون الابره بظهري وكان الدكتور يحذرني مااتحرك وكنت خايفه بس الحمد لله من بعد الابره ارتحت راحه مايعلمها الا الله ماعاد صرت احس بالجزء السفلي ولا بالطلق وصاروا لما يفحصوني داخلي ماأتألم بس دكتور التخدير قالي حطيت لك جرعه خفيفه عشان حرام ترتاحيين شوي من التعب الي شفتيه وبعد ربع ساعه رجعت حليمه لعادتها القديمه ورجع الالم وعلى الساعه 11 جت الدكتوره قالت لازم افحصك فحص بيألمك عشان اشوف راس الطفل وين صار وجوا اربع سسترات يمسكوني والله دريت السالفه فيها شىء اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااه
يالالم الي حسيت فيه قسم بالله حسييت أن روحي بتطلع وصوت صرخه قويه بأذني ودوخه ماأدري شلون أوصف لكم بس بوقتها كنت أقول في بالي خلااااااااااااااااص ياقوت أنتي ميته ميته
الدكتوره خلت السسترات الاربع يمسكوني عشانها تبي ادخل يدها وتجر راس الجنيين
من بعدها قعدت ابكي بصوت عالي وتمنييت اني اكوون بكابوس حسييت ان جسمي ماعاد يستحمل اكثر من هالالم على الساعه 12 ونص الظهر قالو خلاص الطفل نبضه مررررررررره ضعيف والام جسمها ماعاد يستحمل واالرحم مفتوح 8 سانتي وقعوا زوجي على العمليه ودخلوه علي قبل مايدخلوني غرفة العمليات انا من شفته قعدت ابكي وهو بس يطالع فيني زي المصدوم من وجهي شلون متغير ومبيين علي الارهاق ووجهه صاير الوان ولما طلعوه قالي الله معك
وبعديين دخلو امي ولما شافتني ماتت من الصياح وقعدت تبكي وقعدت ابكي معها ووصيتها بعيالي اذا صار فيني شىء وكانت تبكي وتقولي لاتقوليين هالكلام جعل مايربيهم غيرك وخلي املك بربك كبير
مابعد الولاده
ماحسيت الا اشوف سقف الغرفه وزوجي والممرض يشيلوني بشرشف من سرير العمليات لسرير الغرفه وكنت ارتجف وحاسه ببروده فضيعه وطول الوقت اقولهم مسكن مسكن
ومن بعد ماعطوني ابرة المسكن نمت وفتحت عيوني الا امي رافعه ولدي عبوود عشان اشوفه يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤ
من بعدها الحمد لله يارب الحمد لله شفت عبودي بخير وانا بخير والله اني اتحمد ربي قايمه وقاعده
على نعمة العافيه
وجبت عبودي مطهر من ربي وعيونه رمادييه:(
يارب تحفظ لي عيالي
ولا وحده اتجرب الي جربته
وبنهايه الحمد لله على الي ربي عطاني وتوووووووووووووووووووووووووووووووووووووووووووووووو وووبه
ماراح اعيدها مره ثانييه الا بعد سنيين طويله
