عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
مساكم ورد يالغوالي
بصراحه موضوعي اليوم جاء بالصدفه ومافكرت فيه نهائيا
بس شفت امس موضوعين او ثلاثه كلها تدور في محور واحد
اللي هو عطور النظافه
ومن هنا جت الفكره اني انزل موضوع شاااااامل وبالتفصيل الممل عشان تعم الفايده للجميع
في البدايه خلوني اشرح لكم نقطه بسيطه ومهمه
كلنا نسمع كلمة عطور النظااافه او ريحة النظافه
و أكيد كل وحده منكم تعبر عن الريحه اللي تشمها بالاحساس اللي تحسه
بوضح لكم اكثر
كلمة النظافه شااااااامله لروايح كثيره ومتنوعه
يعني مثلا ريحة الصابون نعتبرها ريحة نظافه
ريحة البودره البعض يحسها ريحة نظافه
ريحة الاعشاب الخضراء البعض تعبر له عن ريحة النظافه
ريحة اللوشنات
ريحة أمواج البحر
ريحة الانتعاش
ريحة الليمون والحمضيات بشكل عام
وحتى ريحة الزهور بعض الاشخاص يعتبرها من روايح النظافه وانا شفت ردود هنا في القسم توصف بعض العطور الفلوريه بريحة النظاافه وترى هالشي مو غلط ابدا
هذا احساس داخلي يحسه كل شخص تجاه العطر اللي يستخدمه ويعبر عنه باحساسه هو شخصيا
بتكلم عن نفسي انا ريحة النظافه عندي مرتبطه بالصابون / روايح الانتعاش
وكل وحده منكم تشوف نفسها اي هالروايح هذي تعبر لها عن ريحة النظافه وتعتمدها
خلونا الحين نبدأ بمجموعات الجسم والعطور الخفيفه ( كولونيا الاطفال )
( روايح الانتعاش )
بتقولون الحين وش يعني روايح الانتعاش
يعني اذا شميتها تحسين ودك تشيلين عمرك وتغطسين في البانيو وتجلسين بالساعات تطافشين 💡
اروع المجموعات اللي تعطي هالاحساس
من زهور الريف ( مجموعة الشاي الاخضر / مجموعة الليمون الاخضر )
واسمحولي مالقيت لهم صور في النت
من ايف روشيه
هذي مجموعات رووعه عندهم مكونه من ديودرنت / شاور جل / عطر كولونيا خفيف يستخدم للجسم طبعا بس عاادي ممكن يستخدم للملابس
وسعرها هالمجموعات تقريبا 140 ريال
مجموعة الارز الارزق
جنااااااااااان يابنات روووعه انتعاااااااش بمعنى الكلمه
وهذا شكلها
مجموعة زهر العسل
وهذي عندي و مااستخدمها الا اذا صحيت الصباح وربي انتعاااااااااش واحس بنشااااااط بعد الشاور
زوجي اذا شمها علي يقول ريحتك تعقيم صح خخخخخ
وهذي صورة مجموعتي 
تجربتي مع المجموعه بكل امانه
الديودرنت انا لي سنين استخدم الشاي الاخضر من زهور الريف واول مره اغيره
وديودرنت مجموعة زهر العسل رووووعه وريحة انتعااااش تفوح من منطقة الابط
الشاور جل روووعه روووعه وريحته تمسك بالجسم
العطر بصراحه ثباته خفيف جداااااا
لكن المجموعه بشكل عام حلوه وانصح فيها للي يداومون الصباح وبنات الجامعه
مجموعة الليمون والمسك
اممم ريحتها حااااده شوي وواضح فيها ريحة الليمون بس منعنشه اوي اوي 
مجموعة الشاي الاخضر ريحتها روووووعه
وانا احسها احلى من الشاي الاخضر تبع زهور الريف بس مدري عن الثبات
اتوقع مجموعة زهور الريف اثبت
ومن روايح الانتعاش بعد كلونيات جونسون
احلاها بنظري واللي اعجبني وجد يحسس بالانتعاش والنظافه ( ندى الصباح )
بعده (عبير منعش ) لكن هذا يغلب عليه ريحة الزهور اكثر 
انتعاش الليمون واحسه ليموني بقووه وريحته تعور العين >>> وش دخل العين طيب
بس ماعليكم مني جربوه يمكن يعجبكم 
(اريج الزهور )
نجي الحين لروايح الصابون
بالقمه طبعا مجموعة نبتون صااااااابون على اصولها
مجموعة هيربال برضو من زهور الريف
ومع الاسف مالقيت لها صوره بس معروفه
وفيه عطر اطفال استخدمه انا اسمه فارمسي سوفت
ريحته صااابون ونعوووم مرره وثابت ويجي منه ثلاث روايح تحسفت مررره اني مااخذتهم كلهم لاني ماتوقعت انهم في هالثبات
وهذي صورته رحت صورته ع السريع
نكمل مع روايح الصابون
مجموعة ماجدولين من نكتار
فيها نفحة صابون خفيفه وتحسس بالنظافه
مجموعه اوشينس من بدي شوب مكس مابين ريحة الصابون وريحة البحر
روعه وتعطي انتعااااااش
ومجموعة اكوا ليلي
من بدي شوب ريحتها نظاااااااااااافه روعه 
وبعد ماانسى العطور الزيتيه من بدي شوب
عطر جوبا رووووووووووعه ونظااااااااااافه من قلب
مالقيت له صوره واضحه
لكن شكله زي كذا ولون مويته أصفر 
