روايه رومنسيه عــــــــــذاب جنان

*تضـــــــــحيه من اجل الحب*
للكاتبه ،،{عاشقة المستحيل}

امانه امانه لكل من يقراها لايتهاون في الصلاه لني اعرف ناس كثير يجلسون اوقات وهم يقرون ويتهاونون فيها وانا مابي اتحمل ذنب غيري …
. اعرفكم على
عائله بطله قصتنا
ام يزيد (ساره)
ابو يزيد(عبدالعزيز)
يزيد مزوج وله ولد وبنت
روان: ١٩ سنه قسم لغه عربيه اول
سنه وهي اكبر خواتها ودلوعه ابوها
ريناد: ثاني ثانوي
رهف: ثالث ابتدائي
…………..ـــــــــ…………………
دق منبه الجوال صحت روان مفزوعه
ناضرت الساعه ونطت من السرير
ياالله كل هاذا وانا نايمه الساعه ٦ المغرب
وين الناس محد صحاني
دخلت الحمام اعزكم الله
واخذت شور ونزلت تحت
وصارخت كعاده يمـــــــــــــــــــــــــــه
يمـــــــــه
وين راحو ذولي خليني اروح للمطبخ بطني يغني من الجوع
دخلت المطبخ
لقت الشغاله تغسل
جولا وين ماما
ماما في روه منتزه
:هــــــا ليش ماصحوني اوريك
ياالقرده رينادوه
وطلعت من المطبخ زعلانه
ودقت على امها
الو يمه ليش ماصحيتوني
:احسن عشان مره ثانيه
تنامين مثل الناس
::اهون عليك يمه انا بنت دلوعتك روان
:::لامتهونين علي بس شفتك نايمه قلت خلوها
:::يمه ارسلي السواق لن حدي
طفشانه ومضايقه من جلسه البيت
امها:::ههههه لالا هاذا عقاب
روان تضايقت زياده من معامه امها معها خلاص طلعت بكيتها
روان:::طيب يمه انا بنتك ليه
وبكــت
امها::روان وش فيك ياروح امك
تبكين انا عارفه ان طلعتنا ماظايقك في شي ثاني
روان::تبكي
امها::خلاص يمه ياروحي انتي
خلاص يادلوعتي
روان ضحكت
امها::خلاص يجيك السواق
ومها الحين تجهزي
روان ::لا وبعد خالتي عندكم
امها::ههههههه ياالله بسرعه
باي
سكرت روان وراحت تبدل في غرفتها ومسحت دمعها ياالله
لهاالدرجه قلب الام حساس يعني امي حاسه في ياحبي لك يمه الله لايحرمني منك ولامن حنيتك
لبست تيور قصير اسود مع بلوزه ليموني وحطت كحل اخضر مع عيونها العسليه وبشرتها البيضا
وحطت غلوس وردي لبست عبتها ونقبها واخذت جوالها وطلعت تنتضر في الحوش
دق جوالها مها:: روانه يااطلعي
روان::بسم الله سلمي مو تنطين بسرعه خلي عندك اتكيت
مها::روان خالد معصب بسرعه اطلعي
روان ::نعـــــــــم والسواق وينه ماني طالعه الا مع السواق خلاص روحو مابي
مهاسكرت:خالد تقول ماني طلعه
نزل خالد معصب وهي كانت مطرفه الباب يوم دقت مها
طق خالد الباب وتغطت روان بسرعه
خالد::رواـــــــــن بسرعه مابي انتضر دقيقه برا سامعه
تبكبكين وأخر شي ماني طالعه انا حذرتك ماعندنا بنات الدلع
وراح لسياره
روان خافت بس قالت في نفسها انا بنت عبدالعزيز محد يغصبني على شي ماأبيه
ودخلت البيت في مجلس الرجال ونزلت طرحتها على اكتفها
خالد ينتضر قالت مها:ادق عليها
خالد:لاااااا
وانتضر خمس دقياق محد طلع
نزل معصب ودخل البيت وهو مايشوف من الغضب وهو مار مع السيب شافها وقف قلبه بس ماعبره ودخل عليها روان خلاص ضاعت من الحيا والقهر
خالد::انا ايش قلت بقره انتي
روان بخوف::ومــ ـ ـ ـنـو انت عشان تتحكم فيني
خالدمسك كتوفهاوصار قريب من وجهها ::انااللي بربيك
ودزها على الكنب بسرعه قومي لا اخذك بشعرك
وطلع
روان ماعاد تشيلها رجولها من ريحه عطره القويه والقهر ومع ذلك الجوع
قامت وهي ترتجف و تذكرت انه شافها بدون طرحه
يويلي من امي لو تدري
واسمعت صوت البوري برا
وطلعت تركض فتحت لها مها بنت خالتها الباب وركبت
وصكت الباب
وخالد يفكر والله انها حلوه العنيده بس انا ماحب الدلوعه الله يهديك ياخالتي خربتي البنت خلني اشيلها من عقلي هي ماتعني لي الا بنت خاله وبس
ونسها خالد مع الزحمه والاشارات
وراون الله العالم في حالها
صمت فضيع في السياره
وصلو للمنتزه ونزل خالد
والبنات وهو ماتكم دخلو
روان شافت خالتها طيران حبت راسها وسلمت على بنات خالتها
روان:يمه ليه ماأرسلتي السواق
:والله يابنتي جيت ابي ارسله وخالد جالس عندنا وعصب علينا وقال ماعندنا بنات يركبون
من السواق لحالهم وأخذ مها وجاك
روان:يمه انا جوعانه من امس ماكليت شي
ام خالد:: صبو لها لتموت علينا
انتي صاحيه والامجنونه من امس
ام يزيد::ربيها ياسلمى ربيها
روان::هههههههههه اليوم كلكم بتربوني تقصد خالد
جلسو يسلوفون ويحلون
وراحت روان ومها يلعبون مع بعض وريناد ورهف وغدير مع بعض يلعبون
وخالد من نزلهم طلع للاستراحه
مابقى على الفرشه الا ام يزيد وام خالد
ام خالد:اقول ساره ترى روان محجوزه لخالد
ام يزيد:البنت بنتكم لو تبونها الليله
ام خالد:اجل بكلم خالد وانشاء قريب نفرح فيهم
ام يزيد:امين
ــــــــــــــــــ
طلعو والكل راح لبيته
الساعه ١١ خالد جالس وحاط السماعات في اذنه
طق الباب
ادخل
دخلت امه
خالد جلس :يمه هلا والله
بعد انا قايل لك لاتطيق ولاتستاذنين اذا بغيتي شي انا ولدك وتحت امرك ياالغاليه
ام خالد دمعت عينها
خالد: يمه مابي اشوف دموعك وانا حي ومسحها وحب راسها
امري يمه
ام خالد:يمه انت درست وأخذت الشهاده قلت بشوف عيالك قلت ابي اكمل دراستي برا وصبرت ياخالد لين جيت واخذت الشهاده ورفعت روسنا والحين ماعندك عذر
خالد:…….
ام خالد:خالد ياولدي ابشوف عيالك قبل اموت
خالد:حب راس امه يومي قبل يومك يمه
بس انا مالقيت اللي تناسبني للحين
ام خالد: روان بنت خالتك شحلاتها ولا في البنات مثلها
خالد:يمه روان صغيره
ام خالد:لاصغيره ولاشي بعدين انا خطبتها من ساره
خالد:خـــــــــطبتيها ليه يمه وانا
انت وش بنت والف واحد يتمنها
جمال وأخلاق ومتعلمه وش تبي غير كذا
خالد اقتنع من كلام امه: اللي تبينه يصير يمه
امه قامت تحب راسه بس هو اسرع منها وحب راسها ويدها
خالد:رضاك يمه عندي الدنيا ومافيها
ام خالد::الله يرضا عليك ياولدي ويسعدك ويوفقك
وطلعت وهي تمسح دموعها من الفرحه
خالد جلس ساعه يفكر
ااااف روان دلوعه وعنيده بس انا اربيها ….
بعدين نام وهو على شكله لبس بجامه كحلي وحاط سماعه وحده في اذنه ويده تحت راسه اللي يشوفه يقول طفل تعبان
ــــــــــــــــــ
روان جالسه على التلفزيون
وجت ريناد وجلست جنبها
روان::تف على ها الخشه
ريناد :لاوالله ايش سويت لك يابطه
روان..انا بطه وتقوم عليها ركض في البيت وصراح
ريناد دخلت عند امها في الغرفه وجت ورا امها
روان:ايه ياالخوافه
اطلعي هنـ…وسمعو صوت الجرس
عبد العزيز طلع من الحمام ماعليه الامنشفه
روان +ريناد :ههههههههههههههه ههههههههه
ريناد:اخس يبه كنك جسم مايكل جكسن
ريناد:هههههههههه
ساره:عيب وش ذا الكلام
روان:امي تدافع عن حبيب القلب
ساره تلحقهم وركض وصراخ مع الدرج
روان::رهـــــــــف وجع صما ماتسمعين الجرس ولا شفتي شبيهك توم جيري ماتطفشين من سبيستون اربع وعشرين ساعه
ريناد::يالله بسرعه قومي وهاتي الريموت
رهف زعلانه وراحت تفتح
مين
انا نهى <للمعلومه نهى وفيصل عيال يزيد نهي سنه وفيصل سنتين>
رهف تصارح يزيد جـــــــــا
ريناد:تحذف الريموت في راس روان
روان:اااح ياحماره
وركض من يسلم الاول
ودخلو وسلمو وسهرو الى الساعه وحده
بعدين الكل راح لغرفته
روان ماجاها نوم و جلست على النت بعدين نامت وكاعاده نهى تنام معها اذا جت
،،،روان تموت في البزران
وخصوصن البنات دايم تتمنى
اذا تزوجت تجيب بنت وتنام في حضنها،،،
ـــــــــــــــــــــــــــ
صحى خالد الساعه ٤ الصباح مصحصح رايق وصلى ودخل المطبح وسوى حليب وطلع للحديقه جالس يفكر في روان ياترى يجي اليوم اللي احبها فيه افـــــــ وش ذا الحظ الله يهديك يمه مالقيتي الا روان الدلوعه ياربي اكره الدلوعات بس انا وراك ياروان ،،ياربي ودي اعرف عنها كل شي شخصيتها طبعها عندها رمنسيه والا لا
شد شعره وناضر السماء انا وش معجلني اسئل مها واشوف
والله لنسيك الدلع ياروانوه،،،
ـــــــــــــــــــــــــــ
دخل خالد ولقى امه جالسه تجهز الفطور
خالد::صباح الخير يمه وحب راسها
سلمى::احلى صباح من احلى معرس
خالد::ههههههههه على طول معرس شوي شوي علي يمه لاشوف نفسي ثم اجلس يومين ماأكلم احد
سلمى::ههههههههههههه
خالد::دوم هاضحكه يارب
وين الشغاله ليش ماتجهز الفطور
سلمى: في المطبخ بس انا ابي اجهزه بنفسي
خالد:يمه لاتعبين حالك صحتك اهم
سلمى:لا ياخالد ياولدي انا احب النشاط والحركه
ـــــــــــــــــــــــــــ
في بيت ابو يزيد>>
ابو يزيد وام يزيد ويزيد ونجلا<<نجلا زوجه يزيد محترمه وخلوقه تحب ام يزيد وتعاملها كنها امها ومعلمه رياضيات تحب الدراسه والعلم>> ورهف معهم جالسين في غرفه الطعام
عبد العزيز::يزيد ياولدي ابي ارسل لك الشهر الجاي معامله عيت تخلص عندك وابيك تخلصها رعيها مستعجل
يزيد::ابشر يبه انت تامر
ساره:: كيف الاجواء في الشرقيه
نجلاء::والله ياخاله حر ورطوبه
ساره::بس مافيه زي حر الرياض
عبدالعزيز::الله يعين هااليومين ارتفعت الحراره والدراسه مابقي عليها شي..
يزيد::البنات ماصحو البارح ماجلست معهم من التعب
ساره::تعرف عطله وسهر وروان نفسيتها زفت هاالايام عجزت تعدل نومها
نجلاء::ياعمري عليها البارح اخذت نهى معها تقول يمكن يجيني النوم يوم جيت الصباح اخذ نهى لقيتها ههههههه في حضن نهى شكلها تحفه
ساره::روان دايم تحب احد يحضنها اذا جت من المدرسه وانا جالسه في الصاله جت بعباتها تقول يمه احضنيني انا تعبانه ثم ريناد ورها وهجيت وخليتم يتناقرون
نجلاء::هههههه حرام عليك ياخاله
ـــــــــــــــــــــــــــ
دقت جوال خالد وشاف المتصل ابو يزيد ناضر جواله
خير انشاء الله
خالد::هلاابو يزيد
عبد العزيز::حياك الله شلخبار
خالد ::ابد تسرك
عبدالعزيز::اقول ياخالدياولدي اليوم تجي على الغدا يزيد واهله عندنا وجب اهلك معك
(اثرت في خالد كلمه ولدي لن ابوه مات وهو في المتوسط وتركه وحيد امه هو ابو العيله كلها)
خالد::انت تامر يابو يزيد امر
عبدالعزيز::مايامر عليك عدو
….سكرو من بعض
راح خالد لمه يمه تجهزي
ابو يزيد عزمنا اليوم على الغدا يزيد واهله جاين
سلمى::صدق يزيد ولدي جاي
خالد::وانا مو ولدك والاالدب يزيده اخذ الغلاعني
سلمى::انت الغلا كله
خالديحرك راسه:: ياحضي
سلمى::ههههه والله انك لايق على روان
خالد::يمـــــــــه انا ماني دلوع
سلمى::ماقلت دلوع قلت تحب ان احد يغليك ويحبك
خالد:ليه روان كذا
سلمى::واقوى بعد
خالد::كيف يمه
سلمى::اشوفها قامت تهمك
خالد::لايمـه مجرد سوال
سلمى::ههههه لاروان تحب احد يحضنها ويدلعها<<هي قالت الكلام هذا تبي تحبب خالد فيها مادرت انه كرها>>
خالدفي نفسه والله لتبطين ياروان ماشفتي هاالحركه مني
سلمى::وين سرحت لي ساعه اكلمك
خالد::لاابد لاسرحت ولاشي
بس خبري البنات عن الغدا يمه
سلمى::ياالله انا ابي اطلع لهن
ـــــــــــــــــــــــــــ
ساره :نجلا صحي روان وريناد عشان يتجهزون
نجلاء:تامرين ياخاله
وقامت من عندهم وراحب
طقت غرفه ريناد ودخلت
رفعت اللحاف ريناد ياالله اصحي الساعه حدعش ريناد: نطت كم
نجلاء:هههه بسرعه اصحي عندنا عزيمه
ثم راحت وصحت روان
قامت روان وأخذت شور
ونزلت تفطر وجلست شوي مع يزيد ونجلا واستاذنت وراحت لغرفتها ودقت على مها
مها::مسرع تشتاقين لي
روان::ايش اسوي احبك
مها::اهااااه ذبت
روان::هههههه اقول مها تتوقين اني اذوب زوج المستقبل
مها::وانتي الصادقه ابو العيال تذوبيه ونص اصلا مايحتاج من يشوف جمالك يذوب
خالد جالس ورا مها ويسمعها ويقول في نفسه
تخسي تموت ماذوبتني الدلوعه
روان::تعالي ترى امس ماسولفت معك زين من اخوك
مها::وشفه اخوي شحلاته
روان ::ماقلنا شي ياالله انتضرك باي
مها:باي.
خالد:ـــــــــ
مها:خالد شتسوي
خالد:ابد جالس اتفرج على التلفزيون
مها:يعني ماسمعتني
خالد:: ليه وش اسمع
مها:لا ابد
خالد حط على الرياضه وساكت
مها:ــ اقول خالد وش رايك في روان
خالد ياطالع التلفزيون::من اي ناحيه
مها::يعنى ماتفكر فيها
خالد:وليش افكر
مها::كازوجه
خالد::لاماأفكر فيها بس امي خطبتها لي وانا اللي تبيه امي احطه في عيوني <يالله الحين بتروح تقول لها خالديحبك>
مها::ياااااااااااي روان بتصير حرمت اخوي
خالد:فرحانه
مها:فرحانه وبس الابطير
خالد::دوم
خالد:مها لاتقولين لها شي
مها::ليـــــــــش
خالد:تونا اصبري
مها::تامر
ـــــــــــــــــــــــــــ
بيت عبد العزيز الكل متجمع
روان لبسه فستان سماوي
تحت الركبه وحاطه ربطه سماوي وتاركه شعرها الاسود الى نص الظهر طالع شكلها روعه
ساره::روان روحي جيبي الاغراض برى الشغاله مشغوله
روان :يمه خلي ريناداو غدير
غدير:استحي انا ضيفه
ساره::روان قومي بسرعه تراي طالبه لكن حلاو جواهر لايسيح برا كيفك
روان نطت:لافيها حلاو
الكل::ههههههههههههههههههههه
روان طلعت برا::واااااااي
شو هاالحر
يزيد وخالد في المجلس
خالد::يزيد جوالي وينه
يزيد:والله ماأدري عنك
خالد: شكله في السياره
يزيد:رح جبه
خالد:سيارتي على باب الحريم
يزيد:يارجال مافيه احد رح الناس كلها داخل
خالد قام
روان تشيل الاكياس وتتكلم
سوري :لك تئبريني ياأحلى ام في العالم
خالد تصنم في مكانه ياربي
من هاذي الاهاذي هي انا شفت وجهها امس
روان جسمها متناسق وصدرها كبير شوي وخصرها دقيق وشعرها طويل
خالد ياربي اااااااااااه
وش ذا الصدر والله انك صادقه يمه اف انا اش قاعد اقول خلني انسها بس مابقى الاهاذي احبها افففف بس هي حلوه
روان والاانتبهت دخلت
:جولا
جولا وين راحت هاذي
راحت ودخلت الاغراض وطلبت قهوه
مرت الحريم
روان:اقول مها تعالي
ريناد وغدير قامو
روان:اضن قلت مها انقلعي انتي وياها
غدير ملقوفه كبر ريناد واللي في قلبها تقوله
غدير:انا انقلع ياحرمه اخوي
روان كن احد صاب عليها مويه بارده
وانسحبت من المجلس
سلمى::وجع انشاء الله وش ذا الكلام ومين جايبته
مها:ماتستحين انتي احترمي اللي قدامك
ساره ترقع الموضوع:وش فيكم على غدورتي بعدين هي ماقالت شي غلط
غدير:والله ياخالتي اناسمعتهم يوم يتكلمون خالد بس والله ماقصت اني اقولها في وجهه روان انا اسفه
ريناد::وش ذا الرسميات لااسف ولا شي وياويلك ياغدير ان سمعتك تتسافين حنا من بعض امي امك وخالتو اللي احلى من امي هي امي بعد
ساره:وجع
الكل الامها:هههههههههههههههه
مها قامت وراحت لروان
روان نزلت الربطه من راسها اف الخبله وش قالت ياربي مابي العصبي هذا
طق الباب
روان عدلت جلستها
ادخل
مهاجلست جنب روان: روونه زعلتي من كلام الخبله
روان:ــــــــــــــــــ
مها:روان خالد يبيك
روان انصدمدت صدمه ثانيه:نعـــــــــم
مها:روان والله خالد وامي وامك
وانا الكل يبيك لخالد
روان:صح الكل بس هو مايبيني بس يرضي خالتي انا اعرفه
مها:وربي ياروان انه يقول احطها في عيوني
روان منزله راسها:ـــــــــ
مها:وش قلتي ياروان
روان:مدري يامها خلني افكر
مها:براحته بس ترى ننتضر ردك
طق الباب
مها:ادخل دخلت الشغاله باالقوه والحلاه
روان::هلا والله بحبيبي <<تقصد الحلاو
مها:عيب بدري على هاالكلام
روان:لاوالله وتضربها على راسها باالمخده
مها:اويلاه عنك ياخلود بتكسر راسك
روان:بعد حطيتني موافقه ياالدبا
مها:ههههههه لاوالله انتي الدبا مدري كيف يشيلك خالد اوكيف يلعب معك
روان تصارح:ياحمـــــــــاره وركض مع الدرج
سمعتهم ساره:طاح الحطب
ريناد :طيحت مها
الكل:ههههههههه
ـــــــــــــــــــــــــــــــــــــــــ
الجزء الثاني
ــــــــــــــــــــــــــــــــــــــــ
هل روان راح توافق على خالد؟
وخالد راح يحب روان او مجرد اوهام؟
ــــــــــــــــــ

بعد اسبوعين بدت الدراسه وزيد رجع لشرقيه
وروان ماهي طايقه قسمها
تبي علم نفس
ساره تطق الغرفه روان ياالله تئاخرتي بسرعه قومه
روان حاطه يدها على عيونا
::الحين يمه كم الساعه
::الساعه ٦
روان نطت افففف
لبست ونزلت تحت ولقت ابوها جالس على العربيه ورهف في حظنه
روان حبت راس ابوها: صباح الخير يبه
عبد العزيز:هلا باالجامعيه
روان:لايبه انا صغيره وش جامعيه رهف قومي ماما تبيك بسرعه روحي
رهف مسكينه صدقت
نطت روان وضحك عليها ابوها وحطت راسها في حضنه
روان:اقول يبه تحبني
عبدالعزيز:وهذا يبيله سوال
روان:أخ قهر لو امي هنا ههههههه
عبدالعزيز:والله امك غاليه عندي
روان:عساني منحرم منكم
عبدالعزيز يمسكها مع خدودها ياقومي افطري وراك دوام
ـــــــــــــــــــــــــــ
بعدها بسبوع روان تعرفت على وحده في الجامعه اسمها سديم وحبتها حب مو طبيعي اكثر من اختها ريناد
طبعا مها في كليله ثانيه مها تحب الانقليزي ودخلته
ـــــــــ
روان تدق على سديم
سديم:هلا بروحي
روان :ياعمري انتي كيفك شخبارك
سديم:تمامو
روان :اقول بكره داومين
سديم:اكيد
روان:انامالي خلق ماراح اجي
سديم:ليـــــــــه يادبا وانا
روان :انتي وش هههههه
سديم:تدرين ماني دارسه
روان:ليش
سديم:ماأعرف احد تخيلي روان اول يوم قبل اعرفك بغيت اموت من الطفش احس اني في غربه مالها حد بس ربي رزقني فيك
روان:هههههههه ياعمري ياسلمو
سديم:اجل روونه نتقابل السبت ابوي يناديني
روان:ههههه باي
وسكرت روان ونزلت تحت
ولقت اهلها كلهم تحت وحست فيه شي غريب
جلست روان بعدين قامت ريناد ورهف وراحو
روان مسكت بطنها حست بشي
ياربي ياربي صبرني
عبدالعزيز:روان حبيبتي تعالي جنبي راحت وجلست وهي زي الاطرش في الزفه
ساره امها ساكته ولاقالت ولاكلمه
عبدالعزيزاشر لساره وقامت وصعدت فوق
روان:يبه اش صاير يزيد فيه شي
عبدالعزير:لاابد كل خير يابنتي بس انتي كبرتي
روان تحط اصبعها على فم ابوها :لايبه انا دلوعتك وبكت وحطت راسها على صدره
عبد العزيز:روان يابنتي ياروح ابوك مافيه شي يبكي اسمعيني عندي حكي ابي اقوله لك
روان تمسح دموعها:انت تامر يبه كم عندي ابو في هاالدنيا
عبدالعزيز:روان يابنتي الله يرضا عليك خالد ولد خالتك طالبك وشاريك هو رجال ماينعاب دين واخلاق
والله يابنتي اني ادعي ليل نهار انه يكون من نصيبك لين ربي استجاب دعوتي وامك تبيه ولد اختها وامن لنا من البعيد اللي مانعرف عنه شي
روان اقتنعت من كلام ابوها
روان:ـــــــــ
عبدالعزيز: السكوت علامه الرضا
روان:اللي تشوفه يبه
عبدالعزيز:الله يوفقك يابنتي
واشوف عيالك وادلعهم مثل مادلعتك
روان حمرت خدودها وابتسمت
بعدين رقت فوق ولقت ريناد
على سريرها ونطت عليها
مبرووووك كلوششششش
روان:اششش بسك اسكتي الناس كلها درت
ريناد:ههههه اصلا كل درى قبلك
روان استحت :اقصد الجيران
ريناد:حلوه التصريفه
ترى بكره ننزل للسوق ونختار الفستان انا بختار الملكه الاسبوع الجاي
روان:نعـــــــــم من محدد ريناد:خالد وابوي
روان:افففف طيب ابي انام
ريناد:طرده
روان:فهمتها على الطاير
صكي الباب معك
طلعت ريناد
دقت روان على سديم
وحكت لها كل شي
وهدتها سديم قالت لها هاذي سنه الحياه
ــــــــــــــــــ
اليــــــــــــــــــوم الملكه
الظهر ريناد:روان قومي
ريناد اطلعلي الله ياخليك مالي خلق
ريناد:نعم قومي اخذي شور بني نروح للمشعل
روان فزت :هـــــــــاه ريناد مابي مابي وبكت
ريناد:روان مافيه وقت للبكى امي لاتشوفك وتاخذ في خاطرها
روان قامت ومسحت دموعها
شافت نفسها في المرايه وتنهدت ياالله عجزت اتقبل فكره اني مزوجه فكيف بخالد
….ـــــــــ….
روان لبسه فستان وردي قصير من قدام ومن ورا طويل وتوب بدون اكمام
ومزينه كيرلي في شعرها
وميك اب خفيف مع شدو وردي بسود مسحوب على خفيف وروج وردي وحمره خدود خفيفه
ــــــــــــــــــ
خالد طلع من غرفته لبس شماغ ومكشخ حصوص مع السكسوكه والفم الوردي
والحواجب الاقواس رجوله صدق <<للمعلومه خالد رياضي وجسمه خيالي>>
غدير ومها يصارخون
امه سلمى:بسم عليك ياولدي
خالد:وش رايكم
غدير:تحفـــــــــه
مها:بس روان احلى منك
خالد ينزل جزمه ويحقها
وهي تركض
غدير:امحق عريس
خالد:هههه يابسرعه اطلو انتضركم برا
غدير:مستعجل بتشبع منها
خالد:هههاي وش حارك تبين العرس هاه
غدير: كل تبن … ورقت فوق وهي مستحيه
خالد: يمه وش اسوي اذا دخلت عليها ترى ماأعرف شي
سلمى:ههههههه الظاهر بريطانيا نستك عادتنا
اول شي سلم عليها ولبسها الشبكه
خالد في نفسه اف وش ذا الحظ اسلم على الدلوعه ثم تشوف نفسها
ـــــــــ::::
راحو لبيت ابو يزيد
وجابو الملاك وملك عليهم
يزيد :خالد ياالله تعال شف مرتك
دخل خالد مجلس الرجال
روان جالس على سريرها
ومها عندها جالسه تقرا عليها
دق جوال روان
روان:هلا يزيد
يزيد:انا جاي لغرفتك اذا عندك احد خليله يطلع
وسكر روان قالت لمها راحت مها للحمام اعزكم الله ودخل
يزيد انبهر في جمال اخته
وحب راسها وبارك لها
روان خايفه قلبها يرقع
يزيد:روان يله
روان:وين
:زوجك تحت يبي يشوفك
روان في نفسها لالا ماأبيه اخاف يضربني العصبي
بس تعوذت من الشيطان ومشت مسك يزيد يدها
ودخلها المجلس
خالد شاف ملاك في الارض
وقف مايدري ايش يشوي
يزيد جلس روان جنبه
وبارك لهم وطلع
وصك الباب معه
خالد يناضر الباب
وروان منزله راسها
صمت فضيع لمده دقيقتين
خالد غير أتجاه نضره على وجهها ولفت انتبهاهه حبت خال بين خشمها وفمها ملفته مره ومحليتها
روان وجهها الوان من نضراته
لها
خالد تذكر كلام امه سلم عليها كيف اسلم ياربي
مسك راسها وباسها مع جبهتها روان ولعت ماناضرته ابد ولاشاف عيونها
خالدبصوت اقرب للهمس: روان
روان:ـــــــــ
خالد مسك وجهها ورفعه وتلاقت عيونهم
خالد في نفسه ااأااأاإه ياعيونك صد عنها وطلع الشبكه ولبسها
قال لها مبروك
بس هي ماردت
خالدياحاول يستفزها: طرما
روان استجمع قوها وناضره نضره كره نفسه بعدها
خالد:ماقلنا شي نمزح
روان خلاص ماعاد فيها صبر من الصباح نفسيتها تعبانه وهذا اتعبها زياده ونزلت دموعها غصب عنها بدون ماتطلع صوت
خالد ندم
روان
روان من سمعت اسمها في فمه زادت دموعها
قرب بيمسح دموعها بس هي اسرع زحفت يده بس هو اقوى مسك يدها وباسها
روان بصوت متقطع::كفايـ ـــ ــ ــ ـ ـه
خالد جن جنونه من سمع صوتها
خلاص امسحي دموعك وش يقولو الناس الحين متضاربين
روان في نفسها بس الناس هامينك وانا لا
مسحت دموعها وجت بتطلع
خالد:روان
روان:ـــــــــ
روان انا اسف
روان ماعبرته وطلعت وتركته
خالد افف انا قايل من البدايه دلوعه اففف يارب صبرني
عليها
ـــــــــ
بعد ماراحو الحضور الكل نام الاثنين مجافيهم النوم
كل واحد تمدد على سرير
بملابسه يفكر في الثاني
روان قامت تاخذ شور
وخالد راح لمها وطق الباب
مها ادخل
دخل خالد
مها:هلاباالمعرس
خالد:ههههه مهاوي ممكن خدمه صعنونه ابي رقم روان
مها:ياعيني هههه هذا الجوال
أخذ الرقم وطلع
روان تو خلصت من الاستشوار
وجلست تقرا قران
دق جوالها
بس طنشت ماعرفت الرقم
دق مره وثنتين وثلاث
ماردت
جتها رساله
روان ردي انا خالد
ماردت
ارسل لها روان مو اطيب لك ردي
على كيفه هذا مصدق عمره انه اذا صار زوجي يتحكم في
دق ماردت
راح لمها واخذا جوالها
ودق منه
دق جوال روان
هي عارفه انه خالد ردت تشوف وش يبي
روان بصوت هادي:هلا
خالد::على راسك ريشه
روان:ـــــــــ
خالد:اتكم انا اسمعي ياروان انا لما اتكم محد يطنشني ســـــــــامعه
روان:ـــــــــ
خالد:عيد الحركه هاذي مره ثانيه وشوفي وش يصير لك
روان:ـــــــــ
خالد:اشك اني متزوج طرما
روان سكرت الخط في
وجهه
خالد:حماره والله لكسر راسك
..افف هاذي اول مكامله بس الغلط مني احسن ابي انسيها الدلع..
ـــــــــــــــــــــــــــ
ودي ابكي لين مايبقى دموع
ودي اشكي لين مايبقى كلام
من جروح صارت بقلبي تلوع
ومن هموم حرمت عيني المنام
الساعه ٢ روان ماجاها نوم
تمسح دموعها ياربي حبيته
ليه حبيته الله ياخذ هاالقلب
اااااه بس صوته ياسرني ياربي انا ليه حبيته وهو ولاعبرني ياربي ليه حضي كذا
روان مانامت طول الليل
نزلت تحت تبي تاكل شي من امس ماكلت
لقت امها صاحيه
ساره:روان صحيتي
روان:ايه
ساره حست ان بنتها فيها شي بس حبت تسكت: ياالله يمه تعالي افطري
ــــــــــــــــــــــــــــــــ
بيت ام خالد
مها:صباح الخير يمه
سلمى:صباح النور روحي صحي خالد
مها:ههههههه خالد مو في حالك
سهران مع روان
سلمى::الله يهنيهم
ــــــــــــــــ
روان راحت فتحت
ايميلها لقت سديم
روان:اه يسديم جيتي
في وقتك
روان قالت كل شي لنها تحس انها صندوق اسرارها وخفف عنها
ــــــــــــــــ
بعدشهر
على ابطال قصتنا
خالد يتصل في روان
وهي ماترد عليه
لنه كل مره يجرحها
وهي تتعلق فيه
ــــــــــــــــ
اليوم الخميس:
الكل متجمع في بيت ام خالد
يزيد واهله جايين
ــــــــــــــــ
بيت عبد العزيز:
ساره:نجلا يابنتي تكفين روحي حاولي في روان خليها تروح لاتفشلني في خالد
نجلا:ليه هي تعبانه بلعاده تستانس اذا رحنا لمها
ساره:والله مدري بس روحي حاولي فيها من يوم الملكه نفسيتها زفت
نجلا:بروح لها واشوف
روان جالسه على كرسي التسريحه وحاطه راسها على الطاوله سرحانه
ياربي انا اش سويت لك ياخالد
طيب هو لو يكرهني كان ماأخذني افف يمكن خالتي غاصبه بس هو رجال محد يغصبه انا من البـ… طق الباب
روان تعدلت
ادخل
نجلا:الحلو صاحي
روان:ابتسمت
نجلا:روان وربي اشتقت لسوالفك وردك علي روان تذكري اذا قلت لك الحلو صاحي
قلتي لانايم روان انا اختك الكبيره احكي قولي اللي في خاطره لاتكتمين
روان::نجلا انا مافيني شي
نجلا::على ها الكلام طيب ليش منتي رايحه لبيت خالتك
روان:سكتت بعدين قالت
بكره عندي امتحان ومالي خلق
نجلا:مالك خلق على خالتك وبناتها لك شهر مارحتي لهم
روان :نجلا والله تعبانه ومصدعه
وابي انام لاحد يصحيني
نجلا:براحتك وطلعت
روان قفلت الباب
وجلست لين راحو
ــــــــــــــــ
بيت خالد
يدق الجرس
خالد فز قلبه اكيد خالتي وطلع يفتح الباب
خالد:يزيد هلا والله
يزيد منحرج يوم روان ماجت:
هلابك
ساره:وشلونك ياولدي
بخير ياخله هلا برهوفه وسلم على رهف وشاف حرمتين دخلن
خالد:كلكم جيتو
يزيد:ههههههههه لاالحبايب ماجو
خالد انقهر:ليش
يزيد دخل حس ماله داعي
ساره:والله ياخالد لها شهر وهي تعبانه ماهي راضيه تروح للمستشفى ولاتقول لنا عن اللي فيها
خالد حس بتئانيب الضمير
اااه يارون بس احس هي دلولعه وتستاهل
دخلو داخل
ــــــــــــــــ
مها :هلا والله انور البيت
رنياد:منور بهله
سلمن على بعض
غدير:وين روان ليش ماعاد تجينا
نجلا ترقع الموضوع:عندها امتحان صعب بكره وتقول بوسي لي مها وغدير وتعذري لي منهن
مها تعرف عن روان لن روان ماتخبي عن مها شي قالت:الله يعين
نجلا تطمنت:امين
ــــــــــــــــ
مجلس الرجال
خالد عجز يرتاح
جلس جنب يزيد
خالد:اقول ابو فيصل طلبتك
يزيد:امر تم وصلت
خالد:ابي مفتاح بيتكم
يزيد:ليه فيه شي
خالد مستحي: لابس ابي اشوف روان واجي
يزيد:تامر خذ
خالد :لو مافيه رجال حبيت راسك
يزيد:كل هذا عشان روان
خالد:هههه لجل عين تكرم مدينه
وطلع
ــــــــــــــــ
خالد فتح الباب
البيت هدو حتى الشغاله ماهي موجوده هاذي ماتخاف
روان منسدحه٠ على سريرها عليها بجامه بيضا فيها رسومات بالحمر ولامه شعرها كله بربطه بيضا
وحاطه يدها على عيونها
وفاتحه الابتب على التسرحه
دايم هاذي حركتها وطفي الانور بس الابجوره ومشغله اغنيه
تــــعال ومابــــقالي يوم
بغيــــابك يصبرني
أخــــــــــــاف اموت من شوقــــي وانت مطول غيابك
تــــــــعال وكل شي يصادف
في بعدك يذكرني دروبك ضحكــــتك طاريــــك وريـــــــــح العطر في ثيــــابك
انا وين ابتــــعد عــــنك وعيــــــــــــــــــــــــــــــــــــونك تحاصرني
خالد سمع الصوت وقف ورا الباب اكيد هاذي غرفتها
خالد اطق افف لاأكيد بتقفل الباب اذا عرفته انه انا
خلني ادخل
فتح الباب بــــهدوء
الجو خيالي بس مايشوف زين ياالله ياروان اذا هاالاغينه مقصوده لي والله لاحطك في عيوني
روان :جولا كم مره قلت طقي الباب روان تكلم وساعدها علي عيونها
خالد التفت لصوت شوي ويدوخ
مسترخيه بجسمها كلــــه
يبلع ريقه وعذابك ياخالد
خالدبصوت هادي وهمس عشان مايخوفها: ر وا ن
روان فزت منو انت
خالد جا جنبها
وهي ماعرفت انه خالد لنها مغطه عيونها لها فتره
روان تصارخ :ابــــــــعد ابعــــد
الله يخليك
خالدشغل الانور:روان اش فيك انا خالد
روان تبكي::وانـ ـ ــ ـ ـت مم منيـ ــ ــ ــن طلعت وغطت وجهها وبكت
خالد شاف ضعفها وانكسارها
وغصب عنه ضعف
خالديمسح شعرها :: روان٠
روان:تبكي
خالد خــــــــلاص ماعاد يستحمل
ضمــــــــــــــــها لصدره
حاولت تبعد بس هو أقوى منها مسح على شعرها
خالد :روان خلاص كافي
روان تبعد عنه لنه عذبها
بريحت عطره خلاص شوي وتدوخ
فكها خالد
جلست تمسح دموعها
خالد::روان انا جيت هنا عشان امي وخواتي ليش ماتجينهم هم يحبونك وش ذنبهم على اللي بيني وبينك
روان:ــــــــــــ
خالد:روان تكلمي قولي شي
من ملكت عليك ماسمعت صوتك الا مرتين
روان:ــــــــ
خالد::براحتك بس ماني طالع من هنا الا اذا رديتي علي
روان:ــــــــ
خالد يلطف الجو:حلوه غرفتك من مختارها
بس الابتب مو حلو
روان رفعت راسها تناضر
بعدين نزلته
خالد ابتسم::روان بتكلمن والا اخذك وادور فيك
روان وقفت بس مسكها
من كتوفها
روان::خالد خلاص فكني كافي٠
خالد انصدم::ماني فاكك لي تعطيني خبر
روان::بكره
خالد::وعد
روان:هزت راسها
::نشوف
ياالله انا طالع
روان رمت نفسها على السرير وصياح كل هذا عشان اهله اناعارفه انه مايحمل لي مشاعر
روان دقت على سديم
بس سديم ماهي احلى منها سديم امها ميته وعايشه مع ابوها وزوجته الشريره وخوانها كلهم عيال يضربونها ماكنها اختهم
ــــــــــــــــــــ
في الجامعه
سديم::روان تخيلي ان عندي ام
الله وناسه ٠
روان::سديم هاذي حكمه ربنا
سديم::البارح أحمد اخوي ضربني لين ماعت اتحرك من ضهري
روان:ليــــش
::محمد اخد جواله ويحسبه انا
::ياعمري ياسديم وابوك وين
::ابوي هه ابوي يحبني ويموت في بس عمتي تكرهني وترسل عيالها علي يضربوني لدرجه انه يغمى على بعدين ضهري احس فيه شي اذا قمت من النوم ماأقدر اتحرك منه
:::روحي للمستشفي ياغبيه قولي لبوك مو تسكتين لين يقضو عليك
:::تصدقين روان اني ودي اموت
::استغفر الله
::الدنيا هاذي مافيها راحه حرمتني من امي ومن عبدالرحمن
تخيلي انا اموت في ولد عمتي وهو بعد بس زوجه ابوي راحت وقالت لهم سديم ماتبي عبدالرحمن وأخوي خطبها ووافقت
::حسبي الله ونعم الوكيل
الله ياخذهــــــــا
ــــــــــــــــــــ
بعد شهر
روان صارت تروح لخلتها
وخالد ماصار يدق عليها لنها ماترد عليه
خالد::يمه انا عندي انتداب في شهر ثمانيه في لندن لمده شهر
وابي اخذ روان معي
سلمى::كيف تاخدها
خالد منسدح على رجل امه ::ابي اقدم موعد الزواج في بدايه سبعه
امه تلمس راسه عليك حراره والبنت متى يمديها تجهز
::ماله داعي يمه انا ابيها كذا انشاله بدون شي
امه تضربه على راسه بخفيف::
استح
:::هههههه يمه ماقلت شي دقي على خالتي وقولي لها وانا بقول لعمي
:طيب قم عني بدق عليها
::وش له داعي تعبين عمرك ياالغاليه انا اقوم وادق
قام خالد وجاب التلفون ودق
وعطاه امه
خبرتها
ــــــــــــــــــــــــ
ساره:::تصك التلفون
ريناد:من تحاكين يمه
::ابد خالتك
::شخبارها خالتي ياهي واحشتني
::والله ماعليها وتقول الزواج في بدايه سبعه
::واااااو وناسه بروح اخبرها
وتركض
ساره:تعــــالي الله يعين
ــــــــــــــــــــــــــــ
روان جالسه تقرا روايه
وينفتح الباب بقوه
روان وقفت بسم الله
ريناد تحضنها مبروك مبروك ياأم ريناد
روان::اش مبروكه
ريناد:: علي ياروان زواجك بعد ثلاث اسابيع وانا اخر من يعلم
صــــــــــــــــــــــــدمه
روان:نعــــــــــــــــم
من قاله
ريناد::خالد قال لخالتي وهي قالت لمي
روان ::ريناد اطلعي الله يخليك
ضاعت الابتسامه في وجه ريناد هاذي وش فيها مفروض تضحك وهي محزنه اه متى اعرس بس خخخ
طلعت ريناد
روان اخذت جوالها
ارسلت:خالد ليه تسوى في كذا على الاقل خبرني مو تصدمني قدام اهلي
ارسل:انتي رديتي علي عشان اخبرك
ارسلت::بس مو على كيفك تحدد
خالد شاف الرساله واستانس
ارسل لها ::الا على كيفي لواجي الحين بعد واخذك بشعرك
ارسلت::حمااااار
ثار دمه
ارسل ::انا حمار اقسم ماأتركها لك
روان خافت ماردت لنها عرفت انه معصب
دق عليها
ماردت واغلقت الجوال كله
خالد خوافه
طلع من غرفته ضايقه فيه الدنيا يارب مدري وش نهايتي مع روان نفسي اعرف انا حبيتها عجزت احدد موقعي معها
ركب سيارته وشغل الراديو
ضــــــــــــالم
ضــــــــــــالم
ضالمني
وبلاسبب تضلمني
انا اللي جيتك عاني
وانت بحبك تضلمني
ماتت احلى الاماني
بروح الحب الفاني
سكره اف دايم على الجرح
شكلي حبيتها لالا ماتوقع
ليش ليش ياروان انا حمار ليه ويضرب قلبه اااااااااااخ
ــــــــــــــــــــــــ
روان ماهي احسن منه
بس هاالمره مابكت لنها تحس ان في ناس اقوى منها زي سديم وايمانهم بالله قوي ماتنزل دمعه عشان الدنيا
استغفرت ربها وقامت تصلي
ــــــــــــــــــــــــــــــــ
الجــــــــــــــــزء الثالث
ــــــــــــــــــــــــــــــــ
انا حطيت الاجزا طويله
عشان محد يمل مو كل شوي جزء تسمج كذا خخخ
ــــــــــــــــــــــــــــــــ
بعد اسبوعين
اليوم اخرامتحان لروان وسديم في الكليه خلاص بعدها عطله
روان عند بوابه الكليه
تبي تودع سديم وتطلع روان حاسه ان هي وسديم هذا اخر يوم لهم سديم ضمت روان وتعلقت فيها وصارت تبكي زي الطفل اللي بيفقد امه
وروان زيها صياح لدرجه ان البنات صارو يناضرون فيهم
سديم اول مره تبكي
سديم:روان لاتنسيني وادعي لي
روان::سديم انتي اختي اللي ماولتها امي ترى والله لزعل اذا ماجيتي على زواجي
سديم::وانا اترك اختي في يوم زوجها هههه
روان تمسك خدها::ايوه اضحكي كذا اشوف
المهم ودعن بعض
ــــــــــــــــــــــــ
روان دخلت البيت
على طول لغرفتها تبي تعيش اخر اسبوع فيها لن بقا اسبوع على زواجها
ساره::روان يمه الغدا
روان::يمه مالي نفس ابي انام
احس لي اسبوعين مانمت
راحت لغرفتها
وطلعت مذكرت سديم
اللي معطتهياه ذكرى
ماليتها سديم من الشعر
وكاتبه في اول صفحه
يمه وينك عذبتني الليالي
ليتك تشوف الحال كيف منصاب
ليتك تشوف الهم واوضاع حالي
ليتك تشوف الدمع وشلون سكاب
ليتك تشوف اللي بعدك جرالي
حتى الفرح يايمه وياك قد غاب يمه شفت الويل وانا لحالي
تركتيني للوقت ولضيم الاقراب العيش من دونك والزمن ماهنالي
موحش بدونك يابعد كل الاحباب
روان نزلت دموعها عصب
اه ياسديم لو في يدي رحت انا وياك في كوكب مافيه الاانا وانتي نلعب ونستانس على كيفنا
ـــــــــــــــــــــــــــــــــ
بعد اسبوع
اليوم زواج
خــــ روان ــــــــــــــالد
الساعه تسع الصباح
سلمى::خالد ياولدي افطر وروح شف القصر محتاجين
شي نزودهم
خالد:: انتم اهم همه اذا ناقصكم شي لني سافر بعد بكره
سلمى :الله يحفضك ياولد مانقصا الا انا نشوفك مبسوط ومستانس مع زوجتك
ــــــــــــــــــــــ
بيت عبد العزيز
عبدالعزيز وساره جالسين في الصاله
عبدالعزيز::اليوم ياساره بنفقد عصفوره البيت
ساره ::الله يسعدها حبيبتي
يزيد جاي يمشي::وانا ماني حبيبك
ساره::الاحبيبي ونضر عيني
يزيد::وابوي وش
ساره:ولاشي انت اغلى
يزيد::يبه تزوج وحده تحبك
عبدالعزيز::انشا الله
ساره::تقوم عليه اليا الكلب
يزيد يركض ههههههههه
ــــــــــــــــــــــ
ريناد صحي روان
روان روان ياالله قومي
لارد
ريناد تفتح الستاره
كلككلوششششش
نجلا:ههههههههه
روان قامت مفزوعه::وش فيه وش صاير
ريناد تعلك علك::لاابد ماصار شي بس خالد في انتضارك
روان::كلبه وتقوم عليها
طلعت ريناد تركض وتضحك
روان :اف بنام
نجلا :روان الساعه ثنعش قومي اخذي شور وانا بجيب الغدا هنا
روان:ـــــــــــ
نجلا :يابسرعه عشان نروح للمشغل
روان نزلت دموعه: نجلا انا خايفه
نجلا تضمها ::كلنا مرينا زيك خفنا وبكينا بس بعدها تحلى الحياه
روان :بس انتي غير نجلا انا في
وسكتت
نجلا خافت:: وش فيك
روان نزلت دموعها::انا ماصلي
نجلا::هههههههه بس
روان:مافيه شي يضحك
نجلا:بس هذا اللي مخوك كثر بنات جتهن ليله زواجهن بعدين احسن لك وغمزت بعينها
روان:ترا بطردك مع ريناد
نجلا::ههههه لاتوبه يابسرعه اجي القاك مخلصه عشان نطلع للمشعل
راحت نجلا تجيب الغدا
وهي تضحك
ساره:ها صحت روان
::ايه صحت ياخاله
::وشلون نفسيتها
::معليها بروح اتغدا معها
::الله يرضا عليك يابنتي
ـــــــــــــــــــــــــــــــــ
طلعن للمشعل مع السواق
ريناد لبسه فستان أحمر توب وجامعه شعرها كله و حاطه ورده حمرأء في شعرها طالعه خيال
ونجلا فستان ليلكي ومسويه بوف في شعرها
ورهف ايبض طالعه كتكوته
جينا لروان لبسه فستنها الابيض
توب فيه من الصدر الى تحت خضرها شريطه بلمعه فضي وجامعه نص شعر فوق ومنزله الباقي عشان يستر ضهرها روان طبعن رفضت تصبع شعرها لنها تحب الطبيعه
وحاطه شدو اسود مع وردي في لمعه شوي ومكياج بشرتها خفيف لنها ماتحب تثقل وروج
وردي ونقشتها خيال ناقشه يد وحده باالحنا وعلى كتفها في يدها الثانيه شوي نازل على صدرها وطالعه فته صدق
ــــــــــــــــــــــ
الساعه ١١
روان:ريناد جيبي جوالي
فتحت جوالها لقت عشر مكالمات ورساله وارده
كلها من سديم والرساله
روان ياقلبي مبروك عليك
وربي اني شاريه فستان
ابي احضر بس جدتي تعبانه وتبيني وانا الحين مسافره لحايل لاتزعلين ياقلبو
ليله هنيئه في احضان خالد>>
روان ضاق خلقها بس عصبت على الجمله الاخير طيب ياسديموه اوريك اه متى اشوفك في مكاني الليله
رنياد:روان ياالله بدت الزفه
روان:لالا تكفون مابي وين
وين
نجلا:ياالله سمي بالله
مها دخلت عليهم
مها:روان شوفي خالد رفض يرقا فوق قال تحت احسن انزلي وانا معك
روان:مهـ ــ ـ ا
مها تاخذها بيدها
نزلت ابها مع الدرج الخلفي
ودخلت على مسيقا هنديه هاديه مختارتها مها
روان رفضت تمشي لوحدها
وجت معها امها الكل يضارخ ويصفق ساره تمسح دموعها٠
جلستها على الكوشه الله عباربه عن كرسي واحد كبير شوي سماوي مع طاوله ضغيره
عليها ورد وعصير
بعد خمس دقايق دخل
خالد عليه بشت اشود
طالع تحفه حصوصن البشت على اكتافه خقق البنات والكل يحسد روان وهي ولاعبرته
منزله راسها
مشى ومشت معه امه وغدير ومها وصراح وتصفيق
على اغنيه الوسمي لاتروح
خالد ماعاد يقدر يمشي من شافها جا قدامها وقبل راسها
خالد:مبروك
روان:ـــــــــــ
روان في نفسها خالد ابعد قتلتني قربك جنني
خالد في نفسه حتي يوم زوجها عنيده بس حلوه
رقصت امه وخواته
وساره بس تنزل دموعها حلمها تحقق
ــــــــــــــــــــــ
طلعتهم مها لغرفتهم اللي فيها الكوشه الكبيره عباره عن غابه فيها عصافير وورد طبيعي
صورن مها وغدير معهم وطلعو
سكوت لمده دقايق
المصوره واقه
ياالله نبلش تصوير
خالد هز راسه
المصوره:هلاء فديو بدكو تئطعو التورته
وقطعوها
روان قايله للمصوره لا تقولين اكليه وهو حتى لني مابي الحركه هاذي
قالت لهم المصوره
اقفو وقف خالد بس روان
جالس
المصوره:يالله ياروان راح الوئت
قامت روان
::خالد أرب منا شوي
روان منزله راسها
::خالد امسك أيدها وبوس رسها
خالد سوى الحركه وهو طاير من الفركه
المصوره::خالد حط جينك على جبيها وابتسمو
::خالد ارتفعت حرارته مايقدر يبتسم هاذي ماترحم
روان ذابت من انفاسه الدافيه على خدها
::حط ايدك على خصره
حطها خالد وهو وده يدخلها في صدره
::ياالله هلاء ابتسمو
ابتسم خالد
::ياالله ياروان
ابتسمت بعدين صورت
خالد تخدر ماحس الابحركه روان اف يعني انتهت يا الله
صورو كذا صور بعدين طلعو للفندق
ــــــــــــــــــــــ
دخلو الفندق ودخلت روان
الغرفه على طول ملت من الفستان من العصر وهو عليها
نزلت عباتها ناضرت شكلها في المرايه
روان ماتوقع انه انا شكلي متغير بس هاذي كيف اطلعها تقصد الطرحه حقت الفستان
فكتها بصعوبه
جلست على الكرسي
هذا وين راح
ماحست الابمقبض الباب
يتحرك روان خافت ووقفت
خالد دخل ماعليه الاثوب
منزل شماغه في الصاله
شعره كثيف لنص رقبته
روان داخت يوم شافت عيونه
خالد وقف قدامها يناضر شفايفها ورقبتها ثم صدرها
نفض الافكار اللي في راسه وحب ينتقم مسك كتوفها
خالد::من الحمار
روان::ـــــــــــ
خالد:اشك انهم مزوجيني وحده صما وبكما يهزها تكلمي
روان مسكت نفسها عشان ماتبكي هي وعدت نفسها ماتضعف قدامه
روان:ـــــــــ
خالد يحس ان اكتافه قطن مو اكتاف بعدين فكها وطلع
خالد شد شعره اف انا ايش سويت اخذها من بيت اهلها واتطنز فيها مو من طبعي بس
من اشوف جمالها ودي اقتلها
ياربي قلبي نبض و يحط يده على قلبه هذا حبها بس انا لا
روان مسكت نفسها
ودخلت واخذت شور يهديها
وطلعت و استشورت شعرها
ولبست بجامه ساتره
لونها بيج مسكت نص شعرها
وجلست على السرير
خالد طلب عشاء
وجاء يناديها
دخل الغ