ريجيم العصيرات ( اللي حابة تشاركني حياها)

لا اله الا انت سبحانك اني كنت من الظالمين

راح ادخل في الموضوع مباشرة و بدون لف و دوران و مقدمات

يا بنات انا حابة اعمل ريجيم يعتمد على شرب العصيرات والماء والشاي فقط
طوال اليوم يعني و لا نوع من انواع الأكل و طبعا العصيرات بدون سكر و الشاي بسكر الريجيم

ريجيمي راح يكون لمدة عشرة ايام فقط مو اكثر

هالريجيم راح يعتمد على السوائل يعني راح يدر البول و ينزل السوائل المحبوسة
في الجيم يعني راح ينزل الوزن ان شاء الله لكن ما اضمن لكم انو اللي نزل دهون

طبعا الريجيم قاسي و ممكن يسبب
لنا تعب او ارهاق او دوخة او تساقط شعر او اي مشكلة
من مشاكل الريجيم القاسي

هادي المعلومات انا حطيتها للأمانة و تحذيرا لكم
يعني بينت لكم مضار الريجيم و اللي لسا حابة
تمشي عليه هي حرة و على مسؤليتها
اللهم اني اخليت مسؤليتي و برأت ذمتي أمامك

السكر اللي دايما استخدمو هو هادا

و مما فيه سعرات

و عندكم عصيرات المراعي خالية من السكر و نكهتها جدا لذيذة
و في نكهات مختلفة انا راح اشتري نكهة لكل يوم عشان ما اطفش

ان شاء الله راح ابدأ يوم 25-12-ذ432هـ و اللي حابة اتشاركني
تكتب اسمها هنا عشان اعملها توقيع او رمز بسيط لمجموعتنا

ان شاء الله تتحمسو و نتحمس سوا و ترا كلها عشرة ايام
صحيح انها راح تكون صعبة لكن الوزن راح ينزل و هادا
بالنسبالي اهم شي

مو لازم نكتب اوزاننا لكن قبل لا نبدأ لازم نوقف على الميزان عشان
نعرف كم كان وزننا قبل لا نبدأ و بإذن الله الريجيم عشرة ايام و في االيوم
الحادي عشر نوقف على الميزان و نجي هنا و نكتب كم كيلو نزلنا

ايش رأيكم؟؟ 😐 😆 🙂 👿 😆 hy: 😥 😉

راح اشرب علبة عصير في اليوم بالاضافة للشاي و شرب الشاي بدون حساب يعني كاسة اتنين عشرة
و الشاي اللي
اتكلم عنو اقصد النعناع العادي لان ما فيه كافيين و مافي داعي للشاي الاخضر و الضيافة و غيرو
بالنسبة للعصير لا اتقولو علبتين في اليوم كتير ترا لو اشتريتي العلبة و قريتي سعراتها ترا ما تتجاوز
الــ580 سعرة في يومك كلو و على حسب نوع العصير و في نكهات من المراعي سعراتها اقل و هادي
اعلى شي