ريحوني .. اللي سويته صح ولالا !!


السلام عليكم ورحمة الله وبركاته
ترددت كثير اني اكتب مشكلتي بس والله تعبت ابي ارتاح من تأنيب الضمير وكل ما أتذكر الموضوع احس اني مخنوقة ولا ازم ابكي بالاخير
السالفه يااخواتي جتني شغالة اندونيسة جديدة وكنت انتظرها سبع شهور انتم عارفين الحين التقديم على المكاتب يطول وياخذ وقت
المهم جتني اخيرا والحمد لله لاني كنت معاناه كبيره انا مدرسة وعندي وبنت وولد وكل يوم صبح لازم اوديهم عند امي وارجع اخذهم الظهر
النوم طبعا الظهر مستحيل انام وانا عندي صغار يعني ادوام ووعيال ومسئولية وقلة نوم
وجت الشغاله اخيرا وحسيت اني كنت بحلم لماجت كانت مشتغله من اول بكذا مدينه وعندها خبره بالصغار
يعني ارتحت كثيييييير لما جت كنت اداوم واخلي العيال عندها وانا مطمنه كانت من النوع الهادي قليلة الكلام
حتى لما اروح لاهلي ماتحتك كثير بشغالتهم حتى امي لاحظت هالشي فقلت لها هذا طبعا عادي بكيفها
المهم بعد ماصار لها شهر ونص عندي قررت ازور وحده من صديقاتي المقربات حييييل
وكان الكلام هذا يوم الثلاثاء رحت لها واخذت الشغاله معي والعيال
كانت سهرتنا عاديه جدا بس اللي لفت انتباهي .. البنت قالت للشغاله روحي داخل عندك العاب وومراجيح لعبي العيال وبتلقين شغالتنا اتسلي معها راحت اقل من خمس دقايق ورجعت وكملت السهره كلها عندنا في المجلس هي والعيال طنشت الموضوع وقلت يمكن ماعجبها الوضع عندهم
المهم صار اليوم الثاني الاربعاء في الليل كلمتني البنت وقالت والله من امس وانا محتاره اقولك ولا لا حتى الاستخارة استخرت قبل اتسرع قلت وش فيك خوفتنيي قالت شغالتك مشعوذه وتستخدم بسم الله علينا
قلت وش دراك قالت اختي لما شافتها يوم دخلت عندهم داخل انهارت والجني اللي بها تكلم وقال ساحره ساحره لما شاف شغالتي عشان كذاانحاشت وجت عندي وماطلعت الا لما رحنا البيت لانها تلخطبت وحست حتي هي بعد
( للمعلومية انا اعرف اختها واعرف قصتها من زمان تلبس بها جني عن طريق سحر الله يشفيها ويعافبها يارب ) المهم انا البنت هذي اثق فيها ثقه عمياء وصدقتها وانا عارفه ماقصدها الا خوفها علي وعلى عيالي
بدون تردد كلمت زوجي وقلت لها هذي ماتجلس عندي وعلمته بالسالفه وصدقني ويوم الجمعه العصر رجعناها للمكتب في الرياض
بنات انا الشغاله والحق ينقال ماشفت منها اي شي حتى فتشت اغراضها قبل اسفرها مالقيت معها شي
بس بعد ماعرفت اللي عرفته مستحيل اخليها عندي بجلس موسوسه طول وقتي وبيذبحني التفكير اكيد
بس دايم افكر واخاف اني ظلمتها لاني ماشفت منها شي واقول مسكينه جت تدور الرزق وانا قطعت رزقها والحين تمرمطت من بيت لبيت لاني عرفت انه المكتب باعها لواحد بس قال يجربها اول وكل ماتذكرها تخنقني العبره واقول يارب سامحني اذاكنت ظلمتها بس بنفس الوقت متأكده من كلام البنت مية بالمية عشرة عمر انا وياها من سادس ابتدائي وحنامع بعض مستحيل تكذب علي
ريحوني وقولولي اي وحده منكم مكاني لو صارت لها نفس الحكاية شلون تتصرف
خصوصا الامهات منكم يعني معقوله بعد اللي عرفته اقدر اطمن على عيالي عندها
عارفه طولتها وكثرت الكلام ويمكن لخبطت شوي س عشان تعرفون كل التفاصيل وتريحوني
بدخل في الليل ان شاء الله عشان اشوف ردودكم

عن mohamed hekal

شاهد أيضاً

يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم

السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …