عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
هذي رواية ظلم البشر رواية تستحق القراءة …
كتبها اخوي (سلطان ابو سعود) ويقول عنهاا
لا تستعجلوو على الرواية داخلها احداث كثيره وشخصيات متعدده
وادور منها السلبى ومنها الايجابي
طبعا كثير قالوو لى اكتب مقدمه عن الرواية ولو باختصار
لكن انا فضلت انه الاحداث هي الى تخليك تعرفى وش هي القصه وش الى يدور فيها
وايش الى يصير داخل البيوت الخليجيه والسعوديه بالذات
وانا ما عرفت بالشخصيات الاحين
لكن كل شخصيه لما تتلكم راح تعرف عن نفسها
ما اطول عليكم واسيبكم مع احداث القصه …
الجزء الاول
يالله يالله يا ساره قومى خلاص خلاص من النوم هذاا
اللحين اذن العصر والناس صلوا وخلصت الصلاه وانتى لسى نايمه
ياالله قومي وبعدين انتي من الليل نايمه لين الاحين اي نوم هذا ؟؟
ساره : وش فيك يمه خلنا انااااااااااااااااااااااااااام !!
ام ساره : اي نوم اقولك عصر وتقولى نوم وبعدين نسيتي ان اليوم عشا اخوك احمد
ولازم نرتب البيت ونسوى القهوة والشاى ,ورانا شغل كثير وانتى لسسه نايمه .
قاطعت ساره كلام امها وقالت : خلاص يمه خلاص هاا اناا قمت
ام ساره : يالله بسرعه اجل وصلي الفجر والضهر والعصر
مادرى !! متى انتى بتحافظى علي صلواتك وفروضك شوفى بنت خالتك فاطمه بسم الله ومشاء الله عليه
ما تخلى ولا فرض يروح عليها ليش متى مثلها
ساره : خلاص يمه خلاص بقوم وبصلى الواحد يقوم علي محاضرة وينام علي محاضرة
دخل احمد على بيته بعد ما صلى العصر في المسجد وعليه علامات السعاده اشكال والالون
والضحكه ماله مكان بوجه الابيض الوسيم فاحمد يشبه امه وياخذ من حلالها الشي الكثير جدا جدا
وكان يفكر في مستقبله المشرق الي ينتضرة والذى بد يرسمه لنفسه حيث انه تخرج من الثانويه بتقدير ممتاز
وكان احمد صاحب طموح عالي حيث كان يطمح بان يكون دكتور في يوم من الايام
وقطع علي احمد تفكيرة صوت الباب وراءه عند دخول ابوة
ابو احمد : احمد تعال بارك الله فيك انت رفعت راسي وبيضته قدام اهل القريه
احمد : ابد يا يابوى ما سويت شي الله يخليك هذا بفضل من الله ثم بفضل دعاك الله لا يحرمنا منك
وقبل احمد راس ابيه وذهب الي غرفته وهوو خارج من عند ابيه
نادى ابوة علي اخوته
ابو احمد : فيصل يا فيصل تعال انت ومحمد
بالمناسبه نسيت ما اذكر لكم ان فيصل ومحمد وساره من ام واحمد من ام اخرى توفيت عد ولادئته
لمرض لم يعرف سببه وكان احمد يتيم الام منذ صغره وهو اصغر من فيصل ومحمد
وهو يتيم الام ولا اخون له من امه
ولم تكن العلاقه بين احمدواخوته علاقه قويه بين الاخوة فقط
دخل فيصل علي ابيه ولحقه بعد لحضات محمد
قال ابو احمد : تعالوا باركو لخوكم احمد اليوم العشاء حقه بسب انه تخرج من الثانويه بتقدير ممتاز
ورفع راسى قدام اهل القريه كلهم ماكانت العلاقه بين احمد واخوانه جيده وخاصه فيصل ومحمد وكان دائما ما يتحاشا
احمد الخوض في الكلام معهم لي اي سبب كان وليست المشكله عند احمد لاا
فاحمد يعرف ان اخوانه ما يحبونه وفي نضرهم ان احمد يلقى عند ابوهم الدلائل الزائد
وكمان كثير ما يصرف ابوهم علي احمد اكثر منهم ومن هناا كان الحقد علي احمد من محمد وفيصل
نضر محمد الى فيصل وهم ليسووو مكذبين الخبر ولكن في قلوبهم حاجه علي اخوهم احمد
تدارك احمد الموقف بذكائه فهو يعلم انه اخوانه لا يحبونه ولا يريد ان يضعهم في حرج قدام ابووه
وتكلم احمد : ايه يبه خلاص هم باركوو لي اليوم الضهر وما قصرور
لم يفهم ابو احمد مغز هذا النضرات الحاده من فيصل ومحمد الى احمد ولكن حرك راسه وجعل يتمتم بكلام وكان يدعوو لهم
في البيت المجاور لبيت ابو احمد بيت يسكن فيه ابو ماجد وابنه ماجد واخته نوره وكانوو جالسين في غرفه واحده
قال ابو ماجد : ماجد
ماجد : هلا يبا امرر
ابو ماجد : ماجد اليوم يا ولدى ابيك تبيض وجهى قدام جارك ابو احمد وتساعدهم
وتعرف ان اليوم عندهم عشاء بمناسبه تخرج احمد من الثانويه
قال ماجد : ايه يبا لا توصى حريص هذا احمد اخوى الي ما جابته امى
سمعت نورة هذا الكلام كله وبدت في الضحك في نفسها وراحت في تفكير عميق بعد ان سمعت اسم احمد
احمد : ومررة لا تشيل هم يا يبه بكون معهم من يوم ما يبدا الضيوف ولين ما يرحون مررة لا تشيل هم
فرح ابو ماجد بهذا الكلام الذى سمعه لانه ير ان احمد هو الشاب المناسب الى يمكن يطمن عليه في مشيه ومصاحبه
لي ولده ماجد فهما في سن متقاربه وكثير ما يتمنا ان يكون زوج لي بنته نورة
بدا الضيوف بالقدوم على منزل ابو احمد من كل حدب وصوب فاهل القريه اكثرهم لبو النداء
فهذا مهنى لى احمد وماجد هناك يرحب وابو احمد يستقبل الضيوف فالكل مشغول بالاستقبال والتهئنه
ساره : يمه يمه
ام ساره : ها وش فيك ما تشوفينى جالسه مع الحريم وش بغيتى
ساره : يمه وين بخور العود ابوى يبه الاحين يبى يبخر الضيوف قبل ما يخرجوو
ام ساره : وهذا وقته يعنى البخور في جيبى روحى شوفيه مكان العطور في الدرج
ساره : يمه ما لقيته دورت عليه ما لقيته
ام ساره : ساروة ما نى فاضيه روحى دورى يمكن طاح منيه والا منيه دورى زيين
سارة : اقولك يمه ماله اثرر ابدا
قامت ام ساره وهي تضحك لي حرمه بجنبها وتعتذر منها وتقول لها شوى وراجعه
مشت ام ساره وهى تخاصم علي ساره وتقول لها لو لقيته في الدرج يا ويلك
دورت ام ساره الدرج وقلبته فوق تحت وما لقيت له اثرر وهي مستغربه اشلون ضاع وين راح
واليوم العصر جابه لها ابو احمد من السوق ولا هم متعودين علي السرقه ولا في بيتهم احد غريب ولا احد يدخل غرفتهم
اسئله كثيرة تدور براس ام ساره وهي تدور قطع هذا الافكار
دخول فاطمه ونورة علي ساره وامها
وبالمناسبه فاطمه ونورة وسارة كانهم اخوات ما يخبون شي علي بعض
فاطمه : وش فيك يا خاله عساا ما شرر
ساكته ام ساره فهى لا تعرف كيف ترد عليه
ساره : وش اقول يا فاطمه ابوى يبى بخور العود وما لقينه
فاطمه : اهااا والله انا عندى يا خاله بس تعرفى بيتنا بعيد ولا في احد من اخوانى يوصلنى اجيبه وابوى تحت مع الرجال
دخلت نورة في الموضوع علي طول انا يا خاله
التفت الجميع لها وهي تكمل
نورة : انا ياخاله بجيب بخور العود من بيتنا عندنا بخور عود ابوي جابه ليوم العيد وباقى منه
ام سارة : لا يا بنتى انا بلقى هذا الاحين وخلاص
نورة : لا ياخاله ابدا والله انا الاحين بروح اجيبه بيتنا قريب شوى وراجعه
نورة : ساره وين عباتى
ساره : هناا تعالى وراى
راحت نورة وفاطمه وراء ساره عشان ياخذون العبايه ويروحو يجببو البخور
وعاده اهل هذ القريه انهم يبخور ضيوفهم بعد ما يخلصو من العشاء هذا عادات وتقاليد لا يمكن ان يتنازلو عنها
دخلت نورة بيتها ومعها فاطمه لتسكنها في الطريق
كانت نورة حاطه البخور فى غرفتها دخلوو الغرفه وصارت نورة تدور علي البخور
ولفت نضر فاطمه دفتر وصورة موجوده علي سريرى النوم حق نوره
مسكت فاطمه الدفتر واذا فيه اشعار كاتبتها نورة بخط يدها
واشعار حب وغرام وفيه اسم احمد وحماده واشكال والوان من القلوب
اندهشت فاطمه من هذا الدفتر الي فيه ومن الكلام الى فيه ومن الاشعار
ورسمات القلوب ودق قلبها
واردت ان تنضر الى الصورة ومشت لها بسرعه واذا نورة تقول لها اخير لقيته البخور
وعلي طول تركت فاطمه الدفتر والصور
وقالت فاطمه : والله زين اجل هيا خالتى تنتضرينا هناك
قالت نورة : اي والله شكلنا تاخرنا عليهم يالله خلنا اطفى النور
خرجت نورة وخرجت بعدها فاطمه وهي تنضر بقهر والم الى الصورة
تريد ان تعرف من هوو حماده واحمد هذا
وهم في الطريق تتكلم نورة وتسل فاطمه
وفاطمه شارده الذهن بما قرته ورائته في بيت نورة
حتى قالت نورة : فاطمه وش فيك من اول اكلمك ما تردى
فاطمه : لا ابدا كنت افكر بس ان الضيوف ما خرجوو وابتسمت لي نورة ومشوو سريع لي بيت ساره
بدا ابو احمد في تبيخر ضيوفه بعد ما اعتذر لهم عن التاخير
وكان كل واحد يقول لي احمد نصيحه وهو خارج
واحد يقول سجل في الجامعه ما فى ازين من الدراسه
وثانى يقول روح كليه عسكريه ترر روابتها زينه
وثالث يقول خلك مع اهلك لا تروح بعيد عنهم تر ابوك يحتاجك
تعددت النصائح وكان احمد يرد علي كل واحد بادب واحترام
ويقول ابشرى يا عمى الله يكتب الي فيه الخير وهو يبتسم لهم فهوو طبعه هكذا ضحووك وذو بشر وطلعه جميله
وتزين وجه الابيض تلك النغزة الموجوده على خده وكلما ضحك او ابتسم زينت جمال وجه
ساره : فاطمه فطوووووووووووووووووووووووم وين وين رحتى
فاطمه : هاا هلا سارة وش فيه
ساره : وش وش فيه لك نص ساعه وانتى جالسه في مكانك ما غيرتى حتى جلستك وش فيك
فاطمه : ابدا مافي شي
ساره : وش مافي شي اقولك نص ساعه وانتى جالسه مكانك رحت رتبت البيت وغسلت الصحون مع امى وانتى مكانك
وبعدين انتى من وقت ما جيتى من بيت نورة وانتى بهذا الحاله وش فيه قولى لى انا اختك
فاطمه : ابدا مافي شي وبعدين الساعه كم تاخرت اناا علي ابوى شكله من اول ينادى علي
ساره : ههههههههههههه ايه ساعه كم ابوك راح البيت من اول وحنا قلن له انك بتنامى عندنا
فاطمه : فرحت والله بجد ااقصد كيف انام عندكم وهناك ابوى لحاله
دخلت ام ساره عليهم
ام ساره : وش يعنى ابوك لحاله انتى اليوم ضيفه عندنا وبتنامى عندنا وما فيها كلام وانا كلمت امك وقالت زين
سكتت فاطمه وهى لا تقدر علي نظرات ساره وامها التى يرمزون لها بانها سوف تنام عندهم لا محاله
جلس احمد وابوة في المجلس بعد ما ذهب كل الضيوف وجلس يتكلم ابو احمد
بيض الله وجهك يا احمد : سويت الى محد سوها كل اهل القريه يباركون لي محد جاب مثلك من اهل القريه
احمد : ابد يبه
ابو احمد : طيب يا احمد وين تبي تروح تقدم لازم من اليوم تفكر وتقول لى
احمد : والله يا يبه مدرى انا طموحى اصير دكتور في يوم من الايام
ابو احمد : دكتور مرررة وحده مشالله عليك الله يوفقك بس يا وليدى مو كنها دكتور شوى صعبه
احمد : لا يبا مى صعبه انشالله وهذا حلمى
ابو احمد طيب وين تقدمى عليها
احمد اقدم عليها بالجامعه وو و سكت احمد
دخل فيصل ومحمد علي المجلس وهما يضحكون
فيصل : محمد وش رايك اخوك يبى يصير دكتور هههههههههههههه
محمد : يحق له تقول انه مافى حد جاب ممتاز الا هووو بالعالم هذا كله هههههههههههه
احمد يناضر الى محمد وفيصل
ابو احمد : ايه دكتور انشالله ربي يوفقه ويصير دكتور احسن منكم يا فا شلين الواحد لين الاحين منكم ما غلق اول ثانوى
وبعدين تعالوا وين كنتوو اليوم ما قلت لكم فيه عشااء عندنا وين رحتووو الله فزع لنا بولد الجيران ماجد بارك الله فيه
محمد : انا والله مادرى انه اليوم عشاء انت قلت لنا باركوولي احمد عشان تخرج
فيصل : ايه يبا صدق كلام محمد وبعدين حتى لو كان عشاء عندنا اليوم انا مانى فاضي اقعد اخدم في ضيوفك وعشان اييه
عشان احمد تخرج الله الله يا الشهاده الى تقول انها دكتورة وانا ما ادرى والله حاله
ابو احمد : فيصل محمد وش هذا الكلام الى اسمعه هذا اخوكم واحسن منكم بعد
محمد : لا مو اخونا هذا من ام واحنا من ام وبعدين ولدك هذا لا يشرف ولا يرفع راس ولا عشان الشهاده كثير عندهم ثانويه
شوف خالى فيصل ولده علي ماخذ الثانويه و جارنا عبدالله ولده سعود هم بعد ماخذ الثانويه تر كبروتى راس احمد بالثانويه
ابو احمد : وبدت عليه علامات الغضب والانفعال
محمد والله والله لو ما سكت وبطلت من هرجك هذا انى لا اوريك وبدء يهدد ويتوعد
محمد : لا يبالى بكلام ابوة اقول فيصل روح شوف لنا عشا تر بطنى ميت من الجوع
احمد : كح كح خلاص يبا هذا محمد اخويه واعرفه يمزح معك صح يا فيصل صح محمد يمزح
واحمد يناضر في عين فيصل يبه يدخل ويقول شي
لم يحصل احمد عند فيصل امل ولا رجا وعلي طول بادر
اصلا يا يبا انت تعبان من الصباح صاحى روح ارتاح الله يرضي عليك ولا تشيل هم وتر محمد يمزح يالله يبا قوم بسم الله
اعطينى يدك
ابو احمد : قام وعينه يطاير منها الشرر وهو يناضر في محمد وفيصل وقام وهو يدعو بان الله يصلح حالهم ويهديهم
راح احمد يوصل ابوة الى غرفته وبقا فيصل ومحمد في المجلس
دخل احمد الى صاله بيتهم وما كان يعرف ان فاطمه بنت خالت ساره موجوده معهم في البيت
احمد : اقول سارة يوووووووووة ليش ما قلتى لي ان عندكم ضيوف بعد ما لمحت عينه فاطمه وجمالها الساحر مع العلم ان احمد لم يكن منتبه لها
فاطمه : لم تتكلم وصار وجها احمر من الخجل فهيا منذ فتره طويله لما تر احمد وها هو اليوم يراها وتراه علي فجاه
تقول فاطمه في نفسها يالله يا احمد كم زاد وجهك نور ووسامه يا بخت الى بتاخذ ك يا احمد
ساره : معليش يا خوى والله نسيت وانت الله يهديك وراك ما دقيت الباب والا تكلمت من اول
احمد : انا وش درانى انه في احد عندكم ماهى بالعاده احد يجلس من الضيوف لين هذا الوقت
ساره : اي ضيوف هذا فاطمه بنت خالتى بتنام عندنا اليوم
احمد : اهاا فاطمه
يقطع تفكير احمد
فاطمه : مبروك يا احمد
احمد : الله يبارك فيك والعقبه لك انشا لله
فاطمه :عقبال الوضيفه انشالله
احمد : انشالله
فاطمه : ودها تسولف مع احمد اكبر فتره كانت ودها تسمع صوته كمان وكمان بعد ما شافت وجه الوسيم وارتاحت له
احمد : ساره
ساره : نعم
: شوفى لي طريق ابي اروح غرفتى
سارة : طيب انتضر ثوانى
دخل احمد الى غرفته ورمى نفسه علي السرير بعد يوم شاق ومتعب وراح في سبات عميق من النوم
الله اكبر الله اكبر
الصلاه خير من النوم الصلاه خير من النوم
اعوذ بالله من الشيطان
يالله صباح خير
قام ابو احمد من نومه وراح الى دورت المياه وتوضا لي صلاه الفجر
وهو رايح المسجد مر علي غرف محمد وفصل لقي الباب مقفل وجلس يدق الباب
وينادى محمد فيصل يالله يبا الصلاه الصلاه قوما صلوو يالله قوما
طبعا لا مجيب في هذا الغرفه لان محمد وفيصل ما نامو الي قبل صلاه الفجر بنص ساعه
وجلسوو طول الليل يفكرور كيف يفتعلوو مشاكل بين احمد وابوهم
طرق الاب باب الغرفه اكثر من مرة ولا احد مجيب
انتقل الاب الي غرفه ولده احمد وجد الباب مفتوح فمن طبيعى احمد انه لا يقفل الباب
لكى يصيحه ابوة لي صلاه الفجر
احمد يالله يبا الصلاه صلاه الفجر
احمد يالله الصلاه قوم صلى
احمد : زين زين يبا خلاص خلاص بقوم
ابو احمد : يالله قوم بسرعه ومر علي اخوانك صحيهم
احمد : زين يبا علي امرك
طبعا تلاحضوو الفرق في التعامل مع الاب بين احمد وابوة وبين اخوان احمد مع اابوهم وهذا ليس من حبكه القصه
ولكن يوجد كثير من الناس مفاتيح للخير مغاليق للشر واحمد من الناس الذين هم مفاتيح للخير
ومن الناس الذى قذف الله في قلوبهم حبه وحب الايمان وحب العمل الصالح فلا
تستغربو من عمل احمد ولا تستنكرو عمل اخوانه له ولي ابيه
هنا يبه هذا حذاك قدم اليمين
ابو احمد : بارك الله فيك يا وليدى
اقول اخوانك ما صلو معنا
احمد : لا يبا يمكن صلو في البيت ما لحقو الصلاه اكييد صلوو في البيت
ابو احمد : اسل الله ان يهديهم ويريهم طريق الحق
رجع احمد وابوه من المسجد الى البيت وهم في الطريق قال احمد
ايه يبا ابى ازور خالتى ام حمد اليوم اذا ما عندك مانع ابي امر عليه واشوف اخبارها واقول لها النتجيه حقتى
وابي اقعد عندهم كم يوم اغير جو شوى
ابو احمد : خلاص يبا متى تبي تروح
احمد : اليوم الصبح انشالله
ابو احمد : اجل خلاص مر عليه الدكان تاخذ معاك شويه مقاضى تعطيها له
احمد زين يبا الي تشوفه
وصلو الي البيت ودخل كل من احمد وابوة الي غرفته
خلود : بس عندك عندك يا سعود
سعود : هاا يا قمر متى نشوفك
خلود : والله مدرى بينا جوال
سعود : اوكى بس انتبهى لحد يشوفك وانتى داخله
خلود : لا تشيل هم انا عامله حسابي وبعدين هذا احسن وقت فجر ما عندك احد الناس كلها نايمه ههههههههه
سعود : يالله اجل لا تتاخرى وينكشف امرنا
خلود : علي قولك يالله يا حبي سلام
سعود : سلام
دخلت خلود بيت اهلها بشويش وهي تناضر يمين ويسار ما تبي ابوها او امها تشوفه
وطبعا هي متفقه مع الشغاله في كل طلعه وخرجه مع سعود تعطيها فلوس عشان الشغاله تستر عليها
طبعا لازم تعرفوو ان خلود هيا وحيده امها وابوها ومشالله اهلها عايشين في نعمه وكان ابو خلود رجل تاجر
قليل ما يتاوجد في البيت بكثرة سفارته وتجارته خارج البلاد
اما ام خلود فهى ام ليس لها حول ولا قوه مع ابنتها خلود
فهى اميه لا تقر ولا تكتب وكثير ما تكذب عليها خلود عندهم خروجها لموعده سعود
بانها سوف تذهب لي احد صيدقتها للمذاكره لي اختبار
مهم فكانت الامور مهيه لي طلعات خلود وهي فتاه لما تتجاوز التاسعه عشر من عمرها
اما سعود فهوو طالب في الجامعه وفي السنه الثانيه
وهو من اذكى الطلاب ووليست حالته الماديه مثل حالت خلود فخلود مستوها الاجتماعى اعلى منه بكثير
تعرف سعود علي خلود عن طريق الانترنت
عن طريق احد مواقع الشات ودامت الصحبه بينهم الى ان تطورت العلاقه بالجوال
ثم صارت خروج بالسياره الى احد المتنزهات
ام ساره : فاطمه مشالله عليك اليوم قمتى بدرى من النوم
فاطمه : ايه خاله انا عادتى اذا قمت اصلى الفجر ما انام تعرفى اسوى فطور لي ابوى واخوانى
ام ساره : ااااه يا حضى انا ليت ساره مثلك
مادرى طالعه لمين يا حبها للنوم
فاطمه : معلش يا خاله تعرفى امس ساره تعبت واشتغلت كثير في البيت
ام ساره : علي قولك يالله خلنا نفطر بس انا اعرف ساره ما تقوم الا عقب الضهر والا العصر
فاطمه : ضحكت فاطمه علي خجل وبدو في تناول الفطور
مااااااااااااااااااااجد مااااااااااااااااااااااااجد
ماااااااااااااااااااااجد ماااااااااااااااااااااااااااااجد
ابو ماجد يناضر من الطاقه
هلا مين
احمد : انا احمد يبو ماجد بغيت ماجد الله يخليك
ابو ماجد : احمد هلا يبا كيف حالك وكيف حال ابوك
: احمد : بخير يا عم والحمدلله بس بغيت ماجد
ابو ماجد : ابشر الاحين اناديه لك
انتضر احمد دقايق وجعل يقلب نضره في بيت ابو ماجد وفي الحوش حقهم كثير ما كانو يلعبون هو ماجد في هذا الحوش
خلاص قرب وقت الخروج من هذا القريه والبعد عن اهلها والي ساكنين فيها
ماجد : هاا احمد هلا
احمد : وين انت من اول انادى عليك
ماجد : ما سمعت والله كنت اكل الحمام فوق السطوح
احمد : هذا عوايدك وهذا عذرك الى ما تمل منه
ماجد : يضحك هاا امررى وش تبي
احمد : انزل ابيك توصلنى بيت خالتى بالسياره
ماجد : طيب بس بشرط
احمد : وش هوو شرطك يا راعى الحمام
ماجد : ابيك تعبي لي بنزيين تعبت وانا اقضى مشاوريك واعبي لك
احمد : تتمنن عليه خلاص كلها مره او مرتين المهم خلاص انزل بعبي لك بس اخلص
ماجد : خلاص دقايق ونازل
ابو احمد : هلا ابو خالد هلا بيك
ابو خالد : هلا الله يرفع قدرك
ابو احمد : وينك البارح ما جيت العشاء
ابو خالد : والله معليش يا ابو احمد رحت الرياض رحت اجيب بضاعه جديده تعرف المحل غلقت البضاعه الى فيه
ابو احمد : اييه كذا معذور وعسا السوق ماهو غالى عليك
ابو خالد : والله يا ابو احمد زادت الاسعار علينا وما ندرى كيف نزودها علي المستهلكين
الله يرزقنا من خيره
ابو احمد : علي قولك اللهم امييين
ابو خالد : يالله يبو احمد اترخص اناا
ابو احمد : وين ما شربت الشاهى خلك معنا
ابو خالد : اسمحى لي والله سبت الدكان مع الصبى وتوه جديد ما يعرف وش يسوى انا قلت اجى اسلم عليك وابارك لك علي احمد واعتذر منك
ابو احمد : الله يبارك فيك ما قصرت
ابو خالد: يالله فمان الله
ابو احمد : فمان الله
وصل احمد بيت خالته ام حمد وبالمناسبه ام حمد هذا خاله احمد وهي كانت تريد تربيه احمد بعد وفاه امه لاكن ابو احمد رفض
ام حمد تحب احمد كثير وتعتبره واحد من عيالها طبعا هي ارمله وتوفى زوجها قبل سنه وورثت منه ثروة كبيره ولا تريد الزواج
لكى تربي بناتها وابنها الوحيد حمد
دق الباب احمد
كان علي الباب بنت خالته حصه
حصه : مين
احمد : انا احمد ابي ازور خالتى
ام حمد : من علي الباب يا حصه ؟؟؟
حصه : هذا احمد يا يمه
ام حمد : احمد ياالساعه المباركه ياهلاو الله بوليدى خليه يدخل
والا اقولك ادخلى انتى خلنى افك له الباب
ام حمد : فكت الباب هلا والله هلا حماده
احمد : يرحب بخالته ووجه احمر هو يحب خالته ويستحى منها ومن بناته
ام حمد : وين يمه ليش ما تجى تزونا ليش قاطعنا
احمد : ابد والله يا يمه تعرفى انتى معزتكم في القلب بس تعرفى الاختبارت والمدرسه واشغال اهلى
ام حمد : ادخل يمه جالس علي الباب ادخل حياك البيت بيتك
دخل اجمد وقفلت ام حمد الباب وراة وضيفته في المجلس
فاطمه : ساره ساره يالله قومى قومى
ساره : لحووول وش فيك انتى وش تبين
فاطمه : يالله قومى الاحين احنا ضهر وانتى لسه نايمه يالله قومى
ساره : وش تبين فينى
فاطمه : قومى صلى وبعدين انا نمت عندكم عشان اجلس مع ميين اجلس لحالى تر مررره ثانيه ما راح انام معاكم
ساره :خلاص طيب بقووووووووووووووم
الوو هلا سوسو هلا حبي
سعود : هلا خلود هلا حياتى
خلود : الحمدلله كيفك انت
سعود : انا بخير مدام انتى بخير يا عمرى
خلود : هههههههههههههههههه والله اجل انا مو بخير
سعود :يؤيؤيؤيؤ سلامات سلامات وش فيك
خلود : راسى يعورنى اااااااااااه اااااااااااااه يا راسى
سعود : خلود جد والله وش فيك اجيب لك دكتور
خلود:هههههههههههههه صدقت يا دب امزح معك
سعود : خوافتينى والله
خلود : والله
سعود : ايه والله اذا ما خفت عليك اخاف على مييييييييين
سعود : انتى اغلى شي بحياتى يا حياتى
خلود : يا عينى عليك وعلى كلامك الى ينقط عسل
سعود : انتى والله وعسل وادب وكلك علي بعضك عسل في عسل
سعود : ايه نسيت اسلك وش سويتى بالجامعه
خلود : ماشيه رسبت في 3 من اصل 5 مواد
سعود :يؤيؤيؤؤييؤ وش هذا خلود وش الرسوب هذاا
خلود : وش فيك عادى اصلا الدكتوره ما كانت تشرح زيين وانا ما احب الماده حقتها
سعود : لا لا حبي لازم تعدلى وضعك ما يعجبنى كذاا
خلود : وش اعدل اقول هي الماده كذا صعبه وبعدين انت وش لك فيها من الى رسب انا والا انت
سعود : وش هذا الاسلوب خلود
خلود : ايه بجد انا الى رسبت انتى مالك خص
سعود : والله يا خلود كذا يعنى مالى خص طيب سلام عليكم
خلود : الو الو سعود اشفيك الووووووو
زعل سعود علي خلود ورمى جواله وكان الدنياء اضلمت في وجهه
خلود : يا ربي انا وش سويت وش قلت له عشان يزعل جلست تبكى خلود علي هذا الموقف وصارت تدق علي سعود وسعود ما يرد عليها ابد
سعود يحب خلود ويموت فيها ومستحيل يفرط فيها وهو يبى يخطبها من اهلها وما يبى زوجه الا هي ونفس الحال لي خلود
هي تحبه وتموت فيه وكثير خطاب ردتهم خلود من اجل سعود عشان يكمل دراسته ويجى يخطبها من اهله
سعود : الو فهد
فهد : هلا سعود
سعود : كيفك اخبارك
فهد متعجب من اتصال سعود بهذا الوقت المتاخر من الليل
فهد : الحمدلله بخير كيفك انت انشالله قاطعه سعود
سعود : فهد عندك شي الاحين
فهد : لا ابد ما عندى شي امرر
سعود : خلاص اجل انزل هاا انا تحت عند باب بيتكم
فهد : خير وش فيه سعود طيب ادخل الملجس
سعود : لا ولا شي بس طفشان وضايق خلقى قلت امرك عليك نطلع نشم هواء
فهد : خلاص صار ولا يهمك مر هاا انا جاهز
سعود : يالله سلام
فهد : سلام
فهد : خير ش فيه يا سعود
سعود : ابدا تعرف يا سعود انت اعز صديق عندى وانت اخوي الى ما جابته امى لي
فهد : وانت بعد يا سعود تعرف والله معزتك عندى ماله حدود بس خير فيه شي صار شي
سعود :لا يا يخوى وش فيك انت اقول ما صار شي قلت طفشان امررك نسولف تعرف من زمان عنك
فهد : يناضر في عين سعود وده يعرف وش فيه داخل هذا العيون من اسرار
طبعا سعود وفهد هم اصدقاء من مرحله الطفوله ودرسوا جميع مراحل الدراسه في فصل واحد والى يشوفهم يقول هذول اخوان
من كثر ما يمشون مع بعض والاخوة بينهم كبيرة جدا مالها حدود
محمد : اسمع يا فيصل الاحين من وين لنا فلوس حق الدخان
فيصل : خذ من ابوى
محمد : خبل انت وبعدين انا اليوم اخذت منه فلوس باقى دورك
فيصل : وانا بعد اخذت منه 50 ريال الاحين يقول وينه وش ارد عليه
محمد : طيب كيف يعنى اليوم ما دخن ولا نروح عند الشباب
فيصل : طيب وش رايك ناخذ من عند امى
محمد : روح انت طيب
فيصل : زين بس كم اجيب
محمد ؛ جيب 50 خلنا نبسط اليوم نشترى علبتين دخان ونباشر علي الشباب
فيصل : هههههههههه مسوى كريم اليوم يالله خلنا اشوف لنا حيله مع امك
محمد : طيب اسمع اذا ما حصلتها في الغرفه فك الشنطه واسرق منها
فيصل : هووو في حاجه غير هذا الخطه هههههههههههههههههه سلام
هااا بشر سبع والا ضبع
فيصل : سبع وانا اخوك سبع يالله بس خلنا نلحق علي الشباب
محمد : علي قولك يالله ياااااااااااااالله وهو طاير من الفرح
محمد : فيصل فيصل شوف شوف
فيصل : وين اشوف
محمد: شوف هنااك هذا من خوينا راشد شوفه مع ابوه
فيصل : الا صدق كلامك بس غريبه وش مطلع هذا الشايب الاحين
محمد : والله مدرى عنه خلنا نشوف وش عندهم
قرب محمد وفيصل من راشد وابوة طبعا هم في حاره وحده
ابو راشد : اسمع يا راشد انا كم مررة اقولك لا تمشى مع عيال الحاره هذوول الدشير كم مررة اقولك
راشد : يبا ما مشيت معهم
ابو راشد : اسمع يا راشد والله ثم والله لو شفتك مررة مررة تعتب باب البيت عقب صلاه العشاء لا احش رجولك حش فاهم انت
راشد : خلاص زيين فاهم
ابو راشد : يالله تقلع قدامى علي البيت لعن ابوك مدرى لمين طالع انت تعبتنى بهلذلتنى في حياتى
دخل راشد البيت بعد ما اخذ علقه من ابوه وهو داخل علي ضهرة بالعقال
محمد : شفت يا فيصل شفت هذا الشايب المنتهى
فيصل : الحمد لله ان ابونا مو مثله اعوذ بالله هذا غضوب منتهى مرررة
محمد : هياا مشينا بس لا يشوفنا االحين ويفتن عند ابوى بالصبح في المحل هيا
فيصل : هيا ومشوو بسرعه عند الشباب
احمد : عنك عنك يا امى خلاص لا تشيلى الصحن خليه انا احطه علي الارض
ام حمد : لا يا امه لازم انا احط لك الصحن
احمد : الله يخليك يا امه خلاص ما قصرتى
ام حمد : هيا افطر زييين خلك تصير قووى ونشيط
احمد : انشالله علي امرك وانتى بعد سمى معايه ما باكل لحالى
ام حمد : لا يا امه انا صايمه اليوم
احمد : الله يكتب لك الاجر
ام حمد : اسمع يا ولدى ترر ما راح اسمح لك تاخذ احد غير بناتى
بناتى خلاص كبرو وصارور عرايس واختار وحده فيهم
احمد : ضحك وعليه علامات الخجل مو وقته هذا الكلام يا خاله
ام حمد : الا وقته انت كبرت وصرت رجال
ولازم تاخذ وحده من بناتى عندك
منيرة وشروق و مشاعل اختار وحده فيهم
وكلهم احلا من بعض
احمد : خير خير انشالله يا يمه الا تشوفينه
طبعا احمد مو في باله الزواج بس يبى ينفك من دوشه خالته ام حمد والا مو على باله الزواج الاحين ابدا
هنااا انتها الجزء الاول
ونشوفكم انشالله بالجزء الثانى
وفيه احداث كثيره وشخصيات جديده لم تر النور وله بطوله بحالها
تربقووو الجزء الثانى من ( ظلم البشر 2)
