عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
رجعت همومي تزيد اكثر واكثر من زوجي قبل يومين طرح موضوع زعلي انا وزوجي
بيوم احتفال زواجنا يوم امس اني ماقضيته معه لاني كنت عتبانه عليه من تصرافاته
الموهم انا كتبت بموضوع ثاني مشكلتي معه يابنات وانها انحلت الامور بس عقب الهديه
وروحتي للبيت وهو نايم زادت الامور بزياده عن اول 😀 سالفتي بالمختصر عشان تفهموني زين بختبكها رؤؤس اقلام
المشكله الاول
(( يوم الخميس الي راح صحيت العصر ولقيت زوجي بجنبي نايم والمكيف بارد ورقبته معرقه وخفت انه يمرض وطفيتهصحى بعدها بربع ساعه وتكلم علي وشتمني لدرجه انه كان بيطلقني بس خالتي حلفت عليه انه مايسوي شي من الامور هذي يوم جا من بكره طلبته اروح لهلي على انه رفض وحاول انه يراضيني بس رفضت ورحت لبيت اهلي وكنت وقتها حاسه انه ندمانه بس حبيت ارد اعتباري الموهم جا يوم السبت الي هو يوم زواجنا نكمل سنه امس رحت العصر خذيت له ((هديه كان يحلم فيها نظاره شمسيه قيمتها 800 ريال وكان مايبي ياخذها كل شهر مايبي يقصر علي ولا على البيت حارم نفسه عشان مايقصر بالمصروف عشان كذا شريتها له وشريت له مع النظاره عطرين وغلفتهم وشريت ورد احمر طلعت الهديه تهبل لدرجه اخوي الي معنا بالبيت يوم شافها قال العن ام ذوقك فخم جنانا النظاره والعطر احلى واحلى الموهم خذيت الهدياء ورحت بيتي وقت نوم زوجي وقت المغرب وحطيت له الهدايا عند باب الغرفه وطلعت صحى من النوم وكلمني وشكرآ حبيبتي ومدري كيف من هالكلام الحلو قام قال لي بعد الكلام الحلو ((لاعاد تشبرين متر الا بشوري تفهمين )) 😡 انا انصدمت حبيت اسويها له مفاجاه وجازاني بالكلام هذا
طبعآ رجعت للبيت وكتبت للبنات ردت فعل زوجي انه استانس بالهدايا وكتبو لي خلاص اعقلي وارجعي لبيتك
قام زوجي كلمني بالليل وجلسنا نسولف ونتفاهم قلت له ابي اجي بكرا للبيت هو حسيت انه مرتبك شوي
وقام قال لي خليك عند اهلك اسبوع بعدين اجي اخذك قلت وش قال ماعندي شي قلت استانس بدال
الاسبوع ان بغيت اسبوعين قال خلاص صدق قمت قلت له يعني اهون عليك يامحمد اسبوعين مااشوفك
قال وش اسوي فيك اقولك اسبوع وتقولين لي اسبوعين قمت سكرت على الموضوع وقلت مابي اتكلم
بيني وبين نفسي بغير الموضوع ومابي اعصب ويعصب ويصير بينا شي كايد عشان سوالف تافهه
بنات بعطيكم بالمختصر المفيد الي قالي بالمكالمه الاخيره
انا حاييليه ومالي برياض الا 3 سنوات فقط ولهجتي حايليه بحت وحاره من ناحيه رجلي مره
مااحب احد يناظر له او يتكلم معه لدرجه اني اغار من خالاته اذا دلعوه
هو عطاني ايها بالمكالمه الاخيره قال انا مابي اجرحك ياساره انتي دايم متسرعه وغيور
ومابي انكر اني احبك بس ابي افهمك حنا اول سنه زواج ومااشوف اي تغيير فيك
واذا جيتي تنومين عندي تنامين بقمصان البيت وبجمات البيت مااقدر المس ولا اقدر اسوي شي
وودي تكونين انثى ابي اسلوبك دلع ابي حركاتك دلع
ومره طلبني ارقص عنده ورفضت يقول عادي الحرمه ترقص عند زوجها بس انا مااعرف استحي
واخاف يضحك علي وغير كذا لهجتي واسلوبي ووضعي متعوده عليه يعني مولوده بحايل وانتم تعرفون تقاليدنا
بنات انا ودي البس قمصان نوم وحركات الحريم بس مااقدر لان وزني زاد واخاف يشوف سمنتي ويعلق علي
ويبيني البس بنطلون وحركات البنات وانا سمنت من عند فخوذي واجد واستحي اطلع له كذا
وغير كذا زوجي من النوع الي يحب السهر والفاكهه والانوار والحركات هذي وبصراحه يدخن وانا مااحب
ريحة الدخان واكثر من مره اقوله مابي الدخان بالغرفه بس يرفض يقول راحتي عندك
وعلى فكره انا خذيته عن طريق مكالمات استمرت فقط شهر ونص وجا خطبني
لانه طلع نفس قبيلتي ومكون نفسه وبيته وكل شي وعمره الان 29 وانا عمري 19
بس الي ذابح قلبي انتقاده لي وانا من كثر ماانتقدني الامور هذي حسيت مالي خاطر اني ارجع للبيت بعد ماقال لي كل هذي الامور
وعندي احساس انه يكلم او بحياته شخص ثاني خلال اليومين هذي لانه زوجي من النوع
الي يحب البنت دلوعه ومدري كيف ويموت بزين
مااقول اني مو زينه بالعكس زينه بس احس انس اذا تدلعت مايركب علي ويكشفني
وغير كذا لهجتي عجزت لي 3 سنوات ولا قدرت اغيرها
حراااااااااااااااام بالله ماقدرت وتعبت ولا ادري وش اسوي
دلوني خير ادري ازعجتكم بس ابيكم تعلموني وش اسوي
شي يرضي الله ويرضي نفسي 😆
