عالم البنات النسائي كل ما يخص المرأة العربية من ازياء وجمال والحياة الزوجية والمطبخ
احلى سلام لاحلى منتدى يا حبيباتي:P هذا اول طلب بطلبه منكم ومتاكدة انكم ما راح تخيبون ظني فيكم (واحدة تتمصلح ) 😎 بقول لكم السالفة طبعا اختكم اتورطت وصرت مسؤولة عن الزفة بزواج اختي 😆 🙄 اللي ما بقى عليه شي وانا الى الحين حايسة ما ادري وين ربي حاطني( يا عيني عالاسلوب) 😆 🙄 المهم انا عجبتني فكرة الزفة تبع الف ليلة وليلة وابي اسويها وحددت كل شي المشكلة عندي وهنا فزعتكم اني ماني لاقية المؤثر الصوتي اللي هو عبارة عن حوار الجارية التي تنقل للامير هذا كلامها
ألف ليلة وليلة
الزفه عباره عن مؤثر صوتي حوار يدور بين الجارية التي تنقل للأمير أخبار المدينه حيث تقول له ..
بلغني أيها الملك السعيد
ذو العقل الرشيد
أنه كان في قديم الزمان
وسالف العصر والأوان
بنت بارعة بالجمال
يعجز عن وصفها القيل والقال
ولم يوجد لها في هذا الزمان مثال
ذات طرف كحيل
وخصر نحيل
أن أقبلت فتنت
وأن أدبرت قتلت
تأخذ القلب والناظر
كما قال فيها الشاعر
طبعا هنا لابد من وجود شاعر يصف هذي البنت اللي روت أوصافها الجارية للملك ..
كـان ياماكـان عفـوا ماهـي أسـطـورة………….ولكن قصة من واقـع لكـم اليـوم بحكيهـا
كـان فيـه بنـت آيـه بالحـلا وسـوره………………..وجمال الكون ياعالـم كلـه بيـن أديهـا
أذا أقبلت تنحنـي لهـا الـروس معـذوره……………مثـل الأميـره بعرسهـا الكـل يحييـهـا
هــذي ( ) الـلـي للقـمـر صـــوره……………………..وربي بهذي الدنيا مافيـه زيـن يضاهيهـا
شعرهـا الأسـود مثـل الليـل بـغـروره……………….ورموشها سهام مسلوله تصيب اللي طمع فيها
طبعا انا لقيت لي كم رابط ومن ضمنها الموجود في افكار الزفات بس كلها طلعت قديمة وما لقيت غيرها تكفووووووووووووووووون يا بنات 😛 ابيكم اللي تقدر تجيب لي اياها والله لادعيلها طول عمري اتخيلوا اني منومة زوجي وجاية قاعدة احوس بالنت في النهاية قلت مالي بعد الله غير بنات الفراشة جايبينها جايبينها(قلت لكم مصلحجية):)وبعد يا ريت اللي عندها مؤثر صوتي لصوت باب كبير ينفتح ياريت تحط لي اياه
0الشي الثاني شفتو المهفات الكبيرة اللي من الريش وين الاقي مثلها في الرياض؟؟
ادري اني زودتها بس والله شوي واصيح ;)الزواج قرب وانا ما سويت شي ادري انكم حاسين بمعاناتي يالله افزعوا يا بنات تراني انتظركم
