زمااااان اول

على ذاك الجدار اللي على حد البيوت الطين
وقفت وهاجـــــــس الذكــرى نفض عن قلبي غبــارهـ

سألــني و قال: انــا اذكر تجــــوني من زمان اثــــنين
بكــــيت وقـــلت صدقـــني رحـل وانقطــعت اخبارهـ

الأليت الزمن يرجع ورى ولا الليالي تدور
ويرجع وقتنا الأول وننعم في بساطتنا

زمان اول احس انه زمانًًًًٍٍ فيه صدق شعور
نحب ونخلص النيه.. وتجمعنا محبتنا

زمن ما فيه لا غيبه.. ولا حتى نفاق وزور
ياليته بس لو رجع ونسترجع طفولتنا

صغار قلوبنا بيضا..نعيش بعالمٍ محصور
ولا نعرف ابد اغراب ما غير عيال حارتنا

صحيح صغار فالتفكير لكن ماعلينا قصور
نخطط نكسر اللعبه.. وتسعدنا شقاوتنا

نروح المدرسه بدري ..ونضحك داخل الطابور
نحاول نزعج العالم في روحتنا وجيتنا

وعشان نأخر الحصه.. نخبي علبة الطبشور
نشاغب بس فالآخر.. تميزنا برائتنا

نحب الضحك والهيصه.. نحب انط فوق السور
نفرفش.. ليه مانفرفش مدام الضحك عادتنا

جيت المكان اللي بوسطه تربيت
بيتٍ قديمٍ مأسسينه من الطين
بأطراف ذاك البيت بالفكر سجيت
ذكرت وقتٍ ماضيٍ لي من سنين
قمت انثر العبره من الدمع هليت
ضيقه بصدري رافقت دمعة العين
تبقى بك الذكرى ولو رحت وأقفيت
تبكي على الاطلال ولو ما بقى شين

يا ناس ذاك البيت لا تهدمونه
خلوه يبقى للمحبين تذكار
خلوه حب سنين خلفه ودونه
في داخله قصة مواليف وأسرار
من يعشق الأطلال دمعه يخونه
لا صارت أقدامه على سكة الدار
عش الحمام اللي بعالي ركونه
رمز الوفاء، رمز المحبة، والإصرار

على ذكرى الزمان اللي مضى لي هل دمع العين
تذكرت السنين الأوله والدمع همّالي
يلج ابداخلي ذكرربوعي والزمان الزين
وفكري من هموم القلب وصدوف الزمن خالي
ورى في عيوني مجلس الشايب وبيت الطين
مداهيل الرجال اللي لهم بالطيب منزالي
مجالسهم مجالس للشجاعة والكرم والدين
تنومس راعي الطالة وتغبن كل بطالي
اخذت ابسجتي ساعة بعد مافقت مدري وين
زواني هم قلبي عقب جيت الدار بلحالي
زمان راح مايمكن يعود ودق فيه البين
أنا مالي سوى الذكرى ولو هي كدرت بالي
اسولف مع هجوسي وانشد الخاطر بحين وحين
زمان أول لحقته صدق ولا هو يورى لي