عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم عزيزاتي الفراشات
اولا أنا جديدة عليكم طحت على هالمنتدى اللي أعتبره كنز من فترة وانضميت لكم وارتحت وصار تصفحي شبه يومي
المهـــم المعروف إن فيه بعض القبائل تشدد في مسالة الزواج خاصة زواج الصغيرة قبل الكبيرة
وبصراحة ماحس نفسي صغيرة عمري 28 واختي 34
واحنا عايلة معروفة ومحافظة ولله الحمد
بس ابوي واخواني الله يصلحهم رافضين فكرة زواجي قبل اختي مع العلم إن خطابها كثير بس مايصير نصيب
وانأ الله يخلف علي لا خاطب ولا نصيب لأن تقريبا من عايلتنا واللي حوالينا محد تجرأ يتقدم لي لاني اختي باقي ماتزوجت
أي حد اعجبه ويسال عني بس ماشوفهم
وكثير يتمنوني ولكن بدون فايدة
الحمدلله انا على قدر من العلم والجمال وبعد موظفه لكن تشدد اهلي سبب لي عقدة في حياتي
مدري وش يحسون فيه ! مايعرفون إن عمر الانجاب للمرأة محدود
لاتقولون إني انانية وافكر بنفسي ! أنا محرومة مو من الزواج بس حتى الخطاب ماعرف عنهم شي ابي احس إني مرغوبة اجتماعيا ماطلبت المستحيل !
واختي الكبيرة اقولها ادعي وارسل لها ادعية للزواج تقول عادي وتطنش وقلت لها بصراحة ادعي عشاني لان نصيبي مرتبط فيك !
وسكتت بدون جواب شافي
وكله كوم وشعور الأمومة كوم ثاني أهلي عارفين بمشاعري تجاه الأطفال مابقى طفل في العايلة الا ومربيته
الحمدلله على كل حال قاعدة ادعي بالفرج وان الياس مايدخل قلبي
واختي قاعدة ادعي لها بكل مرة ادعي لنفسي الله يصبرني ويسامح اهلي والله يجيرنا من التحجر القبلي
امانة تدعون لي ولاختي بالأزواج الصالحين والذرية الصالحة قريب ولكم مثلها
ومشكورين
