عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بنات انا ودي اقولكم على قصتي مع زوجة اخي وانت شورو علي
كنت اكلمها من هي مخطوبه وصرنا زي صحبات
انا اكبر منها يمكن 5 سنين وبعدها صار الزواج وجات على بيت اهلي
وانا متزوجة وبديره بعيده عن اهلي
كنت كل ما ادخل ماسنجر اكلمها وفي ليله كنا سهرانين ومدري ايش جا ببالها
سالتني وين زوجك وهي عارفه انو مسافر
قلتلها اليوم بيرجع ان شاء الله
قالت ماوحشك
قلت عادي
قالت لو كان فيه ايش كنتو تعملو دحين
قلت كالعاده عالتلفزيون
قالت امانه قولي ايش يصير بينك وبينه 
المهم مالكم بالطويله دحين لنا شهور لا كلام ولا رسايل ولا حتى بالايميل ترسل للكل الا انا وباعرف دا الشي من رساله امي لانها ماتعرف تمسح الايميل اللي راسلها
ونفس الشي مقاطعه اخواتي الباقيين
بسبب اللي صار بيننا قالت اقطعهم كلهم احسن عشان اريح بالي ومابغى مشاكل
في مره من المرات رحت لاهلي اقضي عندهم اجازة وامي الا تصالحنا مع بعض
بس عصبت من صوتها وكلامها نرفزتني صح مسويه فيها البنت القويه والقناع حق البنت الدلوعه رمتو قبل ما تدخل بيتنا
وصوتها يلعلع برا طلعت من غرفتي على صوتها قلتلها خلاص قفلي السيره وانتي وحده منافقه علت صوتها عليا وقالت ايييش عيدي ايش قلتي
قلتلها اسكتي والزمي حدودك راحت قالت انتي الزمي حدودك
المهم تركتها واخدت ولدي وطلعت دمي فاير ماقدرت اجلس
بعد مارجعت ماما زعلت مني تقول كدا اقولك هدي الامور تزوديها ودخلت غرفتها
حزرو انا ايش سويت؟؟؟
طلعت عند مرت اخويا فتحت ولسى اللئم بوجهها
دخلت من غير كلام حضنتها وبستها وقلتلها خلاص وتعالي ننسى اللي حصل
واتناقشنا شويه واتكلمنا ونزلت قلت لامي وسلمت عليا من الفرحة وقالت الله يرضى عليكي ريحتي قلبي
وبس يا حبايب ومن بعدها ماصار ولا شي ولا اتصال حتى بالايميل يمكن مبلكتني وانا سويت نفس الشي خلاص
لانو تكتب رسايل وعبارات تقصدني فيها وانا مره اتضايقت
وزوجي قلي لها حق السلام عندك وبس
واخواتي نفس الشي
سالتكم بالله ايش رايكم بحالتي
وكيف اعاملها بعد كدا والله كرهت اسافر عند اهلي بس عشان لا اشوفها ❗
