زوجة خالي

السلام عليكم خواتي عندي مشكلة و اتمني تساعدوني لاني تعبت من التفكير فيها اني و زوجة خالي كنا مثل الخوات نروح مع بعض و نجي مع بعض اذا بتروح مكان لازم تريدني اروح معاها المهم اني انخطبت و اتزوجت و كانت الامور على ما يرام بس اول ما حملت ما قلت الا حق اقرب المقربين لان حملي كان مو ثابت و كنت عرضة للاجهاض فلما اتاكدت من كل شي قلت ليها المهم لما ولدت قعدت في بيت جدتي الاربعين يوم و هى ساكنة عندهم بس لها شقة خاصة يعني منفصلة عن بيت جدتي بدات المشاكل مع بناتها البنت الكبيرة لانها دفشة بالعربي مع الاطفال و لها حركات تخوف المهم كنت اسبح و سمعتها تقول حق اخوها يروح يضرب ابني الصغير و كانت امي موجودة وجدتي و قمت و صارخت عليها و هربت من الخوف و قالت حق خواتها ان يقولون ليي ان هي ما بتجي عندي الغرفة قلت لاخواتها قولي ليها احسن لانها بصراحة واجد مملة و الجو كان بارد و تدخل و تخلي اباب مفتوح حتي ان ولدي مرض بهل السبب و و في نفس اليوم جو خوات زوجة خالي يزورني بحكم الولادة الا بنت خالي جت و بتدخل الا اقول ليها ليش جاية من باب المزاح اللي زوجة خالي ترد و تقول هذا بيتنا و هذي غرفتنا انتب بيتش بيت زوجش وان يا بنات ما سكتت عنها رديت عليها المهم عقب هل الموقف قامت ما تجي ولا تقعد معانا و تصدقون ان هي ما شالت ابني بس مرة وحدة من جبتة الي الحين والحين عمرة 4 شهور و اني مستغربة من تصرفاتها و كنت اقول ليهم ان هي حاملة في قلبها عليي المهم امي سافرت فليل و كان لازم ارجع بيتي بس اني طلبت من زوجي اني اظل يوم زيادة ووافق و تدرون يا بنات ويش سوت سوت اجتماع ويا خالاتي و قامت تقول عني كلام ليش ما قالت ليي انها حامل , وليش ما قالت ان هي بتجيب ولد, وليش ما قالت ليي ويش بتسمية ,وتقول ان اني اذا اشتري اغراض و هي تجي اني اخشهم ولا اروايهم اياها , واحنا تنتكلم واذا جات نسكت ,واني اتعامل معاها على انها هبلة ,و كلاو واجد المهم ان خالتي ردوا عليها في هذا الكلام كلة و انا لما عرفت عصبت واجد لان كلام مالية معني و الانسان تكون عندة خصوصيات ما يحب يقولها حتي لاقرب الناس المهم اني رجعت يتي و قمت ازور بيت جدتي و هي لما تجي ما تسلم عليي ولا تدخل المكان اللي اني موجودة فية و طنشتها جدي قالوا ليي المهم لما جافت اني اللي تسوية ما فية فايدة قامت تسلم بشكل خاص و قامت تتكلم و قلت خلني اصير وياها عادي المهم ان من اسبوعين قامت ما تجي تقعد في المكان الللي انا فية واللة يا بنات اني مستغربه منها و من تصرفاتها وليش تسويي جدي و علشان تقهري ودت بناتها مكان اني احبة و لا قالت حتي مجاملة تعالي اريد احد يقولي ليش جدي تسوي و اشلون اتعامل معاها
😐