زوجـــووووهـ ..

الولد .. راعي سهر .. ونت .. وحالته النفسيه زفت ..

طيب .. زوجوهـ ..

ترى الحرمه تعدل الرجال وتزين يومه ..

.
.

الرجال .. راعي سفريات .. وكل اسبوع هو ناقز لديره ..

ولا يقضب الارض ..

طيب .. زوجـوهـ ..

ترى الحرمه .. تمسك الرجال .. وتخليه يقضب البيت .

.
.

الولد .. فاشل في دراسته .. ولا نفع معه جامعه اهليه ولا حكوميه ..

سفرناهـ برا .. ولا نفع ..

طيب .. زوجــوهـ

ترى المدام .. تساعد الرجال على مذاكرته .. وينجح .

.
.

الرجال … شكله طايح له في بلاااوي … وجهه متغير

ونفسيته متقلبه .. ولا يكلمنا الحين ..

طيب زوجـــوهـ

ترى الزواج زين .. ويستقيم الولد .

.
.

الولد .. راعي غزل .. ولا فيه سوق مايفر فيه ..

وكل يوم معه جوال .. ورقم .. واتصالاته كثرانه ..

طيب زوجــــوهـ .

ترى الحرمه .. تحن على الرجال وتنسيه هالامور .

.
.

الولد .. ماش .. مدري وش فيه .. ماعرفنا له ..

انطوائي .. ومزاجي .. و متقلب ..

طيب زوجـــوهـ

ترى الحرمه .. تقلب الرجال فوق تحت وتسنعه .
.
.
.

وفي الاخير ..!

انسانه .. برئه .. تحلم بعش زوجيه هادي .. تحلم بان تعيش كبنات جيلها ..
لا تريد ثراء .. ولا مال .. ولا ترف .. تحتاج فقط .. لانسان يحتويها ..
تحمل لقب (( مطــلقه )) .. حتى من المجتمع ..!
.
.

الزواج .. ليس حل للمشاكل .. او علاج للامراض ..

الزواج .. كما قال تعالى :

(( وخلقنا لكم من أنفسكم أزواجا لتسكنوا اليها وجعلنا بينكم مودّة و رحمة ..)) ..!

كم طفلـ هـ .. تشردوا ..

كم من مطلقه .. تبكي زمنها .. وتندب حظها ..!

والسبب ( بعد توفيق الله ) … زوجــــوهـ ..

.
.