زوجي اكررهه

بنات انا لي متزوجة 4 سنوات والحين توني والده الحمدلله بالمولود الثاني والله يابنات انا ماخذه زوجي عن حب ونموت في بعض بس هو مدري اشفيه لو اني ادري انه كذا كان والله ماتزوجته

زوجي مدمن كمبيوتر صح انا ادخل كمبيوتر بس بعقل مو لدرجة الجنون او لدرجة انه عنده دوام اليوم الثاني وهو طول الوقت متكي على النت الين يجي موعد الدوام في الصباح المصيبه انه في البدايه كنت اقوله خلاص ماتطفش يقولي لا جالس على القريه << ترفيان >>
وانا كنت اسكت لاني تعبت من كثر مااكشخ واتزبط له وهو معطيني طناش واذا قلت له تعال اقعد وياي يقولي تراك طفشتيني وانا مشغول بالقريه للدرجه ورب البيت صرت ادعي على الي اخترع هاللعبه لكن بعد زواجي بشهرين طفشت من حركاته هو كان بالدوام قلت خليني اشوف جهازه وانا والله مو من عادتي افتش بجهاز غيريبس حركاته اهي الي حادتني على هالشي لقيت جهازه مليان افلام اباحيه غير الصور ومزبطها كل شي بمجلد سكت وقلت يمكن من زمان بجهازه ماابي اضلمه ولا مسحتها ولا حتى لمن جا فاتحته بالموضوع صار كل مايجي ورب البيت يدخل لابس الثوب وعلى طول قعده على النت الين اخر الليل حتى مافيه حيل يقوم يفصخ ثوبه وانا ابشركم زي الباب في البيت يعني وجودي زي عدمي لدرجة مايطلع مع اصحابه طول الوقت على الكمبيوتر واحس انه مايصدق اني اروح ازور وحده من صديقاتي ولا اروح عند اهلي اسأله اقوله بتروح مع اصحابك يقولي لا برجع البيت لكن فيه يوم من الايام كنت نايمه تقريبا صار لي سنه معاه وانا نايمه وهو قاعد بالمجلس سهران ومانام انا سهرت معاه لكن اذن الفجر وصليت ونمت ماعاد اقدر اسهر وهو ماصدق قالي روحي ارتاحي ونامي رحت نمت صحيت الساعه 11 الصباح يابنات والله دخلت لقيته يتفرج بفيلم ومره كان منمج لا ورافع الصوت بعد انا انصدمت ورب البيت ودي كان مت ولا كان شفته زي كذا هو على طول قام وسلم عليه واعتذر مني وانتهت هالسالفه يعلم الله اني سامحته من وقتها ووعدني وعاهدني بالله انه ماعاد فيه هالشي مره ثانيه بعدها طبعا حملت وجبت بنوته الله يحفظها ومااقولكم انه بطل من النت لكن خف عن اول بس الي استغربه احسه ينبسط اني اروح ولا اخرج اي مكان مع العلم انه مايطلبني بالفراش مره فتحت معاه هالموضوع قالي انتي ليش تحبين هالشي
طبعا من وقت ماقالي هالكلمه انا قفلت على الموضوع
مع لايام اكتشفت انه مدمن هالشي يعني مااتوقع انه في عروسه باايام زواجها ماينام معاها الا مره ولا مرتين بالشهر يقولي اخاف على صحتي وانا عارفه انه صارت الافلام تمشي بدمه
والله يابنات اني اصلي وادعي له من كل قلبي انه ربي يصرف عنه هالاشياء بنات مو معقوله زوجي مدمن هالاشياء المصيبه في كل مره اكتشفه يحلفلي انه ماعاد فيه ماادري هو ماخذ ربي لعبه ولا ايش بالضبط مع العلم انه مايصلي الا اذا انا لحيت عليه والله جالسه افكر اني اتركه ليش اعيش حياتي مع واحد انا بالنسبه له ولا شي مهما البس ماعمره علق على لبسي او حتى يدلعني او يبدي رايه فيني دام انه يشوف هالاشياء فهي اكيد تحلى في عينه اخر مره قبل اسبوعين قلت له ياابن الناس انا ماعاد بااعيش مع واحد زيك كفايه الصلاه لانه هي الي تنهى عن الفحشا والمنكر ووعدني انه يبطلها وماعاد بيشوف لكن قبل يومين شفت بجهاززه صور صح انه مافي افلام لكن يقوم يحط بديلها صور وقصص جنسيه يعني باين انه هالشي بدمه انا مستحيل ارضى بذا الشي لاتقولولي ليش تفتشي بجهازه اي وحده مكاني بتشوف زوجها معاها بالبيت موجود وهو كأنه موموجود مو معطيني وجه المصيبه اقوله انا ماني عاجبتك يقولي الا واحبك واموت عليك بس هذا الشيطان ويوعدني ذاك الوقت وبعدها يرجع زي اول واخس الي قاهرني الحين حذف الافلام وياترى هو حذفها من جد ولا داسها بمكان مااعرفه… جاب بدالها صور وقصص يعني ماكأنه سوى شي بالله اش اسوي شكلي بانتحر لا والمصيبه يحلفلي بعياله انه ماعاد يشوف وهوكذاب
حسبي الله عليه بالله ادوني حل 😥