زوجي الظالم اسئلكم بالله تدخلو

السلام عليكم ورحمة الله وبركاته
كيفكم صبايا
يابنات انا مره متضايقه وحاسه بضيقه وبعيني الدمعه
كارها حياتي وكارها نفسي
ترددت وانا اكتب الموضوع بس قلت خليني افضفض ويمكن الاقي حلول عندكم
انا متزوجه تقريبا من خمس سنوات وعندي بنوته عمرها ثلاث سنين
زوجي بالنسبه لي كابوس فضيع وحش كاسر
كنت احبه بس اسلوبه وتعامله خلاني اتمنى موته
يابنات تخيلو عنده وسوسه بشكل فضيع في البيت ماكن احد عنده بيت الا هو
يعني مايبغى شي ينكب ولا يتوسخ ولا يخرب تخيلو والله بنتي تعقدت منه
صار لما ينكب عليها حاجه تخاف وترتعد
غير انو يرتب من ورايا مايعجبه ترتيبي والله وللله الحمد انا مرتبه ونظيفه بس هو لحد الجنون
لو احكيلكم التفاصيل واللله يشيب شعر راسكم
لو يجوني ناس بعد مايروحو يدور في البيت يشوف ايش صار في البيت تخيلو يرتب دولاب بنتي وشنطتي لما نرجع من برا ينزل اللي فيها والمطبخ يفتح ادراجه ويرتبها ومايبغى شي يتلخبط في البيت وخصوصا لوبنتي هي اللي تلخبط آآآآآآآآه يابنات
غير كدا انسان حقود احس يحقد علي لو تخاصمنا يعني لازم يردها واناني وشهواني لحد فضيع
وياريتو لما يطلبني بذوق والله بس يقولي قومي على السرير
انسان جاف والله ورب البيت مااسمع منه كلمه حلوه وانا اتمناها
غير كدا كل شي بحسابه مايصرف كدا لازم بميزانيه
وغير كدا ممنوع خرجه الابطلوع الروووح
ودايم يهددني ويذلني ومره مد يده علي لدرجة رحت المستشفى
والشي اللي احبه مايسويه واللي يزعلني يسويه
وانا طلبت الطلاق وتطلقت وكنت مره مرتاحه بعدين بدا يساومني في بنتي
وعشان مابغى بنتي تتعدب لان مافي قلبه رحمه رجعت
اشترى سياره جديده والله انه لما نركبها كابوس مايبغى البنت تتحرك
ولا يطلع احد معاه
تخيلو جات اختي في العيد والله ابغى اشيلها امشي عيالها مارضي خوفا على السياره
ولا يخليني اروح اشوفها ببيت اهلي يقولي انتي لك يوم تروحي بيت اهلك بالاسبوع
خلاااااااااااااااااااااااااااص انا كرهت حيااااااااااااتي
وصرت ادعي عليه في سجودي ان ربي ياخده وارتاح اناوبنتي
انا عمري23 سنه وهو 27 سنه
وتكلمت معاه واهلي تكلمو معاه بس مافي اي فايده
ارجوووووووووووكم اللي عندها حل تقولي وادعوووووووولي ان الله يصبرني ويقوني
اسئلكم بالله انكم تدعولي