عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مسآء الخير جميعا,,
حبيت اقولكم مشكلتي مع زوجي يمكن اطلع بفاايده انا متزوجه من سنه وتسع شهور وماكتب لي ربي بالحمل عسى ربي يرزقني بالذريه الصالحه مشكلتي : زوجي دايم مشغول عني يطلع من الصبح ومايرجع الا المغرب واطفش لحالي بالشقه وعندي بالشقه نت وتلفزيون بس مليت منهم واطفش لحالي وهو مايحب الطلعات ومايحب التمشي ولا يحب الأسواق وانا مليت بالجلسه لحاااااالي والله ابغى اغراض من السوق ويقول بعدين … ومدري متى بعدين ؟؟
اففففف مايحس فيني مايدري ان جو الشقه يطفش ويجيب الهم والغم طفشانه من جو الشقه (هدؤ ومافيه ازعاج ومافيه احد يسليني ولا فيه احد اسولف معه )
وزوجي مدري وش قصته مره متغير معي بأشياء كثيره حتى بالسواليف متغير ومايحب يسولف معي حتى سواليف اخوياه واهله مايحكي لي شي واذا قلتله سولف يقول ماعندي شي اقوله واذا سولفت يسكت ومايقول شي ولا يعلق وماياخذ ولا يعطي بالكلام وانقهر اذا كلمه اي واحد ويضحك ويسولف معاه <<< ودي بذيك اللحظه انتف شوشته
بنات وش الحل والله اني متضايقه وودي اتفاهم معاه وابغى اتعلم واخلي اسلوبي معه ( بالنقاش ) عشان افهمه واقوله باللي يضايقني لأن مشكلتي اذا زعلت من اتفه سبب اسكت وامد بوزي شبرين ازعل وارضى وهو مايدري وش سبب الزعله خخخخ
تكفووووووون هيلب مي ابي نصائحكم وابغاكم تقولون لي شلون اعسفه (اوريه العين الحمرا واخليه خاتم بأصبعي ) خخخخخخ << اخس
تكفووووون لا تخلوني
