عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله والصلاة والسلام على رسول الله
يابنات بترك المجال لصديقتي تفضفض لكم وتقول لكم مشكلتها وهي ما تطمع بأكثر من الدعاااااااااااااااااااااء لها بتفريج الهم
(السلام عليكم كيفكم يابنات أنا بتكلم على طول وياليت تنصحوني او تدلوني على الطريق الصحيح
هل صحيح ان الرجل ما يعيبه انه يسوي العيب وهل ممارسته للوقاحة جهارا نهارا دليل على رجولته اللتي لا يستطيع احد ان يطعن بها
مشكلتي بدأت قبل 6 سنوات و كانت اول مره بحياتي اشوف فلم اباحي وسخ كان زوجي يتفرج عليه ونساه بالكمبيوتر وطبعا هو مطمن اني ما اعرف للكمبيوتر المهم لما شفت السيدي انصدمت وكانت اول صدمه وبدايه تشوه صورته بعيني لأن المعروف عنه بالعائله انه رجل وقور محترم على قدر من الدين
قبل الزواج اول شيء قاله لي ابوي تراه يخااااااااااااااااااااف الله وعارف ربه و بترتاحين معه ……………
المهم لما شفت السي دي ما قلت له اني شفت شيء بس والله صابني حاله ذهولوماني عارفه ايش اسوي بس اكتفيت بالصمت وطبعا هو ما لاحظ علي شيء مرت الايام وبعدها جيت اسافر لأهلي عشان زواج اختي طبعا انا كنت حامل بحملي الاول وكان لنا 10 شهور متزوجين لما جيت اسافر لأهلي رحت و
أخذت كل السي دي هات الوسخه معي و لما وصلت عند اهلي كسرتها وكبيتها بالزباله
طبعا انا سوت هالشكل عشان ما أحرجه و أواجهه خليتها كأن مالي دخل وما اعرف شيء لما جاء الليل اتصل يسألني انت ي شفتي سي ديهات قلت لا و انكرت و مشت الامور
بعد هالسالفه بكم شهر ركب بالبيت دش اوربي فيه اكثر من 800 قناه طبعا انا ما سكتت قلت له ما يدخل بيتي وصارت مشكله بيننا وكلمه مني على كلمه منه قال ماااااااالك دخل انا حر!!!!!!!
طبعا ما خليته مره اذكره بالله و الخوف من الله وكان يطنش وسوي نفسه ما يسمه ولما اثقل العيار يطردني ويقول ما عزمتك تتفرجين معي اطلعي برا ومن هالكلام طبعا كانت مشاكلنا يوميه ومن بين هالمشاكل اللي صارت قلتله مره انا اخاف يتطور معك الوضع ويصير عندك عادي تتعود على هالمناضر بعدين ما تقدر على نفسك طبعا انا مثل اللي يكلم الجدار!!!!!!!!!!
آآآآآآآآآآآآه >>>>>>>> شكلي طولت السالفه
المهم سؤالي بالله عليكم يابنات من منكم تتحمل من زوجها الحركات وخصوصا انو الوضع تطور زي ما قلت صار ما يقدر ينام الا يشوف العاهرات بالتلفزيون وبالنت كل ليله يسهر عليهن
ما ني قادره اتحمل كرهته ماني طايقه اشوفه بس مو قادره ابوح لأني ما أضمن لو اني ابوح له بمشاعري يطلقني لأنه هو انسان جداااا متهور مع ان عمره الان 39 وانا عمري 28
بالله عليكم انصحوني الله يجعل مثواكن الجنه ………….
