عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا رومانسية شوية وملتزمة دينياً رغم ان حجابي عادي
بس الحمد لله بخاف من ربنا
وكنت مصممة ان اللي اتخطبله اتجوزه والى اتجوزه متطلقش منه
وعشان كدة اتجوزت 28 سنة عشان كنت بدقق اوي في اختياري
وكنت بدقق فى مسألة القبول النفسي دي
المهم تصوروا بعد كل دة
جه النصيب فى واحد سبق له الجواز وعنده بنت 5 سنين
بس حبيته اوي وبسرعة واتشديت له بشكل غريب
وخاصة انه قالي ان البنت دي هتعيش طول عمرها
مع مامتها ولو حصل لقدر الله اي ظرف
جدتها هتاخدها
وافقت واتجوزنا والحب كان باين فى كل تصرفاتي
ولكل الناس , كانوا بيقولوا الحب (( طافح )) عليكي
بعد فترة بدأ يتغير لكن على بسيط
راح الإنبهار بيه وبقى شخص عادي او اكتر حاجة بسيطة
بعد 6 سنين جواز بدأ يلح عليه بشدة وبكل الطرق
اني اقبل ان بنته تعيش معانا لانه مش هيقدر يسيبها لجوز ام وانها بدأت تكبر
استخرت واستشرت واخدنا البنت
كنت بعاملها اسن من ولادي عشان متحسش اني بفضلهم عليها
وكنت بتقي الله فيها جداً
الحمد لله
وكان لما تغلط ويضربها
احوش عنها يقوم يبعدني بطريقة فيها ضرب ليه
المهم ان البنت دي من ساعة ما جت
معاملته اتغيرت جدا جدا معايا
بطل يجيبلي هدايا تماما
بطل يقوللي كلام حلو
وبطل حاجات كتييير
زي اللى يخاف انها تضايق
مع انها فى الاول كانت كويسة جدا
وبدا كمان يمد ايده عليه
ويشتمني وقدامها
مش عارفة ليه ؟؟؟
وكانت دايما تواسيني وتتعاطف معايا
وكانت كمان معجبة بيه كأم وتقوللي كدة
وقالتلي يا ماما
وقالتلي انها بتحبني اكتر من امها
لما دخلت ثانوي
مش عارفة اتغيرت ولا بانت على حقيقتها
بقت تغيظني بمامتها وتقول قد ايه باباها كان بيحبها
وقد ايه العيلة كانت بتقدرها
وان مامتها هي اللي طلبت الطلاق ( عكس كلامه )
وان مامتها بتكلم جوزي كتير عشان يتناقشوا في مستقبل البنت بس هي حاسة ان امها بتتقرب لجوزي
ولما واجهته قال ايوة اومال يعني هنسيب البنت كدة ؟؟
وأكدلي انه مهما قابلها ولا كلمها هي بالنسبة له ولا شىء
وانها اتطلقت من فترة
ولو كان عايز يرجعها كان رجعها فقولت للبنت على فكرة مهما مامتك كلمت جوزي ولا حاولت تتقربله ميهمنيش
طالما هو مش حاسس بيها ولا بيعبرها الا عشانك
بعدها قالتلي تعرفي انك صعبانه عليه
قولتلها ليه قالتلي عشان فاكرة ان بابا بيحبك وهو فى الحقيقة بيجرى ورا ماما وبيحاول يرجعلها وهي مش راضية
طبعا انا اتجننت وبهدلتها وواجهتها انها شخصية
خادعة وماكرة ومش كويسة راحت سابت البيت وراحت لامها
وواجهته فأثبتلي بطريقة معينة انه محصلش ( مش هينفع اقولها ومش مهم اوي )
لكن مخدش ناحيتها اي رد فعل خاااالص
راح جابها من عند مامتها اللى طبعا صورتله اني قاسية على البنت
وان هو بيسمع كلامي من غير مايرجع للبنت
وانها كبرت ولازم يحتضنها ويصاحبها ويحسسها بمش عارف ايه وايه وايه
ومن يومها البنت دي مفضلة عن اولادي في المجايب والمعاملات وكل شىء
عايزة اقولكم انها مفضلة عليه انا
يعني بتقعد هى وهو يتفرجوا على التليفزيون ويتكلموا وانا وبنتي نقوم نحضر الاكل وعااااااااادي
بيجيلها احلى موبايلات وتضيع واحد يجيلها الاحسن منه
وانا ماسكة موبايل عادي واقل منها بكتير
بيجيلها في كل شهادة دهب
وانا دهبي اتباع في زنقة ومتعوضتش عنه
بيخرج معاها مطاعم عشان يكلم معاها فى حاجات ؟؟؟
وانا بتحايل عليه بقالي سنتين نخرج لوحدنا مش فاضي ومش رايق وبكرة وبعده
وأخيرا البنت بتقوله ان مامتها راحتلها الكلية وان اصحابها شافوها وان فرح صاحبتها وعازماها
وقالتله صاحبتي قالتلي هاتي مامتك وباباكي معاكي
والأدهى قالتله عارف يابابا بيقولوا عليك ايه فى العيلة
بيقولوا انك ضعيف الشخصية وبتمشى ورا مراتك
حسبي الله ونعم الوكيل هو انا ناقصة ؟؟؟
والله دة هو اللي ممشيني انا وولادى زي كلاب الحراسة وراه
ولا بنعرف ناخد منه حق ولا باطل
ولما بكلم واقول ياخد باله ان حياتنا كدة بتدمر
يقول هتعملي عقلك بعقلها ويقول غيرانة
على فكرة انا مش بعرف اتكلم كويس ولا بعرف اقنع حد بحاجة هو مش مقتنع بيها
انا دايركت جدا فى حياتي ولا بعرف ولا هعرف الف وادور
انا متضايقة جدا جدا ونفسيتي متحطمة اوى اوى
والله بكتبلكوا وانا ببكي بحرقة
مش عارفة اعمل ايه
حاولت والله حاولت
بس دة اخري خلاص
ادعوووووووولي
بس الحمد لله بخاف من ربنا
وكنت مصممة ان اللي اتخطبله اتجوزه والى اتجوزه متطلقش منه
وعشان كدة اتجوزت 28 سنة عشان كنت بدقق اوي في اختياري
وكنت بدقق فى مسألة القبول النفسي دي
المهم تصوروا بعد كل دة
جه النصيب فى واحد سبق له الجواز وعنده بنت 5 سنين
بس حبيته اوي وبسرعة واتشديت له بشكل غريب
وخاصة انه قالي ان البنت دي هتعيش طول عمرها
مع مامتها ولو حصل لقدر الله اي ظرف
جدتها هتاخدها
وافقت واتجوزنا والحب كان باين فى كل تصرفاتي
ولكل الناس , كانوا بيقولوا الحب (( طافح )) عليكي
بعد فترة بدأ يتغير لكن على بسيط
راح الإنبهار بيه وبقى شخص عادي او اكتر حاجة بسيطة
بعد 6 سنين جواز بدأ يلح عليه بشدة وبكل الطرق
اني اقبل ان بنته تعيش معانا لانه مش هيقدر يسيبها لجوز ام وانها بدأت تكبر
استخرت واستشرت واخدنا البنت
كنت بعاملها اسن من ولادي عشان متحسش اني بفضلهم عليها
وكنت بتقي الله فيها جداً
الحمد لله
وكان لما تغلط ويضربها
احوش عنها يقوم يبعدني بطريقة فيها ضرب ليه
المهم ان البنت دي من ساعة ما جت
معاملته اتغيرت جدا جدا معايا
بطل يجيبلي هدايا تماما
بطل يقوللي كلام حلو
وبطل حاجات كتييير
زي اللى يخاف انها تضايق
مع انها فى الاول كانت كويسة جدا
وبدا كمان يمد ايده عليه
ويشتمني وقدامها
مش عارفة ليه ؟؟؟
وكانت دايما تواسيني وتتعاطف معايا
وكانت كمان معجبة بيه كأم وتقوللي كدة
وقالتلي يا ماما
وقالتلي انها بتحبني اكتر من امها
لما دخلت ثانوي
مش عارفة اتغيرت ولا بانت على حقيقتها
بقت تغيظني بمامتها وتقول قد ايه باباها كان بيحبها
وقد ايه العيلة كانت بتقدرها
وان مامتها هي اللي طلبت الطلاق ( عكس كلامه )
وان مامتها بتكلم جوزي كتير عشان يتناقشوا في مستقبل البنت بس هي حاسة ان امها بتتقرب لجوزي
ولما واجهته قال ايوة اومال يعني هنسيب البنت كدة ؟؟
وأكدلي انه مهما قابلها ولا كلمها هي بالنسبة له ولا شىء
وانها اتطلقت من فترة
ولو كان عايز يرجعها كان رجعها فقولت للبنت على فكرة مهما مامتك كلمت جوزي ولا حاولت تتقربله ميهمنيش
طالما هو مش حاسس بيها ولا بيعبرها الا عشانك
بعدها قالتلي تعرفي انك صعبانه عليه
قولتلها ليه قالتلي عشان فاكرة ان بابا بيحبك وهو فى الحقيقة بيجرى ورا ماما وبيحاول يرجعلها وهي مش راضية
طبعا انا اتجننت وبهدلتها وواجهتها انها شخصية
خادعة وماكرة ومش كويسة راحت سابت البيت وراحت لامها
وواجهته فأثبتلي بطريقة معينة انه محصلش ( مش هينفع اقولها ومش مهم اوي )
لكن مخدش ناحيتها اي رد فعل خاااالص
راح جابها من عند مامتها اللى طبعا صورتله اني قاسية على البنت
وان هو بيسمع كلامي من غير مايرجع للبنت
وانها كبرت ولازم يحتضنها ويصاحبها ويحسسها بمش عارف ايه وايه وايه
ومن يومها البنت دي مفضلة عن اولادي في المجايب والمعاملات وكل شىء
عايزة اقولكم انها مفضلة عليه انا
يعني بتقعد هى وهو يتفرجوا على التليفزيون ويتكلموا وانا وبنتي نقوم نحضر الاكل وعااااااااادي
بيجيلها احلى موبايلات وتضيع واحد يجيلها الاحسن منه
وانا ماسكة موبايل عادي واقل منها بكتير
بيجيلها في كل شهادة دهب
وانا دهبي اتباع في زنقة ومتعوضتش عنه
بيخرج معاها مطاعم عشان يكلم معاها فى حاجات ؟؟؟
وانا بتحايل عليه بقالي سنتين نخرج لوحدنا مش فاضي ومش رايق وبكرة وبعده
وأخيرا البنت بتقوله ان مامتها راحتلها الكلية وان اصحابها شافوها وان فرح صاحبتها وعازماها
وقالتله صاحبتي قالتلي هاتي مامتك وباباكي معاكي
والأدهى قالتله عارف يابابا بيقولوا عليك ايه فى العيلة
بيقولوا انك ضعيف الشخصية وبتمشى ورا مراتك
حسبي الله ونعم الوكيل هو انا ناقصة ؟؟؟
والله دة هو اللي ممشيني انا وولادى زي كلاب الحراسة وراه
ولا بنعرف ناخد منه حق ولا باطل
ولما بكلم واقول ياخد باله ان حياتنا كدة بتدمر
يقول هتعملي عقلك بعقلها ويقول غيرانة
على فكرة انا مش بعرف اتكلم كويس ولا بعرف اقنع حد بحاجة هو مش مقتنع بيها
انا دايركت جدا فى حياتي ولا بعرف ولا هعرف الف وادور
انا متضايقة جدا جدا ونفسيتي متحطمة اوى اوى
والله بكتبلكوا وانا ببكي بحرقة
مش عارفة اعمل ايه
حاولت والله حاولت
بس دة اخري خلاص
ادعوووووووولي
