عالم البنات النسائي كل ما يخص المرأة العربية من ازياء وجمال والحياة الزوجية والمطبخ
زوجي بيتركني ،،بنات بليز ساعدوني
انا مصدومه و عاجزه عن استيعاب الموقف و مش قادره افكر ،
قبل يومين صار لي الموقف ، مع زوجي ( ملكة فقط مادخلنا )
اللي صار اني خالفت كلامه بحاجه هو يكره اني اسويها وحذرني منها اكثر من مره و كان اذا غلطت يسامحني و لكن هالمره سويتها وكنت قاصده اثير غيرته
لكن ماتوقعت رد فعله ابدااااا
كلمته بالتلفون وقلت له انا عملت كذا وكذا ، انفعل و قال لي : الله لايسامحك ، الله لايبيحك
وجلس يصارخ بالتلفون
و قال لي :اللي بيننا انتهى
حاولت اهديه و اعتذر له وجلست ابكي ،، وانصدمت لاني توقعته يزعل أو يخانق أو يقول اي شي لكن مو لدرجة انه ينهي العلاقه !
وقال لي البسي (عباتك) راح امرك الحين
ولبست عباتي و اسأذنت من اهلي وطلعت
لقيت معه ظرف و حاط فيه صوري و عقد الزواج
انا انهرت وجلست ابكي و قلت له وقف سيارتك نتكلم وقف على الطريق و اعتذرت و كل شي قلته وذكرته بمواقفنا و ذكرياتنا
قال لي لو انتي تحترميني ماسويتي هالشي
انتي انانية
انا ماقصرت معك بشي ، ضحيت بوقتي و بصحتي وبمالي كله عشانك
انتي ماتحبيني ، انا اعماني الحب ، انا كنت مخدوع بك وظلمت نفسي!
وآخر شي اعطاني صوري و اخذ عقد الزواج وقال : مالك حاجه عندي هذي صورك خوذيهم واللي بيننا انتهى ورقمي امسحيه
قلت له وش اسوي وش اقول لأمي ؟ و سكت مارد
قعدت افكر هل راح يطلقني؟؟ لكن ماتجرأت اسأله خفت ينطقها و اموت من الحزن
آخر شي رجعني البيت و قال لي مع السلامه !
انا مصدومه ماادري وش اسوي
امس ارسلت له مسجات ومايرد
اخاف ادخل اهلي بالسالفه و تتعقد لان المشكله بيني وبينه
وش اسوي
هل صحيح ممكن يتركني بهالسهوله ،
هو شخصيته حازمة و قويه ، اخاف من جد يتركني
مع ان الشي اللي سويته شي تافه مايسوى لكنه رجال غيوووووور ونار ابسط موقف يثير جنونه
رجاااء قلبي ذاب من الحزن ، اول مره يزعل علي كذا ، عطوني حل
