زوجي ولسانه الطويل

يابنات يامتزوجاااات بالله عليكم ابي ارائكم ومساعدتكم لي في مشكلتي مشكلتي باختصار هي لسان وزجي ووساخته… زوجي لسانه طويل بدرجه مو معقوله يسب ابوي ويعايرني بااخطائه ومايخلي ولا عيب بالدنيا الا ويحطه في ابويا ويسب امي ويبرر روحتها للسوق بكلام فاضح ماينقال ويتكلم في شرف اخواتي ويقذفهم وحارمني من زيارتهم بلا سبب مع انهم متزوجات وكل وحده ببيتها يسب اخواني واعمامي وخوالي ماحد عاجبه ويعايرني بعيشتهم لانهم على قد حالهم وخاصه ان عيشتي الماديه احسن منهم ,, لا وبعد يعلم ولدي كيف يسب اهلي ويقل ادبه عليهم ويعلمه كيف مايحترمهم وطبعا ولدي يسمع كلامه…انا كنت احسبه بيتعدل مع الوقت قلت يمكن يتعلم مني الاحترام مع مرور الوقت بس مع الاسف لاحياة لمن تناديكنت احسبه بيتعلم الادب اذا جاه عيال يخاف لايتعلمون منه ويقلدونه بس مع الاسف صار هو يعلمهم.. ابوي مايكلمه ولا يوقفه عند حده يقول ان زوجي عنودي وماينفع معه شيء وابوي يقول مايبي يخرب بيتي خاصه ان زوجي من النوع اللي ممكن يخرب بيته ويضيع عياله بدون اي احساس بالمسؤليهواعمامي وخوالي كافينه شرهم مايتدخلوا بيننا؟؟طيب ايش الحل بالله عليكم.. من كثر مايسب فيني وفي اهلي اتعلمت منه من قهري على اهلي اتعلمت اسب اهله واتكلم في خواته واخوانه ومااصدق القى عليهم غلط عشان اعايره مثل مايسوي معي والله يابنات اني كلمته كثير واتناقشت معاه وعلمته سلبيات لسانه الطويل بس لاحياة لمن تنادي وعلى فكره هو دايم لسانه وسخ حتى وقت المزح او الاوقات العاديه لجأت الى امه وقلت لها ياعمه ولدك يتكلم بشرفي ويقذفني ؟؟ تعرفون ايش قالت؟؟ قالت عادي كل السعوديين كذا انا ابوهم كان يعاملني كذا وكنت صابرهانا كنت ابيها تنصحه بس بلا فائده بالعكس زعلت مني لاني اشتكيته لاحد يقولي ادعيلي ان الله يهديه …قسما بالله من كثر ماقلبي محروق على اهلي كل مادعيت على اليهود ادعي عليه معاهموعلى فكره اهلي ساكنين في الشرقيه وانا في الغربيه يعني مااشوف اهلي الا كل سنه او سنتين ومع كذا مو راحمهم..بالله ابي مساعدتكم كيف اتعامل معاه؟؟ لا وبعد الموجز اللي يعطيني اياه عن اهلي يزعل لمدة اسبوع ويستنى اراضيه ويوقف كل الواجبات الزوجيه اللي عليه يعني لاطلعه ولاخرجه ولا يجيب اللي محتاجته واذا مرضت مايجيب لادواء ولا يسال عني الا اذا راضيتهوطبعا لاني تحت رحمته وماعندي احد في الغربيه غيره لجاء اليه واعتذر وافهمه خطأه لاكمل حياتي لاني ماافكر في الطلاق بس تعبت ابي شيء يأدبه.. وترى كل النااااااس يعرفون ان لسانه وسخ سواء اهلي او جيراني او اصحابه في العمل او اخوانه؟؟ يعني مشهور بلسانه بس والله صار حاله يزيد كل فتره وانا خايفه على ولدي وسامحوني لاني طولتها بس ابي اشوف ردودكم لعلي اجد عند احدكم الراحه