عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام يا فرشات
بقولكم وش صار مع اختي الصغيره الي زواجها بشهر 10 وحنا جايين من المنتزه وصلتها رساله كلها غرام
والجوال مع اخوي ولما فتح الرساله لقه رقم بدون اسم فطلع جواله وسجل الرقم المرسل الرساله واتصل عليه طلع خطيب اختي وجا وقالها شوفي من مرسلك وهو ماسك جواله وفيه اسم خطيب اختي ورقمه واجوال اختي في يده الثانيه
الى هنا كل الامور تمام اختي فرحت برسالته واخوي ماقالها شئ المصيبه جايه قامت اختي الوسطى وكلمت زوجها وعلمته ان خطيب اختي ارسل رساله واكتشفنا ان اختي متفقه هي وزوجها انهم يخلون خطيب اختي يكلمها المهم وهي تكلم زوجها مسمعنا غير صياحها عليه وتقول الله يفشلك سكرت منه سالنها قلنا عسا ماشر وش فيه
قالت لختي المخطوبه بقولك شئ انا وزوجي اتفقنا انه يكلمك بما انه صديقه بس زوجي جاب العيد 
هنا طارت عيون مها وقالت حسبي الله عليكم من طلب انكم تتوسطون او قالكم اني ابيه يكلمني الحين وش بيكون نظرته لي وقامت تصيح وتقول خليتوني قليله حيا واني ميته عليه
اختي عصبت على زوجها وقامت تخانقه بس الموقف مايترقع ابدا اختي مها تقول تبي تكسر الشريحه ولاراح تعطيه احد ولو يدق عليها ماراح ترد
بنات وش الحل كيف نصرف الموضوع وكيف نرقعه صراحه فشله وموقف لاتحسد عليه
