عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كلامي عن تجربه وعن خبره , وياليت تقراه كل متزوجه او مقبله على زواج وتعمل فيه
لاتتعبين كثير ولا تدورين كثير زوجك على ماتعودينه
لو شافك نظيفه وعودتيه على النظافه بيكون نظيف
لو شافك وصخه بيكون وصخ مثلك
لو اعطاك شي ورفضتيه لان ظروفه الماديه ماتسمح يعني توفرين عليه وتقولين لاحبيبي انا احبك وموت عليك رد فلوسك لك ولا تجيب هدايا راح يتعود مايعطيك وراح يحاسبك على القرش وبالعكس راح يستغرب يوم تطلبينه وراح يقولك وين فلانه الاوله الي كانت توفر علي !!
كنتم بسياره قالك حبيبتي ايش رايك نتعشى بمطعم او قالك نتمشى قولي اوكي لاتوفرين عليه وهذي نصيحه
احتجتي شي من حلواني وكنتي معاه بسياره وقالك انزلي اختاري قلتي لا مستحيه انت اختار .. مع الايام لو تموتين ماراح ينزلك
لاتتقدين اي حرمه تشوفينها بسوق او غيره متبرجه او او او .. لانه بيخاف عليك وراح يغار ويمكن يمنعك من السوق
عودي نفسك على الكلمه الزينه والطيبه والابتسامه لانه حتما بيتأثر ويتربى عليها
لاتتحسين من مشاكل تافهه بسبب ماطلعك مشاك او ماجا البيت بالوقت الفلاني لان الرجل ينفر من الزوجه الزعول الي دمعتها على خدها وبوزها شبرين
الرجال مثل الطفل يتأثر بعواطف الزوجه خاصه من حوله عودي نفسك على الاشياء الجميله بيتعود منها زوجك واسرتك
ادعوووووووولي
انا متزوجه من 16 سنه وعرفت حجم مقولة زوجك على ماتعودينه ضاعت اشياء كثير مني الحمد لله على كل حال وكله بسبب ماعودته بالعكس تنازلت عن حقوقي كازوجه
الا ليت الشباب يعود يوما
