عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
شخباركم بنات .. ادري هالأسبوعين قلت لكم اسرار اكثر مبيعاتي وكثير منكم يتسائل ليش انا اسوي كذا .. باختصار اطرحها لعدم توفر الاغراض او لغلاها وتعبها وقل المكسب والحمدلله ومااسوي هالشيء الا ابيه وقف لوجه الله وبناء على مبدأ ( من كتم علما’ نافعا’ جاء يوم القيامه ملجم بلجام من نار ) والواحد ما يضمن عمره يموت اليوم او بأي لحظه ومابي اموت وانا كاتمه علم فيه خير ومنفعه لبنات المسلمين
ارجوووكم بنات دعوه صادقه من قلب مؤمن صادق بأن يحقق لي الله جميع مااتمناه دنيا واخره .. وان يرحم الله والدي ومن يعزون علي والمسلمين .. ولمن تريد التجاره فيه اتمنى تخصص لي ريال من مبيعاتها فيه صدقه عني وعن والدي << ولا الزمكن بذلك لكنها امنيه اتمنى تحققونها
طبعا فوائد الزيت
1_ يعمل عمل البنج حيث انه يضعف جذور الشعره وبذلك يسهل خروجها فلا ألم يذكر
2_اذا انشاااال الشعر من جذوره << اشدد على هالنقطه اذا انشالت من جذورها راح تتخلصون من الشعر من اول مره واذا طلع شعر عيدي العمليه ثلاث مرات وان شاء الله تودعينه اقل شي سنتين وصدقيني بيرجع ولااا شي ونااعم
تجربتي وتجربة اقاربي وبعض من زبوناتي
ماشاء الله لا قوة الا بالله واقسم بالله الذي لا اله الا هو يا بنات انو شعري كان زي الاولاد الحين جسمي ناعم وكله انوثه واماكن كثيره بجسمي صلعت تدرون شلووون صلعت اذكروا الله ونفس الشي حصل مع قريباتي وصديقاتي وبعض من زبونااتي
لكن تراه فاد 70% من البنات و30 مااستفادوا << حظوظ خخخخ
نجي للمقادير ركزو معي تراها صعبه
1_ بذور الارز تحرق ويؤخذ رمادها << كنت اوفرها من اندنوسيا وهي اهم شغله وهاذي صورتها
2_ فخار اللي لونه احمر وغييير مصبوغ كسريه و حطيه على النار فوق صاج وخليه 3 الى 4 ساعات الين يسووود ويتكسر بسرعه لانو صار رماد << انا كنت اطفش اهلي بالخيمه بالمشب واكتمهم بريحته خخخ لبا قلوبهم ..
3_ شبه
4_ مباركه (صبره )
5_ سعد
6_ مستكه
7_ ملح خشن مطحوون
8_ ترمس
9_ زيت زيتون الجوف فقططط معصور على البارد انتاج هاذي السنه
10 _ كاس حليب الصويا محضرته منزليا << لبا قلبه 😆 🙄
11_ زنجبل
نجي للطريقه 
ضعي 4 ملاعق شبه + 4 ملاعق مباركه + 4 ملاعق سعد + 4 ملاعق مستكه + قبضتين رماد الرز + قبضتين رماد الفخار + 4 ملاعق ملح + كاسين موية زمزم << احبه 🙁
خليهم على النار وحركي وقلبي عشر دقايق راح تطلع ريحه بالبيت كله الله يعين .. بعدين قصري عليه
وضيفي 4 ملاعق ترمس + قبضه من كل رماد + ضيفي 6 فناجيل زيت زيتون
وقلبي وحركي مره ثانيه الين يغلي وقصري عليه
ضيفي كاس حليب الصويا + 4 ملاعق زنجبيل + 4 ملاعق سعد
وقلبي زين واذا حسيتي محتاجه تضيفين زيت ضيفي بعدين حركي واول ما يغلي طفيه
غطيه 12 ساعه بعدين هاتي شراب (جرابتات ) جديده
وبالملعقه حطي الزيت داخل الشراب واعصري عشان يطلع لك شبه زيت صافي << عادي لو طلع معه شوي ترسبات مطحونه مو مشكله
وهذا شكله النهائي
نجي لطريقة الاستخدام
1_الجلوس في غرفة غير بارده او خلال حمام السونا او أمام المدفأه ( في الصيف لايهم هذا الإجراء )
2_ يوضع الزيت على المنطقه المراد نزعها ويعمل لها تدليك ( مساج ) لمدة ربع ساعه ( مع عقارب الساعه بكل رويه وحتى تحمى المنطقه وتتفتح مساماتها ) يشد جلد المنطقه لفتح المسامات اكثر ويوضع من الزيت مرة اخرى ثم يترك 45 دقيقه
3_نقوم بأختبار بسيط وهو نتف شعرة واحده تلو الأخرى .. عند ملاحظة نزع الشعره كامله من جذوره وبكل سهوله ودون ألم فورا تغسل المنطقه بماء دافيء مائل للسخونه
4_ ينزع الشعر بالشمع ( لا اقصد الشرائح الشمعيه ) وليس غير الشمع للتأكد من نزع الشعر من جذوره أو بالحلاوه مع اخذ قطعه صغيره ( بحجم العلكه ) ونتف الشعر بشكل متواصل .. سيلاحظ سرعة في النزع مع ألم لا يذكر
5_ بعد الانتهاء لا تغسل المنطقه وانما يوضع الزيت بشكل مباشر مع شد الجلد لفتح المسامات مرة اخرى .. ويعمل له مساج لمدة ربع ساعه مرة اخرى .. ثم يوضع منه طبقة اخيره ويترك لمدة ساعه ثم يشطف بماء بارد
6_ في نفس الوقت ولمدة سبعة ايام متتاليه يوضع الزيت وهو دافيء ويدلك لمدة ربع ساعه ويترك ساعه ثم يشطف بماء بارد
7_ حجم العبوه 250 مل تكفي للجسم كامل ولشهرين الى ثلاث اشهر ( يعني استخدامين الى ثلاث استخدامات )
بالنهايه عرفتووو ليش كنت ابيعه ب350 ؟؟ وترا اللي شرته باقل من كذا عطيتها باقل من جهده وراس ماله بس عشان تكتب تجربتها << وماشفت وحده كتبت تجربتها واعتقد لانو يا لسى مااستخدمته او تكاسلت عنه او يمكن مافادها الله اعلم .. الحين ما بقى الا دعواااتكم يا الغاليااات
